2011
05041552三月痟媽祖
三月痟媽祖
合：各位裁判、各位老師、各位囡仔兄囡仔姐
甲：我是目鏡○也
乙：我是大耳○仔
合：佇遮共大家請安問好，大家好。
甲：人講：「萬事起頭難，呣通驚艱難。」
乙：專工扑鎖匙，呣通驚費氣。
甲：今仔日阮欲來遮答喙鼓。
乙：嘛袂使傷漏氣。
甲：耶！大耳○仔，我看你擱真敖鬥句喔！
乙：是你呣甘嫌，我是「有燒香有保庇，有食藥有行氣。」
甲：自從老師叫咱來參加答喙鼓比賽，我的一个心肝，定定都「膨一下、奈一下」、「膨一下、奈一下」。
乙：我嘛是，呣擱！頭洗落去啊！無剃嘛勿會使。
甲：著啊！阮阿媽常（ㄘㄧㄤˊ）在講：「一日剃頭，三日緣投」、愛拼才會贏。
乙：若安呢！咱欲來講啥麼？
甲：嗯~著來講：「三月痟媽祖。」
乙：耶~袂禾黑 喔！頂禮拜老師才共咱講這个故事爾。那安呢！你先講。
甲：媽祖又稱「天后 」、「天上聖母」，台灣民間攏稱呼伊是「媽祖婆」。
乙：意思是講媽祖像一个慈悲擱疼惜人的阿媽。
甲：著親像是咱的老師。
乙：啥！呼~喔，你慘啊！我欲來去投老師。
甲：你欲去投老師，是安怎？
乙：你拄才呣是講媽祖像阿媽，老師像媽祖，……。
甲：是啊！
乙：所以講你著是咧罵老師老啊。
甲：嗟~你真正是自作聰明，人我是講老師像媽祖遐爾仔慈悲擱疼惜人。
乙：哎！「馬屁精」（國語）擱出現啊。
甲：「馬屁精」佇佗！看我的厲害。
乙：「馬屁精」喔！佇遮，佇遮，佇遮~。（東指西指，指向甲）
甲：好啊啦！勿賣鬧啊啦！緊擱講落去。
乙：聽講：佇媽祖的身軀邊有兩个護衛，幫助媽祖四界去救人。
甲：著啊！彼兩个著是咱啊！
乙：唏~你勿賣烏白講：亻因 是千里眼佮順風耳，哪會是咱咧？
甲：你講：人攏講咱兩个是啥麼？
乙：司公仔聖桮。
甲：咱的外號又擱是啥麼咧？
乙：目鏡○也佮大耳○仔矣！
甲：嘿著啊，而且，咱又擱是定定逮佇老師的身軀邊，是老師的保鑣啊。
乙：喔！聽起來干若著哦。
甲：嘻~。
乙：乎！乎你搹（ㄍㄜˊ）去啊。
甲：啥人叫你頭一下欲共我創治。
乙：好啦！算你厲害。目鏡○也，你亦會記得：老師教咱一條「正月人扑鼓」麼！
甲：你是講：正月人扑鼓，二月人娶某，三月痟媽祖……。
乙：著啊！每一冬對舊曆的三月初一起，一直到三月二十三媽祖生，各地攏有「迎媽祖」的活動（ㄏㄨㄚ˙ ㄉㄨㄥ）。
甲：遐是咱囡仔人上歡喜耶。尤其是行佇咧遊行隊伍上頭前彼个「報馬仔」。
乙：你是講：穿破衫，褲腳一爿懸一爿低，頭殼戴草笠仔，沿路摃銅鑼，彼个喔。
甲：哎唷~你真正是蹛巷仔內喔！著是彼个替神明開路的人。
乙：嘿~著是你啊！。
甲：嗟~是安那講是我？
乙：你呣是逐擺鬧熱，攏掙頭前仔？
甲：大耳○仔，今仔日是歡喜的日子，咱著呣通冤家，乎人看笑話。
乙：講真的，為著今仔日的表演，我昨暝睏攏袂落眠。
甲：我！我是睏甲飽飽飽。
乙：你是睏予飽飽，通好等放假。
甲：好了啦！今仔日咱真榮幸，有機會來遮答喙鼓，是欲共咱的鄉土文化傳（ㄊㄨㄢˊ）落去。
乙：嘛欲拜託在座的好友來共阮指導。
甲：我是目鏡○也！
乙：我是大耳○仔！
合：祝咱嘉義鄉土文化發展永流傳，多謝各位（行禮！）。
(轉去主目錄)
沒有留言:
張貼留言