2010
11130944忠義乞食，報恩頭家(故事, 原作:黑輪 夢生改字)
逐家好，今仔日想欲共逐家講一个清朝時代發生佇咱諸羅的故事。叫做〈忠義乞食，報恩頭家〉。
一个號作林登章的，予人誣賴犯罪，啊就無影，縣老爺吩咐(huan-hu3)差役共伊放轉去。
兩个差役想講：「哪通按呢共伊放轉去，著來共in敲(kha3)油一下。」
就去揣(tshue7)in某講：「若愛恁翁無罪轉來。提六十兩銀來，就放伊轉去！」
in某聽著，趕緊去賣囝換錢，賣六十兩銀，欲放in翁轉來。沿路上，伊先去檳榔攤買檳榔欲予in翁食，迄六十兩銀煞落(lak)佇咧檳榔桌仔跤。
徐良泗是一名雙跤各樣(koh-iunn7)的乞食，伊tshe5來到遮。哇！錢拄仔好去予伊抾(khioh)著：「喔----！遮爾(tsian3)濟錢！」
伊想講：「我分一世人嘛無六十兩銀。佇遮等看啥物人的？」
無偌久，看著查某人和差役轉來揣東西的款？
「我抾著的，妳咧揣遮的是否？是的話還妳。」
看著這幕兩个差役煞良心發現。
一个講：「連這个乞食都無愛矣！若欲愛，你提。」
猶彼个講：「你若毋提，我嘛毋提。」
結果攏嘛無共in食錢，就講欲tshua7伊去共in翁放轉來，這陣，當然是救翁較要緊嘛顧袂得共彼个乞食說多謝！
in翁放轉來了後欲閣去買囝轉來。哇----！人毋知tshua7對佗去矣？無法度，就走來布街遮，也就是即馬嘉義市的公明路，買一間店。做生理賣五金，生理閣袂bai2。
hoo2----！彼一工生理當好的時陣。in某就講：「今仔日熱鬧，遐無閒，抑無叫擔水的來擔水。」
擔水遮，咱暫且按下，先來講彼个乞食。
自彼工了後，彼个乞食仝款tshe5佇塗跤，tshe5咧tshe5咧咧討分。一工，天欲暗矣！伊tshe5到地藏庵(am)，彼當(tang)陣地藏庵是佇諸羅城外。城門關矣，無法度入城。
乞食：「廟公拜託咧！外口借我蝹(un)一下。城門開我就走。」
廟公：「好啦！外口借你蝹一下。」彼半暝，有幾个青面獠牙的共徐良泗拖咧，一直共舂(tsing)，一直共挵(long3)。
乞食：「唉喲喂啊，我會死啦！」
廟公：「你睏毋睏，大細聲。」
乞食應講：「你毋知啦，in遮的攏咧共我舂，共我挵。」
廟公氣甲講：「天光矣！城門開矣！好出去矣！」
人咧趕矣！伊袂tshe5，跤煞勼(kiu)會起來，會行路矣啦！
乞食想講：「我會行矣！是欲安怎分？我錢有夠通買兩跤水桶，來共人擔水，嘛有當(tang3)生活。」
去淡水井，就是蘭井街的紅毛井遐擔水來賣人。
啊咱頭前講到林登章in某欲倩人擔水。
林某：「擔水的，擔兩擔水予阮。」徐良泗擔水來in兜。
林某：「啊！伊就是抾錢還咱的恩公啦！」
林：「三八，恩公哪會起來擔水？妳毋是講咱恩公袂行，用tshe5的。這个也袂tshe5啊！」
林某：「咦！明明就是咧？擔水的，請借問咧，你一、兩冬前咧創啥？」
乞丐食：「一、兩冬前，我……咧分啦！」並將原由，自頭至尾，講予in知。
林某：「原來是恩公，有這號奇蹟，你水莫(mai3)擔矣啦！阮生理做遮大，你來鬥跤手，阮無囝無兒，你嘛無，咱所趁的錢就捐予土地公廟做善事。」
布街遐的人，尊敬in一个知恩報本，一个守義忠實。共in奉祀佇開基古廟內，傳為地方的美談。
我的故事就講到遮，感謝各位。(1127字, 開71分鐘) 原作欣賞
附:（開基古廟）原布街福德祠事蹟 (2000.06.30采錄)
嘉義開基第一古廟即原布街福德祠距今約三百五拾餘年前純粹係涂[應作徐]林二公所建造，並附有店舖一間，田園若干畝可供春秋祭祀或年中香火費用，迨及日治時代不幸為寺廟廢合，故開基古廟福德祠亦遭餘殃連店舖及田園總歸烏有，回想徐林二公一則知恩報本，一則守義忠賓世所罕聞，俾益社會教訓不少光復後本街有志觀市內到處寺廟重興。於是一呼百應，出資將徐林二公所居之地重建尊敬福德正神及追慕涂[應作徐]林二公恩義事蹟專誠銘佈尚希諸亮鑑。
民國乙卯年[1975]仲秋布街開基古廟管理委員會製
2010-11-14 23:23:20帥安 email給帥安 前往帥安的日誌
