2012
05162047鳥仔的心聲
鳥仔的心聲
甲：「滿山春色，美麗好遊賞，沿路牽手，爽快唱山歌………。」！
(乙雄雄狂狂衝入來，撞著當咧唱歌的甲)
甲＆乙：唉喲喂啊！(甲.乙攏跋一下坐惦塗跤) (甲踦起來了後發性底大聲罵)
甲：汝呰个人--毋是，應該是講：你呰隻鳥仔，若勿會 輸咧「痟狗擎墓廓」，行路無看路，無代無誌踵赫爾緊，是欲創啥？
乙：失禮啦！失禮啦！啊就…………誒！(突然發現)「獵鷂(老鷹)」，是你喔！
甲：「揦桮(黑面琵鷺)」，是你喔！誠久沒看著你啊呢！
乙：著啊！頂遍見面是舊年的代誌啊呢！
甲：頭拄啊害你蹬紅龜，實在真歹勢。
甲：人講「緊行無好步、緊走無好路」，「緊事就愛寬辦」，你嘛毋通踵赫爾緊。
乙：袂用下！萬不利我走了無夠緊，恐驚性命就休休去嘍。我猶是「腳底抹油，緊旋則著」。
甲：倒底是發生什麼代誌！你嘛講來予我聽看mai7咧！
乙：（唱）「話若欲講透枝，目屎就桮袂離」……。這「講起來（是）話頭長」！
甲：無要緊，你捯捯啊講啦！
乙：拄則，我看著七股的海墘有一區水窟仔，
甲：我知，我知，遐是你上愛去的所在！
乙：我旦仔想欲停落去歇一捯久啊，順紲掠二尾仔魚仔來食。
甲：這逐隻鳥仔嘛攏按呢！
乙：無張無遲，二三个（個）猴囡仔用（國語）「bi-bi-槍」共我彈，我差一點仔就變做「落翅仔」！
甲：三八啊，這若有啥！
乙：按呢佫無算啥？無，你是存辦欲等咧替我收屍是否？
甲：咱二个（個）是「死忠兼換帖」的，我若會按呢想。
乙：無你頭拄仔講的是什麼意思？
甲：講起來，遐的猴囡仔只是用（國語）「bi-bi-槍」共你創治爾爾，若是變做「落翅仔」，嘛猶算好命，無像阮親戚（情）「紅尾伯勞鳥」（國語）的運命………（一直哭、一直哭）
乙：「紅尾伯勞鳥」的運命是按怎？
甲：較早，「紅尾伯勞鳥」旦仔飛來台灣過冬，就予人用天羅地網，共in1掠徦空空空，然後則擺佇路邊一隻一隻慢慢啊烘……。
乙：你是講路邊烘徦芳芳芳的「鳥仔巴」？
甲：「規叢好好—無剉(錯)」。
乙：好佳哉！好佳哉！我無予人掠去烘「鳥仔巴」！
甲：猶佫有咧，阮「獵鷂(老鷹)」嘛比你較歹命！
乙：敢有影？你毋是已經予人列做「保育類」（國語）啊，敢會偌壞？
甲：你敢知影我予人列做「保育類」（國語）是按怎來的？
乙：因為你「嫣頭(緣投、英俊)」、「漂丿(帥氣)」、「飛了緊」！
甲：多謝你的呵咾！毋佫，列做「保育類」（國語）佮這是無牽連。
乙：無是佮什麼有牽連？
甲：台灣有一句俗語講：「南路鷹，一萬死九千」。
乙：「一萬死九千」，若會死遮濟？
甲：當然是予人用「槍籽」彈落來掠去賣。
乙：按呢恁的運命，有影是悽慘佫狼狽
甲：阮規公族啊「死的死，逃的逃」，若卜相揣嘛真厄（難）！
乙：莫怪平常時攏看袂著恁的「人影」，毋是毋是，是恁的「鳥影」！
甲：今嘛阮「獵鷂(老鷹)」賰的已經無偌濟，當然當然嘛愛共阮當做「保育類」（國語）！
乙：原來列做「保育類」（國語）就愛付出遮爾大的代價！
甲：阮佇遮拜託逐家，會當疼惜「獵鷂(老鷹)」佮「烏面揦桮(黑面琵鷺)」，共阮遮的鳥仔當做是恁的人客。
乙：予阮會當佇台灣呰塊土地，揣著會使安心歇寒、代代生湠的機會。
甲&乙：按呢，後擺阮則會定定來相揣，魯力哦！多謝逐个！
(轉去主目錄)
沒有留言:
張貼留言