2011
04302252上蓋溫暖是家己的厝
尚介溫暖是家己的厝
甲：阿娟
乙：阿鴻
合：上台行禮
甲：阿鴻，拄歇寒歇了，就看你滿面春風，有啥物好康ㄟ，不就講來聞香一咧。
乙：香，香貢貢，貢貢香咧。
甲：卡緊咧啦！麥擱置彼練痟話，緊講來聽一下。
乙：若想欲知影我去叨位耍，你就愛予我考~一下。
甲：我上通天文，下知地哩，做你來。
乙：予你臆一下謎猜。(清喉嚨)貓熊一生中，最大的願望是啥物?
甲：貓熊遮大箍，所以in想欲變卡苗條咧?(手比葫蘆型)
乙：你嘛幫幫忙，…(凍一下)不是。
甲：不是想欲減肥，按呢是有啥物願望?你緊講啦!麥置這佮我裝痟仔。(作勢追打)
乙：吼!什覓通天文，知地哩，和遮你也臆無，真正是臭彈免錢。我甲你講。in一生尚大的願望就是攝一張彩色的相片。
甲：你真正甲我裝痟仔。這跟你歇寒的好康的有啥物關係。
乙：有阿！今年過年阮阿爸，帶阮歸家伙阿去中國大陸四川佚陶。
甲：啥…(歌仔戲狀)莫非…你去四川看…長江三峽…
乙：(跌倒狀)你也kha對會到時代一咧，好無？現此時尚槍的是…黑白的彼阿…
甲：黑白的…
乙：無毋對。
甲：是啥?
乙：ho…講這呢久，你還擱不知影，真正是人若呆看面就知…人阮是去四川看貓熊啦…
甲：喔…你是講想欲攝彩色相片的貓熊喔。
乙：無毋對。阮阿爸tsuah阮坐飛凌機去四川看貓熊。
甲：亨啊！坐飛凌機去四川看貓熊？唬！汝阿爸是咧無采錢喔！阿娟！汝敢毋知台北木柵動物園就有兩隻過鹽水的貓熊？
乙：唉哟！遐才是無共咧！
甲：無共？欲哪會無共？共款毋是攏有頭、有面、有目睭擱有兩粒烏~~目睭眶的貓熊。
乙：人，四川是貓熊的故鄉，你欲看多久就看多久，攏由在你，哪有親像台北動物園假若兩隻爾爾！就算講看會到，也看無兩分鐘。你無看電視頂，一堆人透早天還未光就去排隊，結果看沒兩分鐘都去被趕出來啊！遐無好耍啦！（手勢）
甲：沒影沒遮，擱予你講甲對同對同，我昨天才去動物園，欲看的人是滿四山，我排隊排尬大粒汗小粒汗！人他佇玻璃櫥仔內底吹冷氣擱兼哈戲，和頭都毋越一下！予我足失望的！
乙：汝看！我就佮你說。有影沒？
我塊臆彼兩隻貓熊-團團佮圓圓-唐山過台灣，一定心肝結歸丸，莫怪有時陣攏軟gau gau、善tau tau！人他是鬱卒！咧想他的故鄉啦！
甲：啊！（大聲）我想到阿！
乙：你是火大喔!雞咧？鴨！驚死人免賠喔！（手拍胸脯）汝嘛卡細聲咧！阿汝是想著到什麼？
甲：阮是想到頂遍，阮阿爸住院，阿母去病院照顧伊，阮就愛去蹛阮阿姨in兜，(唱)每日若是日頭漸漸欲落山，心裡愈孤單。阮就咧想阮阿爸尬阮阿母，目屎倫倫格，思思念念就是阮兜。阮阿姨知影阮咧心悶，就趕緊尬阮載轉來啊！
乙：就是講呣！豬巢毋值得狗巢穩，狗巢強強滾，毋管是豬條、也是雞籠，較講嘛是家己的厝較舒適，也擱有親情的溫暖。
甲：按呢講，團團圓圓毋就若親像苦瓜咧滾鰱魚－－可憐吶！
乙：可憐的不但安呢！汝敢知大家每擺都抓in金金看，有時陣害in精神攏緊張起來！唉噢！這假若啞狗的硩死囝仔－－『有口khio2難言』哦。
甲：哎喲！阿鴻，甭擱講阿啦，阮足不甘兮呢！阮看，貓熊抑是轉去住咧四川卡舒適啦。
乙：對！對！對！
唉兮！（扑竹板）
講到遮，阮擱來 講 一寡予 大家聽。
甲：人類 有情擱有愛 ，動物 生成是攏共款。
乙：鳥仔天頂自在飛，魚仔水底快樂泅，
甲：企鵝愛冰天，貓熊愛竹林。
合：自己的厝尚介讚，自己的厝尚溫暖 阿 尚 溫暖！
(轉去主目錄)
沒有留言:
張貼留言