2011
05032101做伙來運動
閩南語答喙鼓腳本
作伙來運動
角色:甲-男生，秦健康
乙-女生，祝美滿
--序--
乙：(從舞台邊跑至舞臺中央，作喘息樣)
呼!為著減肥每日就來做運動，真累!ㄟ?鞋帶掉了，來
綁一下吧！(蹲下綁鞋帶)
甲：(從舞台另一邊慢跑出來,邊跑邊唱)
跟我來練舞功 我來去無影蹤 跟我來練舞功 我就是
一陣風……(不小心跟乙撞成一團)
合：唉唷~~~是哪一個青冥牛阿~~~
合：ㄟ…?敢說我青冥牛?
(兩人對峙,互相打量)
乙：請問是何方神聖？
甲：我姓秦，秦始皇的秦，名健康。請問你是……
乙：我姓祝，祝英台个祝，名美滿！
合：咿~~~~~~~~~~
乙：(手指甲)秦健康
甲：(手指乙)祝美滿
合：答喙鼓，佇這跟大家請安！
--本文--
乙：你是按怎攏無咧看路，敢是「矮人爬厝頂」？
甲：啥物意思阿？
乙：欠梯阿！
甲：哼!你毋才是「麻薯師傅」咧！無代無誌蹲在路中！
乙：啥物意思？
甲：欠樁啦！
乙：好啦！麥擱鬥阿..我是咧運動阿！你咧?
甲：我嘛是阿！你為啥物袂運動?
乙：阿兜…阿兜想袂減肥嘛!!我嘛想袂作「麻豆」，變成林
志玲第二阿!
甲：來來來，妳轉一圈我看麥…
乙：(轉圈)按怎?不錯喔……
甲：哈哈……憑你??我看是「駝背仔爬上坡」，真拼喔！
乙：哼!好歹在心內，嘴唇皮相款待，說話不通這呢毒！
甲：失禮啦！我知我知，魚吃溪水，人吃嘴水，要說好話!
乙：原諒你啦!毋你說看麥你為啥物袂運動?
甲：跟我的名字同款阿！為著身體健康！我每天攏愛跑很長
哩！
乙：有多長?
甲：就像台灣頭到台灣尾這呢長阿！
乙：雞歸吹久就會破！你是不通佇咧便所彈吉他，臭彈咧!
甲：(摸頭)歹勢阿！我就「頭殼頂插葵扇」，愛出風頭咩。
毋擱運動好處很多，可以訓練好體力，擱个盪有健康个
身體…
乙：嘛會使減肥，真正是一兼二顧，
合：摸蜊仔兼洗褲！
甲：既然咱攏合意運動，毋來比賽看誰識卡多運動!
乙：招我比賽?你真是七月半鴨不知死活！我先考你!
甲：沒問題，我攢好等你考!請!
乙：咳咳……請問你通常佇公園有啥物運動會使做?
甲：這簡單!問我就對了!囝仔游泳騎腳踏車，少年家打籃球
排球共野球，大人慢跑爬山，老人打拳舞劍，水姑娘仔
跳舞抬槓！
乙：抬槓也算是運動喔?
甲：運動到嘴咩!
乙：你真敖凹哩!
甲：你賣龜笑鱉無尾，鱉笑龜無皮！我就不信你多敖!換我
考你!
乙：作你考!
甲：你問我佇公園會使做啥物運動，安呢我問你，佇厝內會
使做啥物運動?
乙：這……這……佇厝內這呢小，不能打球…袂跑碼無塊
跑……唉唷!你出這是啥物題目嘛?
甲：哈哈!不會了吧!我來共你講!!我平常佇厝內攏會做兩項
運動，一是游泳……
乙：你家有游泳池?
甲：我攏佇桌上游泳…(做打麻將手勢)
乙：嗟………第二項運動咧?
甲：擱有佇厝內爬山!
乙：哪有可能?!
甲：爬枕頭山阿!!(做爬山手勢)
乙：厚!你真正是狗掀門簾仔!
甲：阿?
乙：(生氣狀)攏出一隻嘴啦!!黑白講!
甲：賣安呢嘛!說玩笑而已!氣死驗無傷!其實運動哪有分場
所?想袂運動个人，自然就找得到適合个所在啊!
乙：說這樣毋才差不多!予你一個機會，你說看麥啥物時陣
運動卡適當!
甲：好阿!人說「時機抵有著，卡好九斗換一石」。袂運動，
要趁早，毋通等到身體出問題才要運動！
乙：說的不錯,繼續!
甲：說到運動个時機，在人選擇。透早運動空氣好，下晡運
動卡清爽。
乙：擱來咧?
甲：哪時運動攏會使，只有吃飯飽……
乙：不通運動!!
合：會難消化，肚子痛!
甲：歸叢好好，
乙：沒錯!
甲：咦……我想到阿!你甘知影運動有一個真重要个秘訣?
乙：嗯……我不知呢！擱袂騙我喔?你是不通親像「囝仔食
蟳」，興講哩!
甲：不會啦!弱弱馬也有一步踢，這次講的一定是真的!
乙：那我洗耳恭聽囉!
甲：哈哈!其實江湖一點訣，講破不價值。這個秘訣就是
「333」！
乙：啥物?「333」?
甲：第一個「3」，就是一禮拜最少運動3次!
乙：哦~~一禮拜最少運動3次!嗯……我了解!第二個「3」
呢?
甲：第二個「3」，就是每次運動最少要30分鍾喔！
乙：為啥物阿?
甲：安呢才有運動个效果!這第三個「3」嘛……
乙：緊說緊說，我想袂聽!
甲：第三個「3」就是運動煞，心臟要跳到每分鐘130下以
上喔！安呢个運動才真正可以起作用，予你身體健康吃
百二!!
乙：哇~~~~~你真是烏矸仔貯豆油，看不出來汝擱知影濟多
代誌。
甲：坐轎的不知扛轎的辛苦，到擔你才知!
乙：唉唷~~呵咾兩句爾，尾椎就翹遐高。
甲：麥擱笑我阿！ㄟ…熊熊想到，今日是禮拜日哩！
乙：禮拜日?對咧!今日是禮拜日，要趕緊去……
甲：(打斷乙)去蘭潭？
乙：你怎麼知道?
甲：因為我也是要去遐啊!
乙：哇~~這呢好的運動機會果然大家攏知影！
甲：走!做陣來參加「蘭潭無車日」，看風景，吸花香，
乙：做運動，保健康！
合：身體勇健萬事通！
甲：不過要記得喔！做運動千萬不通逞強喔!
乙：運動保健康，健康靠運動!
甲：秦健康，
乙：祝美滿，
合：招大家作伙來運動，祝大家身體健康，生活美滿！
(轉去主目錄)
沒有留言:
張貼留言