2011
06260633答喙鼓: 守規矩 食百二
守規矩 食百二
甲：今兒這個良辰吉時好日子。
乙：逐个佇茲咧拚生死。
甲：呸！呸！呸！「囡仔人有耳無喙，有尻川勿會 放屁」。
乙：我本來就是「一支喙胡累累」，敖揀食佫會亂放屁。
甲：汝哪會「未啉假醉，未講就大心氣」。
乙：汝咁呣知影「散田本來就敖吮水」，我是「歪喙雞佫專門食好米」。
甲：好啦！好啦！我今仔日「大人不計小人過」，暫時先讓汝一下！
乙：按怎？驚著啊是否？
甲：ㄟㄟㄟ！汝是呣通「甘蔗規枝囓」。
乙：什麼意思？
甲：「無斬節」！我是看今仔這呢濟人目睭金hoo3 hoo3，看咱佇茲咧答喙鼓，咱若表現無好，後擺是會予人看無。
乙：(往觀眾望過去)茲爾啊濟人？歹勢，「日頭赤炎炎，隨人顧性命」，我先來走！（作勢卜旋走）
甲：(著急的表情)gio7 doo1 ma1 de4！（日本話）稍等一下！（共乙拉轉來）
乙：人講「死道友，呣通死貧道」，汝若會「刣豬公無相請，嫁查某囝則咧貺大餅」（一副想卜緊走的表情）。
甲：真正是「七月半鴨仔，無知影死活」。汝若一下走，「狗死，狗虱嘛就無命。」(指對方又指自己)咱二个回去一定會予罵徦臭頭。
乙：呣則無講答喙鼓爾爾，有這麼嚴重嗎？
甲：人講：「做戲的卜煞，看戲的呣煞」(指台下觀眾)，咱若無共講予煞，是會破害咱學校的名聲。
乙：唉！「頭剃落去矣，無洗嘛勿會 使」（無奈狀）。
甲：***
乙：***
甲&乙：今仔佇茲臭誕兼膨風。
甲：人生親像大舞臺，笑科苦齣攏公開。
乙：像今嘛交通狀況赫爾禾黑 ，原因佇佗咱嘛愛瞭解。
甲：未使一人一家代，公媽隨人裁。
乙：想講家己老神在在，就會當掛無事牌。
甲：有一位阿伯仔去考駕駛，因為呣識字，交通規則就用口試。
乙：主考官共伊問什麼？
甲：「你駛車拄著紅燈卜安怎？」
乙：阿伯仔安怎說？
甲：隨共停下來。
乙：勿會 歹哦。
甲：「啊若是青燈光咧呢？」阿伯仔說：「會當繼續行。」
乙：看起來是妥當的啊。
甲：绁落來，主考官又佫共問：「萬一拄著黃燈卜按怎？」
乙：這有較困難哦！
甲：阿伯想想就共講說：「我就佮伊拼一下。」呰聲，慘啊！就考無過啊！
乙：真正是「人呆，看面就知」，這哪會當共拼一下，這是足危險的呢，真正是「青盲的呣驚槍」！
甲：你較巧，請你共逐个講看愛安怎做？
乙：當然是愛看有警察無，則決定卜按怎做啊！
甲：哇咧……，真正是「胡蠅戴著龍眼殼—蓋頭蓋面」。
乙：講玩笑的啦！人講：「勸人做好代，較贏食早齋」，到底卜安怎做，咱嘛共逐个講看mai7。
甲：ㄟ！(扑竹板)交通規則青紅燈，功能意義愛認予清，若是只卜參考用，危險就佇面頭前。
乙：看著紅燈趕緊停，青燈若光則通行，卜行進前看分明，行車順利保性命。
甲：黃燈一爍緊調整，緊過抑擋惦看情形，罔為搶緊幾秒鐘，發生車禍就真嬈婞。
乙：開車速度愛放慢，遵守規則保平安，將心比心猶未慢，互相體諒保平安啊保--平--安。
甲&乙：交通的安全，是汝我共同的心願，望逐个出門行車守規矩，平安順序食百二。
(轉去主目錄)
這太豐富了
俗語超多的