2010
03092140為囝祈禱文 --------麥克阿瑟元帥 原著
397譯品篇
主啊！請互我ｅ囝兒有夠堅強來知也伊啥麼時陣上軟者；佇伊驚惶ｅ時，有夠勇敢來面對著伊家己；互伊成為一個勝不驕敗不餒ｅ人。
請互我ｅ囝兒會當勿用想ｅ代替行動；互伊來識你--同時知也識家己是知識ｅ基石。
我祈求，勿互伊行上安逸四序ｅ道路，愛互伊接受挑戰及困難ｅ刺激和磨練。互伊tui茲學習佇風暴中企起來，互伊tui茲學習同情失敗者。
請互我ｅ囝兒心地純潔，目光遠大，互伊佇咧扑算指揮別人進前，先學會曉駕馭家己，互伊成為一個向望將來，但是嘛未將過去來放未記得ｅ人。
若準伊會當將面頂所講ｅ一切攏做會到，我猶欲祈求上帝賜互伊充份ｅ幽默感，按呢儘管伊有可能經常保持著嚴肅，但是未互伊家己甚過矜持。賜互伊謙恭，互伊會使時刻記住真正偉大ｅ單純質樸，真正智慧ｅ兼容並蓄，真正力量ｅ溫和謙沖。
然後，做父親ｅ我，才敢輕聲細說講：「我總算無虛度此生。」
1996.03.31 譯
沒有留言:
張貼留言