2011
05022203講「動物」
鬥喙鼓高年級 題目：講「動物」
逐家好，我是阿虎仔，我是阿牛兄，上台，行禮。
阿虎仔：阿牛哥，咱今仔日欲來講啥麼？
阿牛兄：講－動－物！
阿虎仔：「鴨子過溪－無潦(聊)」，欲講動物乎我來：鼠、牛、虎、兔、龍、蛇、馬、羊、猴、雞、狗、豬， 12種動物，2秒鐘嘎講透機！
阿牛兄：（笑）咱「食果子，拜樹頭，食米飯，敬鋤頭。」，利用動物就愛知影，人到底有多行！
阿虎仔：我知啊！無聊就抓來佮咱作伴、肚子夭就殺來予咱食、著寒風就剝皮起來蓋（ㄍㄚ）！
阿牛兄：唬！阿彌陀佛！現主時，注重環保，愛護動物，妳胡別剝皮胡別刣，到時警察來抓妳就知！
阿虎仔：田田就甘哪這幾項，阿沒--是欲講哪一項？
阿牛兄：你有好，不識寶！動物幫助咱－－打獵、掠魚、載物件，兼作「信仰」聽心聲。
阿虎仔：「信仰」（信用）？我知！這我知！咱人對動物嘛愛講「信用」（國語），人格才會蓋高尚！親像較早的人，佇雞籠內底囥一寡米，雞仔就會予人，餳（siann5）入籠仔底去。俗語叫做「肖貪，鑽雞籠」，欲騙動物就不通。
阿牛兄：就都媽ㄉㄟ（日語）！人講天你講地，我講鱟罅（ㄏ一ㄚ）妳講飯瀝。「肖貪，鑽雞籠」，這句俗語是勸人，勿愛像雞仔因為愛吃，乎人騙--煞來沒性命。動物做咱的「信仰」是講：咱信神、拜神明ㄟ「信仰」、親像拜虎ㄟ虎爺、拜狗ㄟ狗阿王公，拜百步蛇ㄟ….。
阿虎仔：拜百步蛇？甘是掠水雞的，愛蛇王來相助！
阿牛兄：No！No！No！No！是原住民，排灣族佮魯凱族佇在拜。
阿虎仔：喔！是原住民--在拜的啦！（學原住民國語腔調）
阿牛兄：（點點頭）接下來是拜蟾蜍。
阿虎仔：拜芋仔蕃薯啦！瞎咪人咧拜蟾蜍？
阿牛兄：有阿！生理人拜蟾蜍會咬錢，保證你賺錢開未離！
阿虎仔：我看--我嘛愛抓一隻仔來，置（ㄘㄞ）在厝內，好好奉待！
阿牛兄：慢慢（ㄉㄠ）阿來--免趕緊，還有拜牛仔！去摸春牛！
阿虎仔：這我知！摸全牛毛病除，摸牛頭會出頭，摸牛角穩達達，摸牛耳吃百二，摸牛嘴大富貴，摸牛頷作好夢，摸牛肚好前途，摸牛腳食未凋（乾），摸牛尾 貝春家夥。
阿牛兄：哞－－（學牛叫）（回神）唬！勿愛烏白摸啦！我是阿牛兄，不是春牛！
阿虎仔：歹勢！歹勢！
阿牛兄：牛牽到北京還是牛。
阿虎仔：（叉腰）阿牛哥，你才是牛。
阿牛兄：對齁（ㄏㄡ）！妳是虎，虎豹母ㄟ虎！
阿虎仔：你是傳世佛經喔？世世唸！
阿牛兄：無啦！我是欲乎妳知影，咱不若吃穿愛靠動物，心內空虛嘛可以找動物！
阿虎仔：今仔講動物真有意義，希望逐家聽了會歡喜
阿牛兄：無煩無惱笑嘻嘻，快快樂樂食百二。
阿虎仔、阿牛兄落台行禮。
(轉去主目錄)
沒有留言:
張貼留言