2011
06260641答喙鼓: 囡仔古—虎姑婆
低年級答喙鼓腳本
＜囡仔古—虎姑婆＞
甲：各位老師、各位囡仔兄囡仔姐，我是○○○
乙：我是○○○
合：佇遮佮逐家請安問好，逐家好。
乙：阿○ㄝ！我昨暝驚甲睏袂去！
甲：是啥代？予你歡喜甲睏袂去！
乙：啊都~老師共我報名來答喙鼓表演。我亦歡喜亦緊張。
甲：哦！你真正是「青瞑呣驚銃」。
乙：講著講，驚啥？我講台語上老到，有啥乜問題？
甲：敢有影？
乙：毋通看我小小年紀，看我無目地。
甲：若安呢！咱來共逐家講一个囡仔古。
乙：講囡仔古！我上敖 ！
甲：有影才講！無~你著會缺喙講話哦！
乙：啥乜意思？
甲：漏氣啊！
乙：好！即碼咱著來講：「虎姑婆」的囡仔古。
甲：「虎姑婆」，是妖精。
乙：伊上愛食囡仔囝。
甲：乖乖恬恬，呣通出聲。
乙：虎姑婆，我真驚。
甲：噓！恬恬呣通出聲。
乙：喂！阿○也~虎姑婆真正會吃囡仔的掌頭仔哦！
甲：會哦！咱頂禮拜有教即條「虎姑婆」的囡仔歌。
乙：我知矣！
甲：獅！獅都佇咧深山林內啦！獅。
乙：我是講：我知影。
甲：老師嘛有擱講：「虎姑婆」的囡仔古，你………..。
乙：嘻！我走去找「周公」。
甲：你擱敢講，我要去投老師。
乙：勿賣安呢啦！無彩咱即「麻吉」。後擺呣敢矣！
甲：擱有後擺？
乙：好ㄚ啦！緊講囡仔古。
甲：嗯！古早~古早，有一家夥仔蹛佇深山林內。
乙：有一工，阿爸佮阿母有代誌要出去。
甲：著共人因子講：
乙：阮要出去，真緊著轉來，若有生份人來，恁呣通凊采開門喔！
甲：到暗時仔，即對姐弟仔聽著~。
乙：叩~叩~叩！
甲：「開門喔！」、「我是恁的姑婆！緊開門」。
乙：小弟講：哇！祝好！祝好！咱有伴啊！
甲：吃暗飽了後，虎姑婆講：「恁兩个趕緊去睏！」。
乙：睏到半暝仔。
甲：阿姊聽到喀嚓！喀嚓！。
乙：遐啥乜聲？
甲：當然嘛是哺物件的聲。
乙：驚死我！啥乜情形！
甲：阿姊看著虎姑婆仔咧食小弟仔的手掌頭仔，伊想著一个辦法。
乙：啥乜辦法？
甲：伊共虎姑婆講：虎姑婆你勿賣食阮小弟仔，我予你食，等一下我足百去樹仔頂跳落來予你食，你喙開開。
乙：喙開開要創啥乜？
甲：伊趁虎姑婆無注意的時陣，炾一桶燒滾滾的油，吊去樹仔頂，對虎姑婆的喙內共倒落去。
乙：嗯！即兮辨法袂禾黑喔！後來咧！
甲：後來虎姑婆都（tio7）十七兩-翹翹啊！
乙：呼~好嘉在！
甲：遮兮囡仔古的意思著是共咱講：
乙：無熟似的生份人，袂使凊采開門。
合：噫~咿要會記得喔！
甲：我是阿○也
乙：我是阿○也
合：落台行禮，多謝各位。
(轉去主目錄)
沒有留言:
張貼留言