2011
06260638答喙鼓:台灣母語日
台灣母語日
甲：我是×××
乙：我是×××
合：答嘴鼓，台灣母語日，佇遮佮逐家請安問好！（躹躬）
甲：下課了，我們一起去玩蹺蹺板好不好？（國語）
乙：今仔日是拜幾？
甲：星期三，今天上半天的課，你忘了嗎？（國語）
乙：先生有講起，拜三是啥物日子？
甲：是啥物日子？你講乎我知。
乙：拜三是台灣母語日，遮呢大兮代誌，你哪會共放忘記。
甲：台灣母語日，啥物是母語啊？
乙：恁阿母佮恁阿嬤，講啥物言語？
甲：阿嬤呣識字，當然是講台語。
乙：恁阿嬤佮恁阿公，又擱是用啥物話來溝通？
甲：阿公佮阿嬤，開嘴是台灣話，合嘴嘛是台灣話。
乙：哪按呢！你佇家是講……？
甲：當然嘛是…啊…，我知，我知，台灣話是我兮母語，好、好、好，按呢！我擱用台語重講一擺，你着跤尾倚乎在，看我是呣是真厲害。即馬是下課的時陣，咱做伙來去耍……耍彼兮……耍彼兮……。
乙：唉唷！啊無是要耍啥物？
甲：彼兮蹺蹺板（國語）我着勿會曉講台語。
乙：哦！是按呢哦！你真正是「讀冊一菜籠，考甲如鬃鬃」，這先生有教過你竟然正耳聽，倒耳過，我着講乎綴。
甲：好！好！好！我兮斟酌聽。
乙：彼兮蹺蹺板（國語）叫做誆翹椅。
甲：按怎叫做誆翹椅？你若解說我會佮好記。
乙：誆翹椅、誆翹椅，一爿落土脚，誆一聲，一爿翹就天，所以叫做誆翹椅。
甲：喔！你真正毋成猴，台語擱真賢，哇仔！誆翹椅乎人佔去呀，啊無！咱來去耍大象兮鼻。
乙：喂！喂！喂！你是講啥物鼻，我哪兮聽勿會入耳。
甲：你喔！歸工攏佇迫迌，我講兮你才兮聽無。
乙：你哪會按呢講我咧！你毋才是歸工佇遐賴賴趖，我呣是聽無，彼呣是大象兮鼻，彼是趨石攄。
甲：你甲看！你甲看！欵！敢呣是大象兮鼻。
乙：唉唷！彼是造型，伊兮名叫做趨石攄，呣是大象兮鼻。
甲：趨石攄、趨石攄，ㄧ行斜斜，放心甲伊攄，ㄧ個一個慢慢仔來，看啥物人卡利害？
乙：你喔！講到迫迌，耍甲歸山坪，讀冊讀佇脚脊背。
甲：好啦！好啦！先生哪教，我兮認真聽，考試我着呣驚，啊！彼兮我會曉講，我會曉講喔！彼兮叫做韆鞦。
乙：老師抵啊教，勿會曉就要拍。
甲：啊無！我唸乎你聽，看你會驚亦勿會驚，韆鞦！韆鞦！好迫迌，垓去樹頂挽仙挑，垓呀垓，搖啊搖，阿母看著驚一趒。
乙：喔！勿會禾黑，勿會禾黑，卡實勿會禾黑，要會記得，拜三台語着要講，那無抓來摃。
甲：我知！我知！上課兮鐘聲，來響起，咱就用踅，入來去。
甲：我是×××
乙：我是×××
甲乙：落台一躹躬（躹躬）。
(轉去主目錄)
沒有留言:
張貼留言