語言

 2010

03092110語言

119譯品篇

有真濟動物使用某一款ｅ語言。in利用著信號，遐ｅ信號攏有代表著某一種ｅ意義。舉一個例來講，ti一隻蜂發現一寡仔食ｅ物件了後，伊就飛倒轉去伊ｅ岫(siu7)。咱若beh叫一隻蜂用嘴來講，ka其他ｅ蜂講佗位有食ｅ物件是無可能ｅ，m閣伊會曉用一屑仔舞蹈。按呢來ka其他遐ｅ蜂講佗位有通食ｅ物件kah物件離外遠。

另外有一寡動物藉著製造聲音來表示in ｅ感覺按怎。咱若beh了解一隻狗仔敢有起歹並無困難，因為狗會叫；鳥仔發出幾a款無仝ｅ聲音，而且逐聲攏有伊家己ｅ意思；有當時仔咱人ma會用相仝ｅ方法發出聲音。咱發出聲音像「唬！」或是「啊！」來表示咱對某一項代誌ｅ感覺按怎或是咱用落去ｅ物件去頓ti腳踵頭仔ｅ時陣。

m閣咱人有一寡代誌是無半項動物有ｅ：一大kuann ｅ字，遮ｅ字有意思來指代誌、動作、感情和思想。咱有法度互相hoo對方訊息，ka別人講咱ｅ心內有啥麼，或是咱ｅ感覺按怎。將字寫落來，咱會凍想起啥麼代誌有發生過或是傳送消息hoo遠離故鄉ｅ人。叫動物來做這是無可能ｅ。有一寡鳥仔，親像鸚哥，會凍夆 (hong5) 教來講話，m閣in m知 遐ｅ字指啥，in be曉用遐ｅ字。

咱無人知影咱按怎學會曉創造語詞。無的確咱用模仿動物來開始ｅ；嘛無的確咱模仿所有ti身軀邊所聽著ｅ聲：水濺ｅ聲、蜂飛ｅ聲、石頭落落土腳ｅ聲。用某一款方法咱學會曉造語詞。等幾百年經過了後，咱造愈來愈濟ｅ語詞，這就是咱所指ｅ語言。

咱所知ｅ字詞叫做咱ｅ字彙。咱愛儘量試leh ka咱ｅ字彙變kah大leh，就是講咱愛識真濟ｅ字詞。咱應該盡量來讀卡濟冊leh。目前，咱已經有夠豐富ｅ台語冊通仔hoo咱去讀。當然，ti冊內面遐一定會有新字。ti咱發現一個新字ｅ時，咱會使ti咱ｅ字典內查著遐ｅ字。咱ｅ字典是咱上有路用ｅ冊。

1995.09.03 譯(台音式)

1998.06.24 (教育部公告)

1994.07.07am0117原始檔language.doc為台音式純文字檔於20050511發現，用語略有出入。

 

(轉去譯品篇目錄) (轉去主目錄)