求職記----極短篇小說: 原作 帥安; 夢生 譯

 2010

12051835求職記----極短篇小說: 原作 帥安; 夢生 譯

199譯品篇

俊輝也(--a7)看一下仔錶仔，閣共領帶整理一改，伊決定較早出門咧。今仔日欲面試，遲到就無好耍矣。伊oo-too2-bai2才拄騎出巷仔口，就隨聽著予人會驚惶的車擋聲，紲落來聽著挵一聲足大聲。越頭共伊看一下，有一个查某囡仔去予oo-too2-bai2挵挵倒。少歲的媽媽共查某囝抱咧，看會出來伊毋知影欲按怎才好。過路人攏楞楞(gang7)停落來。毋過，看範勢就是無人欲去共in鬥相仝。

「遮註死！」看一下仔時間，俊輝也細聲仔咧咒讖，嘛佇這个時陣向現場騎過去。

查某囡仔白phau-phau的面咧流血，伊先拜託看鬧熱的過路人鬥相共報案一下，了後閣鬥相共共查某囡仔送去病院。

……

照地址來到面試的所在，已經超過半點鐘矣。一入門，看著一个中年人行過來，俊輝也就問：「你好，請問楊主任……」

中年人看俊輝也大粒汗細粒汗，手ng2仔面頂猶有膏(ko7)一寡血跡，問伊講：「來面試是否？」

俊輝也心肝頭感覺猶有希望，直直頕頭，閣那講「是，是…」幾若遍。

「綴我來。」彼个人tshua7伊來到一間會議室，兩个人面對面坐落來，了後共伊講：「面試都攏已經結束矣，你哪會這陣才來？」

「報告楊主任，因為拄才出門……」俊輝也共送查某囡仔去病院的代誌講一遍。

對方聽完了後，頕一下仔頭共伊講：「你先轉去，等通知。」

俊輝也行出會議室了後，中年人提起內線電話：「楊主任，我遮猶有一份面試資料，等一下來我的辦公室提。猶閣有，你走一逝市立病院，順紲閣……」

第三工，俊輝也收著金湯保全公司寄來的批信。面頂寫的內容予人足歡喜的：「做該做的代誌，金湯需要你。」(字數595)原作品欣賞

(轉去譯品篇目錄) (轉去主目錄)

回應

2010-12-19 11:58:28金色 email給金色 前往金色的日誌

譯了足滑溜

於2010-12-19 17:59:15回覆

To 金色

感謝金色老師的呵咾:)

2010-12-06 21:16:32帥安 email給帥安 前往帥安的日誌

感謝你一再翻譯我的作品最近因為忙著樣品無法一一拜讀抱歉了這一篇裡面...猶閣有，你走一逝市立病院，了後……」這裡的"了後"我總覺得怪怪的我的原文意思是"接著..."表示還指示他作一些事情你的看法如何

於2010-12-06 22:28:37回覆

To 帥安

標點符號佇了後的頭前佮後壁的意思是無仝款的. 對我來講, 了後 紲落去 閣來 猶閣有的意思攏差不多. 因為頭前有猶閣有, 所以, 遮用了後, 毋知影你有閣較好的詞無??

2010-12-06 08:06:09AA email給AA 前往AA的日誌

早安~~~

於2010-12-06 17:27:41回覆

To AA

感謝你的鬥相共生湠:)