2010
12112341服魔----極短篇小說:原作 帥安; 夢生 譯
這幾禮拜，公園內相連紲傳出抽戀愛稅的案件。
余教官行入去公園，揣一條(liau5)椅仔坐luai3(落來)。天氣有淡薄仔冷，公園內無啥人。過一時仔，一个少年人行來伊的面頭前。雄雄共刀仔攑出來，共伊指(ki2)咧講：「共錢包仔提出來。」仝這个時陣，另外有一枝刀仔，按伊的後壁共伊的頷頸仔架牢咧。
余教官喙裡輕聲仔講：「毋成囡仔？」
後壁的聲音冷冷仔警告伊：「照伊的話去做就無代誌。」
余教官共手攑(giah8)khiai3(起來)攑足慢的做投降(tau5-hang5)的形。順紲講：「我這馬欲沓沓仔徛khiai3(起來)，你手裡的刀仔著愛較細膩咧。」
「較緊咧啦！」後面彼个表現出誠無耐性，共架佇頷仔頸的刀仔閣較大下壓一點仔。
「好，好，我提……」余教官趁對方無注意，倒手用上蓋緊的速度共對方攑刀仔的彼肢手掠牢咧，向前一搝(giu2)。正手的手股頭同齊向對方的心槽(tso5)大大下共挵(long3)luei3(落去)。對方手一放冗(ling7)，刀仔就離手矣。閣共拳頭拇捏絚絚(tenn7-an5-an5)，拳背向對方面門一敲(kha3)，干焦聽彼个人哀一聲蓋大聲，雙手共規个面掩(om)咧佇塗跤一直躽(nua3)。
面頭前的少年人看著按呢，一刀駐(tu7)kuai3(過來)。余教官跤手猛掠，身軀閃tse3(一下)，掠準少年人的手腕(uann2)。出力一扣、一拗(au2)，順手共伊手裡的刀仔接kuai3(過來)。向少年人的面舂(tsing)一下……。
看兩个人攏倒佇塗跤哼哼呻(hainn-hainn-tshan)，伊才溫溫仔共手機仔提出來報案。
巡邏的警車誠緊就來到位矣，查出in兩人並無前科。余教官共證件提出來，請警員共兩个歹人送去刑事組。看著警車駛走，伊閣敲(kha3)一通電話：「俊德也sioo3(是否)？我是教官啦。我頭拄仔才送兩个歹人去組裡nia5(爾爾)，麻煩你走一逝(tsua7)，了後……」
警員押(ah)兩个歹人來到刑事組，共值班的警員交代：「余教官叫阮送來的。」
「我知，余教官有敲電話來過矣，努力(loo2-lat8)啦。」值班的警員講煞(suah)，指壁邊的椅條(liau5)共in兩个人叫講：「恁兩个先坐佇遐，等一下做筆錄。」
椅條遐另外一頭坐一个雙手hong9(予人)銬牢(khau3-tiau5)咧的查甫人，三十出頭歲，規面的橫肉，看起來就是凶神惡煞的形，無啥成啥物好貨色。兩人坐去椅條這頭，盡量離伊較遠咧。
看in兩个有流過鼻血，查甫人冷笑問講：「恁兩个是按怎矣啦？」
「阮……阮搶劫。」
「搶劫喔，彼著關足久的喔！」看兩个人的目神展現出驚惶，就閣紲luei3(落去)講：「我較早就是佇公園搶情侶hong5(予人)tsang著，因為有前科，所以關到兩個月前才放出來。我入去的時陣，嘛是像恁按呢的年歲。出來才發現女朋友攏走走去矣。尤其恁這馬有前科矣，後擺若閣hong5 tsang著，就像我按呢。閣加幾擺仔，關到老，一世人攏免煩惱食穿矣，哈哈。」
話拄講煞(suah)，就來兩个全副武裝的警員，共伊搝(giu2)khiai3(起來)。閣共喝講：「喂，行啦，遐厚話，欠推(thui1)siooh(是否)？」講完就共伊押離開刑事組。
欲走的時，彼个查甫人又閣共頭越khuai3(過來)講：「嘿嘿，恁兩个無跍(khu5)過苦窯(io5)乎(honnh)？誠讚喔！」
余教官的車停佇刑事組門口。看著警員佮彼个罪犯行出來，就隨落車。滿面的笑容講：「逐家辛苦矣。俊德也，予你掛一改手銬，歹勢啦。明仔載來阮兜(tau)，請你啉一泡好茶。」(字數1163)原作品欣賞
來問安
連續看幾落篇台語文
真讚
感謝分享