2011
05022157華佗祕方
華佗祕方
甲：（敲鑼三下）「台仔頂銅鑼響三聲，台仔跤的觀眾請恁斟酌聽；今仔今仔小弟來到（kau3）貴寶地，有心卜佮逐个來交陪，祖傳的祕方、獨門的藥劑，今仔佇茲俗俗啊賣！」
乙：(從旁邊行出來，目睭從甲的頭看徦腳)ㄟ！我看汝「火燒豬頭—面熟面熟」，汝敢是迄个迄个…「頂港有名聲，下港有出名」的「華佗」？
甲：「規叢好好--無剉(錯)」！
乙：呣佫較早卜去揣汝看病，連掛號就愛排隊三個月，汝今仔日若會佇茲咧喝玲瓏、賣雜細？
甲：誒！自從「華陀養生雞精」來上市，人人食了身體勇健有本錢，身軀的病痛攏好利利，病院當然嘛無生理！
乙：這「華陀養生雞精」真正是「囡仔食了好藥飼，大人食了笑微微」！(頷頭表示認同)呣佫干旦呰味雞精的專利，汝就應該賺徦金銀財寶收未利。
甲：較早我為著懸壺來救世，藥方公開予逐家，專利一項攏無挈，今嘛呣則會這狼狽。
乙：人講「撇步」就愛留二項，呣則會當作「先覺」。汝敢攏無暗蓋？
甲：好佳在我步數猶佫無全放，今仔呣則有二步仔通比弄。
乙：若按呢！我最近無啥爽快，汝呣就幫我看覓咧？
甲：待我觀來！……看汝目頭恆恆，喙翹懸懸，就知影汝心內鬱卒佫操煩，這是因為汝做人ann7肚爭紛烏白管，計較大心肝佫歹款。雖然大病無犯，呣佫小病不斷，若無趕緊來解決，以後問題就麻煩。
乙：(歌仔戲狀元樓曲調)「果然先覺一開喙，症頭就講徦對對對，拜託汝藥方趕緊開，予我快樂逍遙過日子」！
甲：呣是我「賣茶講茶芳，賣花講花紅」，今仔紹介呰三項，包汝心情爽快佫輕鬆，幸福快樂一世人。
乙：什麼仙丹妙藥這稀奇，價數咁會是天文數字？
甲：(桃花過渡曲調)呰祕方有錢就無地買，包汝點燈仔火嘛無地揣。今仔咱有緣來初相會，藥方就送汝來做見面禮啊伊都見面禮。
乙：(滿山春色曲調)今仔我有福氣遇著神醫，獨門祕方送我來加持，呣佫藥帖方法佮時機，汝嘛紹介倒底按怎是？
甲：(扑開藥罐仔挈出捲軸)這第一帖是「有量則有福，計較就勿會 快樂。」
乙：汝是講：人若有腹腸有度量，勿會 佮人計較，自然就有福氣佫會快樂。
甲：著著著！(扑開藥罐仔挈出捲軸)這第二帖是「心肝放予清，知足就寬心。」
乙：這什麼意思，汝呣就「開破」予阮聽。
甲：人講：「醫人先醫心」，人若知足就勿會 想東想西厚操煩，嘛勿會 佮人冤家計較想空想縫，心情若輕鬆，氣色自然就無仝。
乙：啊第三帖咧？
甲： (扑開藥罐仔挈出捲軸)這第三帖是「快樂家己揣，一笑治百病。」
乙：若安呢呰三帖祕方咱若有瞭解，逐工就快樂笑咳咳。
甲：著啦！著啦！佇茲阮卜送逐个幾句話--
甲&乙：ㄟ！(扑竹板)「快樂是咱家己揣，若勿會 計較就無問題。腹腸若闊福報濟，知足寬心活百歲啊活—百—歲。」
(轉去主目錄)
沒有留言:
張貼留言