認捌教典的臺語漢字------ "一ki"

 2017

09271719認捌教典的臺語漢字------ "一ki"

759認捌教典的臺語漢字

認捌教典的臺語漢字------ "一ki"

講著臺語的 "一ki", 寫作漢字會變做三个, 而且實在會予人誠困擾, 哪毋干焦固定寫一款就好矣??這三个寫法就是 "一支", "一枝", 佮 "一肢"

1. 一支: 計算口鼻、骨頭及某些事物的單位。例：一支喙 (tsi̍t ki tshuì); 一支鼻 (tsi̍t ki phīnn); 一支薰吹 (tsi̍t ki hun-tshue); 一支魚刺 (tsi̍t ki hî-tshì); 一支烏手 (tsi̍t ki oo-tshiú);一支鎖匙 (tsi̍t ki só-sî); 一支骨 (tsi̍t ki kut); 一支蔥仔(tsi̍t ki tshang-á)

2. 一肢: 計算人體或動物四肢的單位。一肢手 (tsi̍t ki tshiú); 一肢跤 (tsi̍t ki kha);

3. 計算細長物體的單位。例：一枝薰 (tsi̍t ki hun); 一枝筆　(tsi̍t ki pit); 一枝電火柱仔 (tsi̍t ki tiān-hué-thiāu-á); 一枝草 (tsi̍t ki tsháu)

看到遮, 有發現會予人困擾的 "一ki" 無?? 你看, "一肢手" 佮 "一支烏手", 加一字 "烏" 字煞無仝 "ki"; "一枝草" 佮 "一支蔥仔", 平平是植物, 嘛是無仝 "ki"; "一支薰吹" 佮 "一枝薰", 加一个 "吹" 字嘛是無仝 "ki". "一支骨" 佮 "一肢手" 差佇有肉佮無肉爾爾. 毋知兩个鬥做伙了後 "一ki手骨", 是欲用佗一个 "ki"?

其實, 自文字的結構來看, "支" 本身就是 "手提一項物件", 所以說文才會講 "手持半竹", 因為自字形看, "支" 頂面的 "十" 就是 "亇"(竹字的一半), 會使講加木字爿的 "枝" 本字就是 "支".

另外, "一肢手" 的 "肢" 是因為 "支" 寫寫咧, 會感覺無加 "肉字爿" 假若意思無夠完整的款.

(轉去主目錄)