2011
05041547隨手做回收
隨手做回收
甲乙: 隨－手－做－回－收，美麗土地才－永－久
甲 : 阿儀你好
乙 : 阿臻你好
甲乙: 各位評審伸生大家好（敬禮）
甲 : 今阿日來到貴寶地
乙 : 人山人海人真濟
甲 : 武林高手全出動
乙 : 害我驚甲憨憨憨
甲 : 啊－？你講啥麼？
乙 : 阿就祝緊張也，感覺精恐怖哩！
甲 : 毋免驚！腳步ㄕㄨㄚˋ乎正，勇敢綴我行！
甲乙 :诶－！袂講啥麼才好呢？環保回收逐家作伙來討論。
甲 : 這陣嘛為著袂做一寡仔好代，害我歸身軀骨頭攏疼了了。（搥背）
乙 : 好聽擱袂跳針，按怎講？
甲 : 管，一隻長長啦，講。(雙手向外張開)
乙 : 做啥好代趕緊講？講予逐家鼻香咧！
（唱「農村曲」）
甲 : 透啊早著起床
乙 : 天色漸漸光
甲 : 有時掃土腳
乙 : 有時擦門窗
甲 : 物件分乎清
乙 :不通凊彩囥（凊彩囥）
甲乙 :欲找才勿會黑白趡
乙 : 喔－！這就是你講ㄟ好代誌，莫怪你會骨頭疼，原來如此啊！
甲 : 哼！汝兜才咧飼老鼠！
乙 : 唉！唉！唉！我嘛是一個對衛生有講究ㄟ人喔！
甲 : 是咧！家己褒，較勿會臭臊。
乙 : 你才是大舌擱興啼啦！看我ㄟ穿著這麼整齊嘛知！
甲 : 麥擱佇遮澳戲敖拖棚。
乙 : 剛才你講物件就要分乎清，阿是要按怎分呢？
甲 : 當然嘛是要用ㄟ囥一邊，無用ㄟ才撿歸堆。
乙 : 我知啦！無用ㄟ撿歸堆，才做夥把他拿去丟掉。
甲 : 就都馬蹄，stop！千萬不可啊！
乙 : 為何不可咧？
甲 : 咱要丟掉ㄟ物仔有真濟其實是會使擱也。
乙 : 嗯－？我是聽嘎霧煞煞（抓抓頭）；一粒頭，兩粒大，你嘛講乎較清楚咧！
甲 : 你甘甭捌聽講「糞掃嘛會使變黃金」喔？
乙 : 哈！哈！真正是「火燒厝」有厝味喔！
甲 : 是按那有趣味？
乙 : 甘講金仔店嘛有咧收糞掃喔？
甲 : 當然嘛無！
乙 : 這就對啦！按呢糞掃哪有可能變黃金？
甲 : 真正是講徦乎汝捌，喙鬚就好扑結。
乙 : 汝毋講我哪捌？
甲 :（搖搖頭）咳！親像寫過ㄟ簿仔紙，看過ㄟ報紙咱會使變成再生紙擱再一次使用。
乙 : 若按爾講，我知囉！喝過ㄟ汽水罐仔可以拿來做花矸，對無？
甲 : 哇！愈來愈敖喔！（拍拍對方肩膀）烏矸仔貯豆油─無地看。
乙 :（神氣狀，清清喉嚨）勿愛看貓仔無點，我是不想要展娘！
甲 : 是、是、是，你就是遮尼敖！（比大拇指）
乙 : 哈！哈！哈！ 猴！猴住在深山林內！
甲 : 拜託咧！我講一個影，汝就生一個子。
乙 : 阿不過要丟掉ㄟ物件這麼多咱是要安怎分呢？
甲 : 一般分做紙類、銅管仔、阿嚕密、玻璃矸仔、塑膠…等等。
乙 : 看過ㄟ報紙、寫過ㄟ簿仔紙、廣告單這歸做紙類。
甲 : 無剉－規欉好好！各種廢鐵、食品及飲料銅罐仔阿是阿嚕密罐仔就分做鐵鋁類。
乙 : 回收進前ㄟ記哩先洗乎清淨嘎咻乎乾。
甲 : 塑膠管啊嘛視仝款
乙 : 另外咱吃賸ㄟ食物就要倒入潘桶會使飼豬或者是做肥料。
甲 : 袂嫼唷…，我起一個頭，汝就知煞尾。
乙 : 哼！到擔汝才知！阿不過，分類了ㄟ物件是要按怎處理呢？
甲 : 有酒矸倘賣嘸，有酒矸倘賣嘸，歹銅仔舊錫，簿仔紙通賣嘸…（唱）
乙 : 有影真好聽嘛嘛嘛嘛淡薄啊可憐。
甲 : 不錯佇阿媽那個年代有真濟生活甘苦ㄟ人，就靠檢字紙在過生活，將回收ㄟ物件賣乎估物商，賺點薄仔生活費。
乙 : 可憐ㄟ年代！啊今嘛 咱揀揀咧是要賣誰？
甲 : 嗯－！你甘有欠這小條也？你只要交予政府的資源回收車就會使啊！
乙 : 阿遮我知啦，咱只要將要回收ㄟ物件交乎伊就對了。
甲 : 咱兩個真正是一個童乩、一個桌頭，配合嘎嘟嘟好。
乙 : 就是講嘛！
甲: 真正是愈講愈有煞，麥擱佇遮漏氣啊！
（敲木魚）
甲 : 環保回收靠大家
乙 : 認真分類甭相推
甲 : 簿仔字紙揀來賣
乙 : 飲料管仔喝煞著愛洗
甲 : CD電池要回收
乙 : 玻璃保力龍變錦綢
甲 : 你我隨手做回收
乙 : 地球才勿會面憂憂
甲乙 : 你我隨手做回收
甲乙 :美麗土地才永久啊！才永久！
甲乙:多謝捧場！勞力！
(轉去主目錄)
沒有留言:
張貼留言