人生ｅ旅途

 2010

03092138人生ｅ旅途

136譯品篇

咱ｅ人生就親像peh山仝款。咱企佇山頂，向山谷看過另外一粒山，彼爿彼粒山又懸又大，chai佇對面。

天氣有夠熱，咱又閣忝(『累』)kah欲死，咱假若無可能閣peh彼粒懸懸崎崎ｅ山仝款。m閣，咱尚好即刻開始行落咱腳所踏ｅ山，勿另外去掛慮咱閣欲去peh ｅ山有若懸。咱會發現，美麗ｅ山谷會hoo咱歡喜，hoo咱閣振作起來。

扺行過山谷ｅ時，咱會扺著一點點需要愛peh崎ｅ路，咱會開始想講咱扺才才看著ｅ大崎或是懸大ｅ坎仔走去佗位。咱會非常輕鬆快活向前行，當咱行到尚懸ｅ所在，咱會發現咱已經踏遍山頂ｅ每一寸土地。

這時陣，咱才了解咱看著ｅ只不過是幻影，小小ｅ peh崎路，看起來若一堵懸懸ｅ壁仝款。m閣，佇咱面對著咱ｅ路來行ｅ時陣，一步又閣一步，咱才發現這條路實在是一條真好行ｅ旅途。

咱所困擾煩惱ｅ代誌就親像按呢。咱所想出來ｅ不幸代誌就親像對面ｅ懸山按呢擺佇面頭前，佇咱真正面對著麻煩ｅ代誌時，咱發現咱煩惱ｅ代誌就親像高速公路ｅ收費站相仝，只不過是稍可仔停落來，做一點點付出而已。

佇咱經驗過二、三遍這款類似ｅ經驗了後，猶m知記取過去hoo咱ｅ種種經驗暗示以及tui經驗學著咱所需要ｅ好處，咱應該愛知也見笑，可惜，咱就永遠學未曉。咱未輸li啥麼經驗就無，盡量將咱所預料ｅ種種煩惱ka擔ti肩胛頭，才來受盡痛苦。

咱實在無夠巧來利用咱ｅ生命所不斷咧教咱ｅ教訓，這意思就是講，大部分咱事先所煩惱ｅ代誌，m是根本就m識發生過，就是真簡單就會凍hoo咱承受應付過去。

遮ｅ無必要ｅ負擔ｅ形成，只不過是因為咱己經對未來ｅ困擾，養成了擔憂ｅ習慣niania。

1995.06.21 譯

(轉去譯品篇目錄) (轉去主目錄)