2010
03102312半條蕃薯ｅ悲哀
咱時常用蕃[番]薯來比喻咱這塊土地，以及認同這塊土地為根ｅ[的]族群。雖然咱攏感覺按呢ｅ[的]比喻是真平常ｅ[的]代誌，但是我個人認為這個[个]比喻假[敢]若是講著一條蕃薯ｅ[的]皮而已，並無講著蕃薯ｅ[的]肉。
話是按怎欲按呢講咧，咱會使按茲[遮]講起。咱有當時仔會聽著人講咱年輕一代是變種ｅ[的]蕃薯。(當然，有人會認為變種ｅ[的]蕃薯是真好ｅ[的]代誌，因為這是時代環境所造成ｅ[的]產物，並無需要啥麼[物]煩惱。)
會記得卡[較]早家己猶哩[咧]做學生ｅ[的]時陣，識[捌]聽見一個[个]老師講人笑中國人是一條黃色ｅ[的]弓蕉，外口黃黃，內底肉白白。意思是講中國人ｅ[的]外表是黃種人，但是因為西洋崇拜ｅ[的]關係，文化內容卻是西洋ｅ[的]物件。
閣佇一年前，識[捌]聽著一位同事講：「台灣人上悲哀ｅ[的]一項代誌，就是明明二條蕃薯，煞生出一條芋仔出來。」
按呢，真明顯，kanna[干焦]佇外表是蕃薯ｅ[的]形和蕃薯ｅ[的]皮，並毋是一條蕃薯，若欲算一條蕃薯，愛閣lam[濫]內底嘛是蕃薯ｅ[的]肉才是算一條蕃薯。
若按呢講，啥麼[物]是蕃薯ｅ[的]肉？咱閣還[翻]頭講彼條弓蕉，白色代表西洋ｅ[的]物件。若按呢，咱ｅ[的]文化就是蕃薯皮內底所包ｅ[的]肉。伊就若一欉樹仔仝款，有伊ｅ[的]根、身、枝、椏和葉。若是無根ｅ[的]文化，就會無去。
按呢，到底啥麼[物]是咱文化ｅ[的]根咧？真濟人攏佇咧走揣咱文化ｅ[的]根，有人揣古蹟，有人揣歌仔冊，每一個[个]為文化走cong[傱(tsông)]ｅ[的]人攏未[袂]記得揣咱本身所有ｅ[的]物件，就是咱所講ｅ[的]母語。
咱講這和咱欲講ｅ[的]代誌有啥麼[物]關係？是啊！足像[成]無關係。是啊！就是因為咱無覺察著問題ｅ[的]嚴重性，這才是咱ｅ[的]悲哀。
表面上，我是一條蕃薯，佇台語ｅ[的]接觸是細漢講到大漢，佇台語文ｅ[的]接觸是自阮老父佇1984年教我學扳[反](ping2)台語字典了後開始；了後，讀研究所ｅ[的]時，專門探討台語語言本身ｅ[的]種種問題，論文嘛寫台語方面ｅ[的]問題；我嘛識[捌]參加過各種ｅ[的]學術會議，識[捌]參加過TLPAｅ[的]音標制定會議，識[捌]做過台灣語言學會代理秘書長，識[捌]做過台語文摘總編，目前會當講是台語界ｅ[的]專家之一；佇台語運動界內面，我是一個[个]無名小卒，因為一方面我差不多是一個[个]恬恬無啥嘛[物]活動ｅ[的]人，另外一方面佇台語運動界我ｅ[的]年紀算起來是非常ｅ[的]少年。所以，識[捌]我ｅ[的]人無濟。
但是，有一點，我非常清楚，佇我ｅ[的]外表猶原是一條蕃薯，毋閣，佇我內在ｅ[的]肉，其實是半條蕃薯而已。
佇最近幾年內，有真濟人覺醒著咱愛走揣咱家己ｅ[的]文化ｅ[的]根，所以，有真濟ｅ[的]文化工作陣以及台語研究ｅ[的]團體不斷成立，攏咧認真打拼[拚]走揣咱ｅ[的]根，希望會當將[共]咱一[這]條蕃薯hoo[予]伊繼續生根，繼續湠落去。
現在，有人咧為文化來咧扑拼[拍拚]走cong[傱]是好代誌，但是，咱猶有真濟人根本就無重視咱家己ｅ[的]文化。我敢承認我是半條蕃薯，可惜，咱毋知有外濟人明明是半條蕃薯就是毋敢承認，咱有真濟人心內知也[影]維護本土文化，知也[影]母語未[袂]當去消失去，嘴[喙]嘛講母語非常重要，佇日常生活中用母語講會[話]，但是佇咧寫文章ｅ[的]時，就偏偏毋敢用母語來寫文章。這是咱ｅ[的]悲哀。
我是半條蕃薯，我相信我佇咧講台語ｅ[的]比率應當是相當ｅ[的]岏[懸]，但是佇我咧和人辯論ｅ[的]時、和生份人講話ｅ[的]時、和查某囝[囡]仔、和囝[囡]仔講話ｅ[的]時、學校上課ｅ[的]時......。我會自然而然用華語來講，有當時仔是我根本無勇氣來用台語來講。(這時陣，有人一定會想欲鼓勵我，hoo[予]我勇氣，但是佇咧鼓舞我進前，假使你若有看著這篇文章，毋識[捌]寫過台語文，麻煩你會當代先親身用咱ｅ[的]話來寫，先寫台語文ｅ[的]文章十外篇了後才來給[共]我鼓舞，畢竟，叫人做是真簡單ｅ[的]代誌，家己做又閣是另外一回事。)
咱定定說，講咱台語ｅ[的]人佇台灣有80%以上ｅ[的]人口，咱是大多數，無什麼[啥物]通好煩惱。但事實上，咱這80%內面有外[偌]濟人親像我仝款是半條蕃薯咧？閣有外[偌]濟人是佇厝內講台語，佇出外就未[袂]用台語？佇厝對父[爸]母講台語，兄弟姊妹就講華語？咱有外[偌]濟年輕ｅ[少年的]翁仔某咧講話ｅ[的]時用台語，但是佇咧教囝[囡]仔講話ｅ[的]時，卻用華語咧？這攏無統計。佇我ｅ[的]生活過程中，我看著真濟這款ｅ[的]例。
咱知也[影]平埔族ｅ[的]語言消失去，咱看客話佇咧消失去之中，阮牽手就是一個[个]真好ｅ[的]例，伊是會使講有半個客人血統，伊聽識[捌]客話，但是伊未[袂]曉講，伊ｅ[的]小弟、小妹就聽無a[矣]。阮丈姆是客人，伊會曉講客話，只偆[賰](chun1[tshun])和親人講話ｅ[的]時，透濫咧講。阮丈人不[毋]是客人，伊會曉客話，罕得聽伊講。佇我所看著ｅ[的]，就是客話佇阮牽手ｅ[的]身上就斷去a[矣]，佇我ｅ[的]認知上，伊ｅ[的]身上根本就無任何客人ｅ[的]氣絲仔佇咧，佇生活上，伊顛倒比我卡[較]成蕃薯。佇伊身上揣無任何ｅ[的]客家文化佇咧，這甘[敢]毋是非常悲哀ｅ[的]代誌？
咱其實嘛面臨相仝ｅ[的]代誌，我有一位遠親ｅ[的]表弟，差我一歲，高中ｅ[的]時和我仝屆，伊細漢住[蹛](tua3)佇台[臺]北，高中ｅ[的]時，搬轉來南部住[蹛]。我和伊做伙通勤一暫[站]仔，伊聽有台語，未[袂]曉講，和怹[亻因]媽媽講話ｅ[的]時，媽媽講台語，伊講華語。佇怹[亻因]ｅ[的]家庭來講，台語佇伊ｅ[的]身上就去斷去了[矣]。仝款佇伊ｅ[的]身上，雖然伊ｅ[的]血統上是正統ｅ[的]台灣人，但是，我揣無伊是台灣人ｅ[的]影隻。這甘[敢]毋是真悲哀ｅ[的]代誌？
以上二個[个]例，佇怹[亻因]來講，怹[亻因]無任何感覺，文化ｅ[的]消失，怹[亻因]無要無緊，怹[亻因]無覺察著代誌ｅ[的]嚴重性。咱毋知外[偌]濟人攏是抱著這款ｅ[的]態度，根本未[袂]感覺著文化消失ｅ[的]嚴重性。這甘[敢]毋是咱這一代ｅ[的]悲哀？
咱目前ｅ[的]台語運動團體中，台語文推展協會ｅ[的]會員總共是二百三十出頭個[个]，已經是號稱台語運動組織內底上蓋大ｅ[的]團體。咱是愛歡喜或是愛悲傷咧？
其實，咱嘛是愛了解，假使咱台灣這塊土塊有一萬人有這個[个]文化危機覺醒，咱猶原愛擔憂，因為一萬人才占總人口ｅ[的]二千分之一無夠。
咱若無hoo[予]每一個[个]人佇心態上根本覺醒著母語和文化ｅ[的]重要，hoo[予]每一個[个]人佇行動上來保存著咱ｅ[的]文化以及咱ｅ[的]母語，佇意識上，以身懷著咱ｅ[的]文化，嘴[喙]講咱ｅ[的]母語為光榮。咱ｅ[的]危機就會猶原存在。甘[敢]無影？
1996.02.23 三更半暝
【台音式漢羅】
1999.12.29 (TLPA式)
2010.06.05共教育部用字
佮修正的字囥佇[ ]內底
嘛順紲改變網頁字形佮排版的格式
(轉去歡喜講臺語的目錄)
(轉去主目錄)
沒有留言:
張貼留言