2011
06260645答喙鼓: 健康gau5大漢
答喙鼓腳本
健康gau5大漢
甲：胡蕾蕾（唱名）
乙：吳樹杉（唱名）
（合）：上台行禮（彎身行禮），
甲：各位評審老師、
乙：各位好朋友，
合：逐家好。
甲：講到健康gau5大漢，
乙：就要感謝阮阿母，
甲：阿母煮兮菜，真正讚！
乙：虱目魚、紅燒肉，擱來一盤炒青菜。
甲：真正是食了會紲喙。
乙：好食擱會觸舌。
甲：昨天阿母去台北，中晝我去巷仔口兮麵攤仔買麵。
乙：吃麵配滷蛋，讚啦！
甲：等一下，頭家娘gua阮招呼講「囝仔，你卜食啥也？」
乙：豆乾二十、大腸五十。
甲：呣是啦！我講『麵啦』。
乙：ㄟ！「免啦」，免煮轉來去（拉手轉身）。
甲：我是叫頭家娘煮一碗麵。
乙：是喔？煮好阿！
甲：煮好阿，甲伊包起來。
甲：頭家娘擱講你甘欲『加蛋』，『加蛋』五箍。
乙：啥貨啊！驚死人『遮等』愛加五箍，按呢趕緊來去外口等（推人狀）。
甲：人說「先顧腹肚，才顧佛祖」，
乙：是啦「腹肚枵全步數，腹肚飽無半步」，
甲：中晝頓，我欲食乾麵配青菜佮豆腐湯。
乙：我是滷肉飯配魚肚湯。
甲：老師教阮一日吃三頓，一頓一碗飯，配魚配肉配雞蛋，青菜豆腐湯。
乙：我是愛吃臊，肥豬肉燖米糕，一頓三碗不算多，飯後加一塊雞卵糕。
甲：你食个太油臊，吃水果助消化，台灣水果尚界好。
甲：吃芭樂。
乙：放槍籽。
甲：吃柚仔。
乙：放蝦米。
甲：吃龍眼。
乙：放木耳。
甲：吃著甘蔗。
乙：斷嘴齒，唉喲！斷嘴齒，就要看醫生咧。
甲：講到看醫生，我就想到隔壁ㄝ阿婆。
乙：按怎講呢？
甲：有一天阿婆去病院照電光。
乙：發生什代誌。
甲：ㄚㄉ醫生講：「阿婆，等一下妳照我說ㄟ嗍氣就嗍氣、禁氣就禁氣，ㄚ我會算：一二三喔」。
乙：(配合嗍氣、禁氣的動作)
甲：「對，真好，來嗍氣喔─，一二三，照！！」。
乙：（開始繞圈，喘息樣）「夭壽喔，醫生那A這ㄋㄧ壞心？叫我禁氣，
又擱叫我ㄗㄠˋ。」
甲：好啦好啦，吃飽要運動。
乙：好！做運動。
甲：踢跤球。
乙：煞去踢著地球。
甲：拍籃球。
乙：挵一下烏青害溜溜。
甲：槓棒球。
乙：我尚gau5。
甲：我看汝是便所彈吉他。
乙：按怎講咧？
甲：臭彈。
乙：汝才是目睭皮無漿泔。
甲：按怎講咧？
乙：iu2-眼不識泰山
甲：嘜擱練瘋話ㄚ，講瓜ㄚ趣味ㄝ代誌。
乙：好─來，下課幌韆鞦尚趣味。
甲：韆鞦韆鞦好迌。
乙：幌去樹頂挽仙桃。
甲：幌啊幌 搖啊搖。
乙：阿母看著驚一tio5。
甲：放風吹，好迌。
乙：風吹風吹四界吹，
甲：飛去天頂親像花。
乙：跌落土腳像苦瓜。
甲：風吹若飛低低。
乙：阿公講我會儉傢伙。
甲：風吹若飛懸懸。
乙：阿公講我會中狀元。
甲：風吹若飛落地。
乙：阿公講我會做皇帝。
甲：想欲做皇帝。
乙：身體著要勇。
甲：身體若beh4勇，著要注意三頓e5營養。
乙：食魚食肉也著菜佮。
甲：呣通提四秀仔做正頓。
乙：嘛嘜使電視電腦看不sua3。
甲：擱要，加減來運動。
乙：one－more two－more。
甲：安爾則會健康gau5大漢。
合：感謝大家兮欣賞。
乙：下台行禮（彎身行禮）。
(轉去主目錄)
2011-06-26 17:23:34min email給min 前往min的日誌
