2010
11181552諫(kan3)----小說 原作 帥安 夢生 翻
156譯品篇
「姊也，我欲佮家宜離緣！」代誌恬恬仔足久攏無消息，這馬總算知影答案矣。
「哦？」如芳也的眼神咧等待紲落去的話。其實自智賢也一入門，如芳也就鼻著無仝款的氣絲仔，只是想袂到代誌會變甲遮嚴重。
「伊……伊較早有交過一个男朋友！」
「所以咧?」
「是……足好的……」
「其實這幾年來，我感覺伊誠好呢。」伊偷偷仔看一下仔in小弟仔的表情，又閣紲落去講:「家庭佮公司你家己上清楚，就講這回母也蹛院好矣，自頭到尾攏是伊一个人佇咧無閒，嘛無聽著伊講半句歹聽話，連我這个親生查某囝都攏綴伊袂著。」
「毋過，我就真正擋袂牢矣嘛！」智賢也共一枝薰點予著(toh8)。
現場有兩秒鐘的時間攏無聲。
「是點燈仔火都誠僫(oh)揣會著矣。」如芳徛起來行入去灶跤，倒轉來的時，手捀(phang5)一鼎八寶糜(pat-po2-muai5)出來，囥佇桌頂。
「食薰蓋毋好！」伊按呢共in小弟仔警告，那伸手去搶伊的薰。那知一下無細膩，規枝薰煞落落去鼎裡，bu7出一絲仔清煙。
兩姊弟仔(tsia2-ti7-a2)相相(sio-siong3)一目nih仔。如芳也雙手展(thian2)開開講「只好全部共伊倒掉。」
「小等一下！」智賢也攑(giah8)一枝大枝湯匙仔，共薰佮伊邊仔的部份攏總khat起來，khat落去糞埽桶裡。
「嗯！你實在有夠巧。」如芳也共家己佮in小弟仔攏貯一碗，紲落去講：「我差一屑(sut)仔就為著一枝薰來共規鼎的好物件攏摒(piann3)摒掉。」
現場又閣有兩秒鐘恬恬恬。
「你誠厲害，若是佇古早，無定著萬里長城就免起矣。」智賢也笑矣! (字數524) 原作品欣賞
沒有留言:
張貼留言