2011
04302257台灣食食(ciah8-sit8)有學問
台灣食食(ciah8-sit8)有學問
阿嬌：人講：「坐車看風景，坐船看海湧」。
阿明：今仔日天氣好，若想卜看好光景，請恁就愛看台頂
阿明：阿明（雙手做恭賀狀）
阿嬌：阿嬌（雙手做恭賀狀）
合：佇遮和逐家請安～問好～
阿嬌：ㄝ！阿明阿！你最近是ㄌㄟ無赢啥代？足久沒看到你
來七逃？ㄚ你食飽未？
阿明：「矮」？我「矮」！你嘛麥烏鴉笑豬黑，「龜笑鱉無尾」！
阿嬌：是啥咪意思呢？
阿明：半斤八兩阿！
阿嬌：ㄚ你是在生氣啥？
阿明： ㄚ你不是在笑我一扦巴肚是越來越大，那親像
吹雞歸，所以才ㄟ透早就來問我「食飽未」？
阿嬌：喔！哩麥生氣啦！阮阿母教我講，古早的祖先因為
佇福建、廣東的原鄉散赤歹討趁，有聽著風聲講台灣
錢淹跤目，所以相招過海來台灣打拼，唉！結局是「唐
山過台灣，心肝結規丸。」
阿明：喔！這我有聽我阿母講，因為祖先來到台灣，常常愛
看「天公伯也」的面色食飯，若遇著天災地變ㄟ時，
規年透天的辛苦就放水流，ㄚ~~~可憐ㄚ可憐！有的只
好四界去借錢度三頓，若無著愛枵腹肚，餓死喔！
阿嬌：是ㄚ！所以鄉親見面的時，攏用「食飽未？」來關心
，我會問你 「食飽未？」，是關心你阿！
阿明：原來如此！歹謝歹謝！是我誤會你！
阿嬌：不過…（停頓 瞄一下）我看你最近真正有較肨（hang3）
奶，有影是愛注意一下啊。
阿明：唉呦！人講：「頭大面四方，肚大是居財王。」，你看
我生做這將才，目珠是目珠，鼻仔是鼻仔…
阿嬌：哼！看你尾椎翹阿半天高囉!
阿明：汝看汝，嘛是生阿白拋拋、幼咪咪(阿嬌表現出真歡
喜的表情)，生著古錐啊古錐、肥軟(nui2)啊肥軟
(nui2)….
阿嬌：好啦！害我足歹勢，咱就麥擱互相ㄜ樂！不過「食三
頓」、「顧腹肚」確實是每個人生活中上重要的代志，
毋才會說「食飯皇帝大」阿！
阿明：是阿！人說「先顧腹肚，才顧佛祖」，食食是咱歸
工愛做的代志，佇台灣的民間嘛有足濟有關食食的俗
語，攏表現出阮祖先的智慧。
阿嬌：喔！安ㄋㄟ聽來，你嘛知道很多有關食食的代誌喔！
阿明：當然囉！得親像過年時家家戶戶炊年粿，親像甜粿、
發粿、芋粿、菜頭粿，攏是吉祥粿，人講「甜粿壓年，
發粿發錢；菜包包金，芋粿「護（芋）子護（芋）孫」，
菜頭粿食點心。」
阿嬌：嘿！真正是「烏矸仔貯豆油—沒底看」，平常時啊看
你一箍鎚鎚，沒想著你會識遮濟有關食食ㄟ代誌。
阿明：人講「荏荏馬嘛有一步踢」，雖然我平常裝的憨憨，
但是這點風俗習慣，我嘛是知道。
阿嬌：聽你講甲「嘴角全泡」，我輸人毋輸陣，輸陣歹看面，
現在換小妹我來考你一下啦！
阿明：好！請講！
阿嬌：「趕人生，趕人死，趕人食無天理。」
阿明：喔！「食飯皇帝大」嘛!
阿嬌：「米飯一粒著抾(拾)起，拍損五穀雷打死。」
阿明：恩！要儉惜阿！
阿嬌：「一箸喙裡哺，一箸佇半路，一箸金金顧。」
阿明：「相讓食有剩，相搶食無份。」，所以飲食要有好禮
數阿！
阿嬌：「暗頓減食一口，活到九十九。」
阿明：嗯！健康飲食好觀念！
阿嬌：ㄚ好啊！猴死囡仔，你真正是「惦惦食三碗公半」，想沒到你閣識有二步七啊嘛！
阿明：我擱知道一些有關食食的俗語喔！
阿嬌：喔！真ㄟ？
阿明：親像你！臉色青筍筍！「人若咧衰，種瓠仔就會生菜
瓜！」
阿嬌：可惡！我要來去叨你母仔，請你食「竹仔枝炒肉絲」。
阿明：麥啦！阿嬌！
阿嬌：哼！
阿明：我真正是「苦瓜燉鰱魚—苦憐」哦！
合：咱的親戚朋友阿！祖先辛苦過台灣，留下智慧萬年傳，
食食文化佮俗語，做人做事有道理，用心體會祖先意，攏在偺的身枯邊，你我共同來注意，身體健康食百二阿！食百二！
阿明：阿明
阿嬌：阿嬌
合：落台行禮
(轉去主目錄)
見面打招呼吃飽未感覺距離好像拉近很多