2010
04031911歡喜講台語(12)
(四) 聲調
豐富的聲調嘛是台語的一大特色，真濟講會出來台語八個聲調的人，一部分的人佇獨立分別某一字是屬佇傳統的第幾個聲調的反應攏會真慢，可見台語的聲調的複雜性。尤其是佇入聲的時卜分別某一個字是屬佇傳統的第四個聲調或是第八個聲調的時，大部分的人會顯示出無把握的情形，尤其是第八個聲調根本就無法度做真明確的決定。所以咱若是舉例入聲聲調的時嘛會特別儘量舉卡濟例。
佇傳統上，咱台語的八個聲調分析是按照「平 上 去 入」的稱號，每一個又閣分別「上 下」 (又稱「陰 陽」)，所以就形成上平、上上、上去、上入、下平、下上、下去以及下入等八個聲調，依順序編號，如此就變成上平是第一聲(調)、上上是第二聲(調)...下入是第八聲(調)，就親像表二所顯示仝款。
表二：台語傳統八個聲調名稱表。
一般來講，除了鹿港猶有一部分人的語音有保留台語的八個聲調以外，全台灣地區實際上差不多攏是賰七個調而已，其中第二個聲調和第六個聲調是仝調的。
1. 五調值
講著聲調，若依照傳統的八聲來談論會siunn過頭抽象，對一般無熟悉台語聲調的人會「不知所云」。所以咱愛來講五調值的概念。
講著五調值的名稱，逐家一定攏感覺真生疏，但是若注音符號四聲的表示方式： ([ #])、[ @]、[ &]、[ $]，咱逐家就攏真熟悉，其實注音符號的表示方法就是用五調值的觀念畫成的，注音符號的四個聲調的五調值分別是55、15、214 (213) 以及 51。咱來一步一步講解就會明白a。
首先，咱先畫一條垂直線 (sui5-tit8-suann3)，佇線頂平均點上五個點，分別佇五個點自下腳開始編上1到5 的編號，就親像圖八所顯示相仝。
圖八：五點制的點和線表示
閣來咱將聲音的岏低音由低標到岏表示佇數字的正手爿。1表示低音；2表示中低音；3表示中音；4表示中岏音；5表示岏音。親像圖九所表示仝款。
圖九：五點制的岏低音表示
續落去，咱若按照標準華語的「雞鳴狗盜」四個聲調用五點制來表示就變成圖十的情形。
圖十：華語的四個聲調五點制「雞鳴狗盜」表示圖
咱若是將正右爿的垂直線 (有人講是「竹篙箠仔」) 去掉了後就變成咱熟悉的注音符號所標記的形式：( #) 、 @、 &、 $。因為四個聲調中，只有第一聲是自頭到尾維持仝款的音岏，若無標記嘛未影響著四聲的分別，所以咱一開始就省略聲調標記。
咱嘉義腔的八個聲調的調值就親像下面所表示。
表三：嘉義腔的八個聲調漢字例字以及調值。
為著卜予咱更加熟練八個聲調，特別佇下一頁附表四予逐家練習，練習了後才來詳細說明每一個聲調。
既然，咱原來的語音是漳州音以及泉州音，當然猶有人保留著原來的調值，所以嘛附帶漳州音以及泉州音的原本調值予咱做參考（表五）。
另外，咱嘛一定愛附帶廈門音一下，因為廈門音是閩南語的標準語（表六）。
表四：台語的八聲練習表
1 2 3 4 5 6 7 8
ia 埃 野 厭 扼 爺 野 夜 蝶
pe ( ) 把 幣 八 爬 把 父 白
si 絲 死 四 蟋 辭 死 是 蝕ti 豬 抵 智 滴 除 抵 箸 碟
to 刀 島 到 桌 逃 島 道 著
sia 賒 寫 瀉 削 邪 寫 謝 杓
lam ( ) 攬 𨂾 凹 男 攬 濫 納liam 拈 斂 捻 捏 黏 斂 念 粒
can 曾 讚 層 節 殘 讚 贈 賊tan 丹 等 旦 妲 陳 等 誕 達
cin 真 診 進 職 秦 診 盡 一
cun 尊 準 俊 卒 船 準 拵 糯
pun 分 本 糞 扒 歕 本 笨 勃
sun 孫 筍 舜 蟀 巡 筍 順 術
cian 煎 剪 戰 節 前 剪 賤 捷
sian 仙 癬 搧 設 禪 癬 善 舌
hian 掀 顯 獻 血 賢 顯 現 穴
hun 煙 粉 訓 佛 雲 粉 恨 核
kun 軍 滾 棍 骨 拳 滾 郡 滑
huan 番 反 幻 法 礬 反 范 罰
ing 英 永 應 益 閑 永 用 譯
cing 鐘 腫 種 叔 情 腫 淨 籍
ching 清 筅 擤 策 榕 筅 穿 ( )
king 經 景 敬 擊 擎 景 競 極
ping 冰 秉 併 逼 朋 秉 並 白
sing 生 省 聖 色 誠 省 盛 熟
ting 丁 頂 釘 竹 亭 頂 定 特
cong 宗 總 壯 作 藏 總 臟 族pang 崩 綁 放 北 房 綁 棒 縛
tang 冬 董 凍 觸 銅 董 動 獨
tong 當 董 擋 啄 同 董 撞 毒
kiong 宮 強 供 菊 強 強 共 局
tiong 中 長 中 築 重 長 重 逐
siong 傷 想 相 淑 詳 想 上 俗
【註】本表格內底小括號( )代表電腦無這個語音的漢字，網點字代表是泉州音。[2023.09.10重調整八調練習順序]
表五：漳州音以及泉州音的調值。
表六：廈門音的調值。
沒有留言:
張貼留言