2010
03092039台語嘛是文化
最近，非常歡喜看著未[袂]少ｅ[的]文化工作陣為著本土文化來咧扑拼[拍拚]無盈[閒]，其中嘛有新ｅ[的]文化工作陣來成立，怹[𪜶]為著欲發揚以及保存著咱家己ｅ[的]文化來奮鬥，有刊物ｅ[的]出版；猶原有未[袂]少ｅ[的]台語團體有台語雜誌以及刊物ｅ[的]出現。咱愛非常感謝有真濟人願意來奉獻家己寶貴ｅ[的]時間來為咱ｅ[的]文化拼[拚]命付出。實在真值得咱ｅ[的]安慰。
雖然，佇社會上咱茲[遮]ｅ[的]文化團體以及組織攏是弱勢團體，但是怹[𪜶]點點滴滴所做ｅ[的]代誌，總有一工早慢會變成非常大ｅ[的]力量，就親像內山做大水仝款，欲擋是擋未[袂]著ｅ[的]。
當然，佇茲[遮]每一個[个]文化工作陣或[抑]是台語團體ｅ[的]活動能力攏無仝，有ｅ[的]團體有非常大ｅ[的]活動能力，時常辦活動，親像文學營、讀冊會、拼音班、出刊物、出雜誌……等等ｅ[的]活動。有ｅ[的]團體ｅ[的]活動能力就卡[較]無遐呢[爾]鬧熱，hoo[予]人毋知怹[𪜶]ｅ[的]存在。
其實，咱未凍[袂當]對茲ｅ[遮的]無啥麼[物]活動能力ｅ[的]組織有任何ｅ[的]批評，畢竟，咱茲ｅ[遮的]每一個[个]團體ｅ[的]成員，怹[𪜶]逐個[个]人攏是做犧牲奉獻ｅ[的]空[工]課，完全是義務來服務，並無欲要求任何ｅ[的]名利，實在是值得咱ｅ[的]欽佩kah[佮]呵咾，怹[𪜶]所欲追求ｅ[的]目標攏是相仝ｅ[的]，就是欲將[共]咱ｅ[的]文化保留起來，閣希望咱ｅ[的]文化會凍[當]繼續生根閣再湠開，以免咱ｅ[的]文化會從此「無後」，驚會無人來替咱來傳承咱ｅ[的]文化。
佇茲[遮]，個人因為有看著新成立ｅ[的]文化工作陣所出版ｅ[的]刊物內容以後，有淡薄仔看法，欲提供咱逐個[个]來做參考。
代誌是按呢，佇個人收著新成立ｅ[的]工作陣所出刊ｅ[的]創刊ｅ[的]時，非常歡喜閣有人熱心來為咱文化ｅ[的]保存來奮鬥。但是佇看完刊物之[了]後，心內有淡薄仔失望，因為刊物ｅ[的]內容自頭到尾攏是採用咱目前學校教育唯一承認ｅ[的]「標準」語言來寫ｅ[的]。
佇私底下，了解著這個[个]組織ｅ[的]成員了後，真正更加hoo[予]人感覺一點點[仔]ｅ[的]心酸，怹[𪜶]是開同窗會了後，有人發起來組織，怹[𪜶]是佇國小ｅ[的]時受著日本教育，然後日本戰敗有讀著[過]一站仔漢學，閣來閣讀北京語，身受三種語言ｅ[的]洗禮，如今[到今]，六十出頭歲a[矣]，想欲為著保存文化來扑拼[拍拚]……。
照理講，我是一個[个]後輩人，無應該佇茲[遮]提出任何意見才著，感覺著家己按呢實在是無大無細，真未[袂]曉做人。
當然，看著一份刊物出來，咱愛認真來呵咾怹[𪜶]所費ｅ[的]心血以及怹[𪜶]所做出來ｅ[的]成果，因為怹[𪜶]提出怹[𪜶]實際ｅ[的]行動來做文化保存ｅ[的]空課[工課]，已經比遐ｅ[的] kanna[干焦]佇嘴[喙]裡一直講咱愛保存咱家己文化，但是攏無實際做代誌ｅ[的]人好過幾a[若]百倍，是值得咱尊敬ｅ[的]人。怹[𪜶]ｅ[的]付出hoo[互]咱感心，呵咾就未[袂]赴a[矣]，塔[盍(khah)]忍心來批評怹[𪜶]咧，來將[共]怹[𪜶]ｅ[的]熱忱給[共]潑一寡冷水hoo[予]怹[𪜶]咧。
佇茲[遮]，就事論事。
佇咱咧做文化工作[課]ｅ[的]時，是毋是有想過文化到底是啥麼[物]？啥麼[物]款ｅ[的]代誌算是咱家己ｅ[的]文化？咱上蓋基本ｅ[的]文化是啥麼[物]？
可惜，咱已經將上重要ｅ[的]文化ｅ[的]根囥一邊。就親像一欉破病ｅ[的]樹仔仝款，伊ｅ[的]根去敗壞[害]去a[矣]，咱佇表面上看著伊ｅ[的]葉去焦lian[蔫]去，樹椏(ue１)去枯枝去a[矣]。咱想欲去救伊，咱一個[个]葉仔、一個[个]葉仔辛辛苦苦去給[共]注意，咱一枝椏、一個[枝]椏去給[共]照顧。
咱來想看覓咧，這欉樹仔到尾仔，猶原會死去，葉仔一葉、一葉落去，chun[賰(tshun)]一欉完全枯枝無生命ｅ[的]樹仔欉佇遐，保持著伊樹仔ｅ[的]外形佇遐。毋知ｅ[的]人看著，會想講伊是冬天ｅ[的]時陣，只不過是葉仔落去而已，等候春天來ｅ[的]時，就會閣發出新葉仔出來a[矣]。
咱攏知影，一欉根去敗害去ｅ[的]樹仔，就是春天來a[矣]，嘛是未[袂]閣再發出新葉仔來。
相仝ｅ[的]道理，咱本身ｅ[的]母語，就是咱家己ｅ[的]文化ｅ[的]根。咱拼[拚]生命去走cong[傱(tsông)]打拼[拚]，保存古蹟、歷史故事、繪畫……等等。偏偏將[共]咱ｅ[的]母語囥一邊，做伊去敗害，按呢做，是毋是kah[佮]彼欉根去敗害去ｅ[的]樹仔仝款？咱ｅ[的]母語若失去，咱拼[拚]命去做ｅ[的]文化工作，是毋是變成維護枝葉ｅ[的]空課？這款無根ｅ[的]文化是毋是只chun[賰(tshun)一個[个]外形而已，是一個[个]死ｅ[的]文化？
所以，咱佇咧做文化空[工]課ｅ[的]時，所出版ｅ[的]刊物是毋是嘛愛用咱ｅ[的]母語來寫作？驚人看無而用中文寫作，咱ｅ[的]損失是毋是會更[閣]加悽滲[慘]咧？
(台音式漢羅) 1996.02.17；
2000.01.11 (TLPA)
2010.06.05共教育部用字
佮修正的字囥佇[ ]內底
嘛順紲改變網頁字形佮排版的格式
2010.08.18貼教育部的造字圖形字
2012.08.22重貼造字圖形字
[後記]
十幾年矣, 人事全非, 今仔日(2010.03.31)轉來看這篇, 心有淡薄仔疼, 目箍略仔澹澹. 因為內底講著的主事者嘛已經過身足濟冬的矣, 毋知in[𪜶]的工作陣是毋是閣有佇咧運作, 刊物是毋是已經停起來矣. 因為當初伊是彼个工作陣的發起人, 刊物的代誌攏是伊咧走tsong5[傱]發落的.
沒有留言:
張貼留言