煉(lian7)----小說, 原作帥安 夢生譯

 2010

11152337煉(lian7)----小說, 原作帥安 夢生譯

155譯品篇

振祥也佇山裡來回練習幾若逝(tsua7)矣，成績攏總差甲傷過譀(ham3)矣。伊頭犁犁共安全帽褪(thng3)落來，戇神戇神坐佇草埔仔頂。

世間的代誌足歹按算的！啥(siang2)嘛想袂到，相連續兩年的越野賽霸主，這馬會坐佇遮變(pinn3)無步，甚至連參賽的勇氣都攏無。干焦佇頭殼底，一直咧重複想冠軍獎盃、死忠的觀眾攬佮mooh、噴香檳......當然，猶閣有獎金！

毋知過偌久。

「ni2-sang3......」一个少年人的聲音共伊搝(giu2)轉來現實，「我的女朋友受傷矣，敢會使拜託你鬥相仝共伊送去病院？」

振祥也頭tann起來，看著一个查甫囡仔插一个查某囡仔向(hiong3)伊行來，血一直對查某囡仔的手腕(uann2)bu7出來，看範勢傷了誠食力。伊趕緊共引擎(ian9-jin2)發pong7，嘛那喝講：「予伊坐中央，共手攑懸！」

為著欲爭取一半的時間，伊連想都無想就向後山騎去。伊的oo-to2-bai2就像趖(so5)甲足扭掠(liu2-liah8)的蛇，佇樹林內sng3-sng3-叫彎彎斡斡咧拚勢趡(nng3)。燒燒的汗對伊的肩胛頭拚勢流，足緊就霸佔規大半的尻脊骿(kha-tsiah-phiann)。翻過起起落落的亂石、有漉糊仔糜的窟仔，閣有石坎(gam2)仔。振祥也誠熟手咧控制油門佮拍gi2仔，跤佮手配合甲拄拄仔好，攏無走閃去。一騎出林仔，單板橋(tan-pan2-kio5)就出現佇頭前無偌遠的所在––這條伊捌失手跋落去崁仔跤，半年來這條單板橋的惡夢仙撥(pue2)就撥袂離。

查某囡仔的頭已經靠佇伊的尻脊骿。

「坐予好，共目睭瞌起來！」伊閣一擺命令後壁的查甫囡仔照伊的話去做，就隨直直直相(siong3)對橋面頂加速……

 

佇急診室外面。

查甫囡仔走出來喝講：「ni2-sang3…多謝你。」

振祥也手擛(iat8)一下，意思叫伊入去。伊向(ng3)日頭光的方向，家己一个迒(hann7)起去oo-to2-bai2就離開矣，喙角文文仔笑咧笑咧……。(字數600字，開67分鐘)原作品欣賞

 

(轉去譯品篇目錄) (轉去主目錄)

回應

2010-11-17 22:38:54帥安 email給帥安 前往帥安的日誌

單板橋(tan-pan2-kio5)就出現佇頭前無偌遠的所在––這條伊捌失手跋落去崁仔跤，半年來這條單板橋的惡夢仙撥(pue2)就撥袂離。這一段真讚比我的原文傳神

於2010-11-17 23:32:38回覆

To 帥安

感謝你的呵咾, 我叫是你欲共我講單板橋翻了無合你的原意, 因為佇我的詞彙內底無單板橋這个詞, 嘛毋知影你會按怎講, 查台日大詞典就干焦這个講法, 我就共伊用起去.

2010-11-16 21:37:24少年 email給少年 前往少年的日誌

人，只要活咧就有希望。

擱較無路用的人，總會有發揮的空間!

於2010-11-16 21:48:00回覆

To 少年

你的意思是咧俗語:"荏荏馬嘛有一步踏." 嘛是李白將進酒講的: "天生我才必有用." 嘛是咧講:"留得青山在, 不怕無柴燒." 感謝你的捀場:)