2010
04031945歡喜講台語(14)
3. -仔前變調
「-仔」前變調就是講一個[个]詞有「仔」語音做結尾的詞，佇「仔」頭前的語音就會變調，伊的變調方式並非遵照基本連音變調的規則，伊有伊的規則。
咱若看圖十一e[的]聲調成份的時，會發現只要是有 [-降] 聲調成份的聲調攏總變成具備 [+高] 和 [+升] 二個[个]聲調成份，而變成高升調，伊的調值是35值。這個[个]調值並無包括在傳統的八個[个]聲調內底，但因為伊和第五個[个]聲調是仝款具備 [+升] 的成份，所以會予人歸類做第五調。若是聲調成份是 [+降] 的時，全部一律變成 具備 [+高] 和 [-降] ，調值是55值，會凍[當]講是和第一調仝款。換另外一句話講，傳統的第一、五、七、八調佇「-仔」頭前的時，in[𪜶]攏變成仝款的高升調；第二、三、四調攏變成高平調。
例詞：[(來去看-仔前變調聲音分析圖)]
第一調：雞仔、刀仔、兵仔、心肝仔、尪仔、杯仔、金仔[c.f.金馬]、青仔、矸仔、車仔、柑仔、磚仔、珠仔、孫仔、貓仔、箱仔、豬仔
第二調：鳥仔、一點仔、手錶仔、尾仔、草仔、狗仔、椅仔、輪仔、蠓仔、李仔、馬仔、老鼠仔、囡仔、頷頸仔、 一兩首仔
第三調：兔仔、老歲仔、印仔、棍仔、一塊仔、一罐仔、二甕仔、細漢仔、奶嘴[喙]仔、尾暗仔、店仔、炮仔、架仔、厝仔、秤仔
第四調：鴨仔、大伯仔、桌仔、一屑仔、小叔仔、夾[(ngeh)]仔、竹仔、帖仔、索仔、屜仔、黑[烏]卒仔、鐵仔、警察仔、零星肉仔
第五調：鵝仔、旗仔、牌仔、一時仔、湯匙仔、細條仔、腫[指]頭仔、少年仔、水池仔、羊仔、船仔、蚵仔、涼亭仔、桃仔
第七調：柚仔、袋仔、一暫[站]仔、小弟仔、網仔、耳仔、鼻仔、夜市仔、樹仔、柱仔、帽仔、簿仔、稻仔、檨仔、慢慢仔
第八調：鹿仔、藥仔、粒仔、賊仔、葵笠仔、包袱仔、石仔、淡薄仔、略仔、頂日仔、葉仔、麥仔、鑿仔、拍phok[噗]仔、目[墨]賊仔、玉仔
4.三連音變調和強調變調
三連音是講連續相仝三字連做伙的語詞，這種的語詞，佇第二字是普通變調，第一字就是特殊變調，咱所講的三連音變調就是講第一字的特殊變調，伊嘛有伊的規則。強調變調基本上就是去掉三連音的中央語音所形成，規則和三連音仝款，所以囥做伙來講。下面圖十四予咱閣卡清楚的概念。
圖十四：三連音聲調和強調變調關係圖
|
| 頭一字 | 中央字 | 上尾字 |
|
| 特殊變調 | 平常變調 | 原來本調 |
例 詞 | 三連音 | 甜 | 甜 | 甜 |
強調 | 甜 |
| 甜 |
咱若看圖十一e[的]聲調成份的時，會發現和「-仔」仝款，只要聲調成份內底有 [-降] 的聲調攏總變成具備 [+高] 和 [+升] 二個[个]聲調成份，加上三連音語氣的關係大部分語音的時間會特別加長，而變成高長升調，伊的調值嘛是35值。這個調值嘛無包括在傳統的八個聲調內底，但因為伊和第五調是仝款具備 [+升] 的成份，所以會予人歸類做第五調。若是聲調成份是 [+降] 的時，維持原來的基本連音變調。換另外一句話講，傳統的第一、五、七、八調佇三連音的時，第一個[个]語音變成仝款的高長升調；但是佇第二、三、四調的時維持著原來基本變調。所以，咱會凍寫出三連音變調規則。
三連音變調規則：
(1) 凡是聲調成份有 [-降] 的聲調，第一字一律變成高長升調。
(2) 其他的聲調維持原來基本連音變調 (a理論規則)。
例詞：
第一調：青青青、光光光、歪歪歪、燒燒燒、烏烏烏、酸酸酸、甜甜甜、馦馦馦[薟] (hiam1-hiam1hiam1)、乾乾乾[焦] (ta1-ta1-ta1)
第二調：喘喘喘、歹歹歹、好好好、短短短、嫷嫷嫷[媠] (sui2-sui2-sui2) 、慘慘慘、苦苦苦
第三調：細細細、正正正、暗暗暗
第四調：漉漉漉 (lok4-lok4-lok4)、束束束、禿禿禿、赤赤赤、澀澀澀、闊闊闊、濕濕濕[溼] (sip4-sip4-sip4)
第五調：紅紅紅、綿綿綿、土土土[塗]、明明明、長長長、鹹鹹鹹、黃黃黃、澹澹澹 (tam5-tam5-tam5)
第七調：濟濟濟、霧霧霧、在在在、大大大、碇碇碇[𠕇] (ting7-ting7-ting7)、硬硬硬 (nge7-nge7-nge7)
第八調：白白白、合合合 (hah8-hah8-hah8)、直直直、俗俗俗、熱熱熱、薄薄薄、熟熟熟
5.隨前變調
所謂隨前變調就是一個[个]語詞上後面的語音變化是根據著伊頭前的語音來變化，伊即[既]然是按照頭前的語音來變化，按呢就會形成另外一條規刖[則]出來，伊的規則就是以 前一字的最後音值做為平調根據。所以伊的音值會凍[當]大約講是有55值、33值和11值。
一般來講，隨前變調的詞尾語音是以「的」、「a[仔(--a2)]」、「我、你、伊」和「人」為主。詞尾的語音是「的」的時，大部分[份]頭前的語音一定是一個[个]動作或是形容詞或是人的姓名；若是詞尾的語音是「a」的時，頭前是以人名為主；若是「你、我、伊」和「人」等代名詞做詞尾的時，頭前的語音一定是一個[个]動作。
例詞：
第一調：青的、烏的、乾[焦]的、歪的、煎的、租的、張的、邱的、詹 (ciam1)[tsiam] 的、曾 (can1)[tsan] 的、江的、莊的、蕭的、阿珠a[仔]、阿春a[仔]、阿秋a[仔]、驚人 (kiann1 lang0)[kiann--lang5]
第二調：好的、歹的、短的、炒的、煮的、買的、董的、老李的、沈的、相鼠的、相虎的、相馬的、阿美a[仔]、阿敏a[仔]、請人 (chiann2 lang0)[tshiann2--lang5]
第三調：短的、細的、幼的、暗的、正的、素的、送的、騙的、看的、相兔的、姓蔡的、宋的、細漢的、阿智a[仔]、送人 (sang3 lang0)[sang3--lang5]
第四調：闊的、鐵的、一的、借的、刻的、切的、插的、用嚇的、用逼的、用吸的、郭的、阿雪a[仔]、阿菊a[仔]、阿雀a[仔]、志國a[仔]、踢人 (that4 lang0) [that4--lang5]
第五調：紅的、藍的、黃的、遠的、近的、長的、澹的、陳的、林的、王的、吳的、相牛的、相龍的、阿蘭a[仔]、阿玲a[仔]、搥人 (tui5 lang0)[tui5--lang5]
第七調：大的、厚的、遠的、近的、飼的、賣的、坐的、穿的、廖的、趙的、謝的、阿義a[仔]、大樹a[仔]、阿慧a[仔]、阿順a[仔]、罵人 (me7 lang0)[me7--lang5]
第八調：白的、薄的、直的、俗的、熟的、實的、活的、讀的、用罰的、姓葉的、姓駱的、阿木a[仔]、阿達a[仔]、阿玉a[仔]、學人 (oh8 lang0)[oh8--lang5]
沒有留言:
張貼留言