領悟----極短篇小說: 原作 帥安; 夢生 譯

 2010

12262315領悟----極短篇小說: 原作 帥安; 夢生 譯

190譯品篇

我tshua7阮查某囝去一間飯店食飯，內面的人閣袂少。阮兩个人點煞，我就提一百箍予阮查某囝，共伊講：「趁咧等的時陣，你去隔壁買一个便當予阿公。」

「是欲買啥物飯？」伊那行那問。

「凊彩啦。」阮查某囝走了後，我心內想講：「敢有差？老人破病，胃口無好，便當攏嘛干焦食一半爾。點啥物菜毋是攏仝款？」

我想咧想咧，去看著一个穿插不止仔講究的中年人行入來店裡。頭家一看著伊，就誠親切共伊問講：「趙先生，你一个人是無？」而且閣親身共伊tshua7位，就坐佇我的邊仔桌。

伊共店內小看一下，大約坐七成的人客，微微仔笑，就共頭家問講：「生理敢好？！」

頭家帶(tai3)著感謝的口氣應講：「有影呢，自從聽你頂遍的建議，有共方法做改變，最近人客嘛沓沓(tauh8)仔濟起來矣。」

伊笑咧講：「本來就是嘛，你共所有的大細項菜佮甜的點心攏總頓(tng3)佇桌頂，連問都無問，一直到人客算數(siau3)，hong5(予人)感覺就敢若咧應付人客仝款。若是會使一項一項上桌，予人客家己揀點心，感覺當然嘛會無仝款。hong5應付的感覺siang2(啥人)會佮意咧？」

頭家笑咧講：「是啊，足感謝你的……」

共in的對話聽煞，我就共手機仔提起來：「喂----，大兄sim3(是毋是)？……我偉全也啦，這馬欲去病院。你問看阿爸今仔日中晝有想欲食啥(--siann2)無？……碗粿hioo3(是無)？好啦好啦。」

 

 

阮查某囝走去病床頭前，輕輕仔喝講：「快遞快遞，阿公先生，你的碗粿。」

阿爸食到一半，停落來比大拘拇講：「今仔日這碗碗粿有夠好食。」

「啊就細漢的時陣，你定tshua7阮去的彼間的碗粿啊。台南好食物仔猶閣足濟，等你後禮拜出院，想欲食啥，咱才一項一項仔來。」我感覺有淡薄仔歹勢。

看阮老爸咧食碗粿，我無法度無閣想起佇飯店內面彼个趙先生講的話。(字數671)欣賞原作品

(轉去譯品篇目錄) (轉去主目錄)

回應

2011-01-19 18:24:07min email給min 前往min的日誌

感恩分享
台語文讀的有點吃力

2010-12-27 19:15:16小姑姑 email給小姑姑 前往小姑姑的日誌

老師~請問有人請您當台語翻譯嗎?

和英文翻譯老師一樣，可是感覺比英文老師難ㄝ!

很佩服您喔!天寒冷自己要保重喔!祝福您~

擁有幸福快樂的每一天喔!

於2010-12-27 20:44:15回覆

To 小姑姑

無人叫我翻譯台語:)其實翻做台語真正誠困難, 上主要是咱的母語嚴重流失, 有足濟詞攏翻袂過來, 所以變成愛想其他的表達方式來完成欲表達的意思. 感謝你的關心, 嘛祝福你事事如意:)

2010-12-27 02:31:24AA email給AA 前往AA的日誌

寒冷的天氣裡，記得多加件暖暖的衣服 ~

別忘了在生活中多加把勁。

給你滿滿的祝福，獻上我最真誠的心 ~

明天 新的一週有好運氣好心情 。

於2010-12-27 08:03:02回覆

To AA

足感謝你的關懷佮溫暖的祝福:)
新的一年欲到矣, 祝你新年有新希望.
逐工生理人客插插插, 予你金銀趁甲滿厝間:)