2011
05032057食食(tsiah8-sit8)運動照步行
吃食運動照步行
阿心：我是阿心，伊是阿婷。
阿心、阿婷：上台行禮。
阿心：阮是轟-動-武-林，
阿婷：驚-動-萬-教，
阿心：金光強強滾，
阿婷：瑞氣千萬條，
阿心：人看-人會驚，
阿婷：鬼看-鬼驚惶！
阿心、阿婷：世界第一勇的e5--紅-火-蟻！
阿婷：阿心，你逐擺攏足大面神，搶我的話，無愛佮你答喙鼓啊！
阿心：歹勢！歹勢！你甭使性地踅踅唸，我卡厚話淡薄啊，後一擺一定讓你先講啦。
阿婷：踅？我那有踅！我是企咧唸。甭講這，咱干但是厝內的小蚼蟻，拄才喝佮這大聲，擱假做予人驚的紅火蟻，你敢毋知影這攏是人？
阿心：你看頭前這陣人，攏這大叢！咱若沒這臭屁，他們in1凊採歕一個風，就共咱歕佮十三天外囉。
阿婷：人這尼驚人，咱是按怎擱挑工從ui阮兜走來這創啥？佇這人擠人，吵吵鬧鬧，實在無趣味，卡輸店家己的厝，較舒適。
阿心：這你就不知，有人的所在就有通食，我是帶chua7你來食好料的！
阿婷：這尼好！有通食好料的喔！
阿心：你看！你看！遐有一個囡仔在食麵包，麵包屑sap7仔落佮歸四界。
阿婷：有影呢！我的嘴涎nua7強欲滴佮歸四界。
阿心：彼邊擱有一枝食無了的雞腿，落佇土腳。
阿婷：真的呢！這聲我就卯死啊！
阿心：講到人，實在是真討債，嘴飽目睭枵，看到物件就想欲食，攏不知通飽。
阿婷：對啊！食未了，就當做垃圾擲掉，實在真無站節。
阿心： 他們in1攏無像咱蚼蟻食到嘟嘟好，食未了擱會儉起來過冬。
阿婷：是啊！你敢知影咱的好朋友小麥，
阿心：你是講蹛tua3佇ti7黃色兩粒山，山腳彼个阿度仔---小麥！
阿婷：就是伊無毋m7著，伊就是歸工閒仙仙，無代誌做，凊採就有漢堡、薯條通食。吃佮肥肥，一箍槌槌，走未振tin2動，有一擺，險險予仙尪仔拆食落腹，即馬無死，嘛干但偆半條命！
阿心：哈啊！實在有夠悽慘！
阮阿姨蹛tua3佇ti7一間一百九拾九塊食到飽的餐廳，不時看到人客一塊才入肚，一塊佇嘴裡哺，一塊佇半路，猶擱一塊佇盤子內底顧。
阿婷：這尼讚！食ciah8食sit8攏免煩惱！
阿心：毋過，阮表小弟嘛相看相樣，食飽睏，睏飽食，肥到未振未動，連伊兜的門都塞未過。
阿婷：是啊，人食物件無站無節，教壞咱親戚朋友。攏不知食魚食肉，嘛要菜佮。
阿心：聽講人什麼攏敢食，親像糞埽車仝款，什麼攏貯落去，又擱迷信食啥，補啥。
阿婷：我知影啊，食腦補腦，食腰子固腰子，連貓仔、狗仔、蛇攏敢食。
阿心：最驚人的是他們講--「吃蚼-蟻-敖gau5-趴-崎！」！
阿婷：按呢啊，咱卡緊跤底抹油來旋Suan6喔，才未予人掠去食！
阿心：阿婷，等一下，咱趕緊唸煞才走！
阿婷：好啦，好啦，阿心，身軀欲勇健，食ciah8食sit8要注意，嘛要注重運動，你甘知影3-3-3?
阿心：我知！我知！頭一个3是作運動未使懶散，要認真！
第二个3是作運動未使三心兩意，要專心！
上尾一个3是--是--啊!--作運動要穿名牌的POLO衫！
阿婷：阿心，你實在是毋捌字，擱假博，烏白蓋
頭一个3是一禮拜要運動3拜
第二个3是一拜要參拾分鐘
上尾一个3是心跳要維持一百三拾下
而且即馬擱改做5-3-3
阿心：5-3-3？你才是五四三啦！
阿婷：阿心，你隴無讀冊，5就是一禮拜要運動5拜
阿心：好啦，好啦，緊來唱唱，轉來去！
(竹板)
阿婷：吃飯七分飽
阿心：油鹽減一半
阿婷：青菜水果嘛要佮
阿心：毋通吃山擱吃海
阿心、阿婷：卡未變做戆大呆啊，戆--大呆
(轉去主目錄)
沒有留言:
張貼留言