2012
05162015濟囝濟福氣
濟囝濟福氣
甲：來喔！來喔！來聽看。
乙：阮毋是來這咧亂彈。
合：說唱藝術，你我來相放伴。
甲：我是福祿也。
乙：我是富貴也。
合：上台行禮，逐家好！
甲：富貴也！你敢知影歷史上，囝上濟个是誰人？
乙：周文王啊。
甲：聽講：周文王生有一百个囝，對否？
乙：嘿是《封神演義》內底寫的。
甲：毋閣，這是代表啥乜咧？
乙：代表啥乜。
甲：是毋是咧講：人啊，大部分，結婚了後，攏想欲多生幾个矣！
因為濟囝濟福氣。
乙：嗯。沒錯。
甲：講實在的啦！你講飼囝簡單否？
乙：毋簡單。生囝，住院，愛開錢。
甲：自然生，私人診所生會灌水，萬不二，不是自然產，要剖腹。攑
刀仔鋸腹肚。
乙：唉喲喂！嘖嘖~嘖。
甲：生下來愛佫共成養。
乙：沒錯。
甲：愛甲搣（me）屎搦（lak）尿，愛安呢捏~捏捏，捏到大。
乙：吔！無輕鬆嘛無簡單。
甲：哪安呢哪有人閣愛飼囝咧？
乙：因為食老的時，囝會當共伊飼、共伊「捧斗」。
甲：對。等你死！共你「穿衫」，「化妝」，「封棺」了後，khǹg
去爐仔內底燒。
乙：啐~啥講我死矣！無采我對你這呢仔好，以後免想！
甲：嘿嘿~講一下甚緊，勿賣 生氣啦！
乙：你喔！一擺是失誤，二擺是刁意故。
甲：唉呦！笑一下、笑一下啦！
乙：來這套，擱繼續。
甲：萬不二飼一群欲食毋討趁，吃穿靠父母，安呢是會倒吶！
乙：所以愛好好共栽培，予亻因有孝佫有出脫呀。
甲：嗯！上起碼…有這…四个！
乙：啥？四个囡仔呀！
甲：四个，四个『嘟嘟好』。各行各業攏有，著kho~kho~kho。
乙：是安怎愛閣各行各業咧？
甲：我~我算予你聽。『老大』。
乙：創啥？
甲：佇國有的事業單位工作，穩定啊！
乙：沒錯。
甲：「老二的」蹛鐵路！
乙：蹛鐵路？是安怎蹛鐵路？
甲：你喔，過年過節捌坐過火車否？
乙：無位坐！而且是人擠人。
甲：著是講呀！較輸有囝佇車頭食頭路，著毋免這麻煩嚕？
乙：著唬。啊第三个咧！
甲：「老三的」！（想一下）蹛病院！
乙：當醫生？
甲：吔~人是會破病，破病，欲安怎？
乙：欲安怎？去病院啊！
甲：比論講你，腹肚疼！
乙：我哪會這衰！好康我攏無，歹康攏中標，唉呦~唉呦~
甲：排隊掛號，等號碼。批價納錢，等拿藥。
乙：等。
甲：你若是有囝蹛佇病院食頭路，你就毋免…嘿嘿嘿…
乙：吔。第四个咧？第四个予伊創啥？
甲：「老四的」啊？做官！
乙：喔！我知~做官，空課量少，錢閣濟，福利齊全，工作穩定。
甲：嘛定定有人來送禮，無共人收，閣策人禮。所以，伊食肉我啉湯，
他做官我嘛有風！
乙：你有啥乜風？我知~膨風。唉唉唉，我講你嘛~稍等一下！
甲：怎樣啦？
乙：國家生育計劃，一個人上好生三个！
甲：啥？上好，生三个？袂當四个喔？
乙：上好是勿賣！
甲：唉呀呀呀（做撕紮狀）『罷了』﹑『罷了』（講華語），三个就三个！
乙：哇！三跤欠一跤，第四个欲安怎湊？
甲：我袂曉來去認養喲！你毋捌聽過「濟囝濟福氣」喔！
乙：啐~你好著好！我無意見。
甲：我是福祿也。
乙：我是富貴也。
合：祝逐家「濟囝濟孫濟福氣，福祿富貴萬萬年」。
落台行禮，多謝！
(轉去主目錄)
沒有留言:
張貼留言