2011
05041611精牲仔佮咱仝性命
畜牲仔佮咱們kàng性命
阿環：大家好，我是阿環，「美麗台灣好光景，好山好水雲擱清，柱著今仔日好心情，大家相招要去看風景。」ê？還袂來？（眼睛直瞄後台）
阿保：（後台，阿保匆忙哪走哪跑哪整理杉）失禮、失禮、歹勢、歹勢，大家好，我是人看人砢咾的阿保。
阿環：「阿母」？阮們不就變做你的「子」（kánn）？
阿保：不經tsông！「阿保」做「阿母」，話撒咧亂使講？
阿環：「管」？「管」叨一支長長咧。
阿保：啊你真正氣昧煞！小心嘴歪目珠tshua。
阿環：是你咧gâu拖沙，擱講我嘴歪目珠tshua。
阿保：人說「矮人厚恨」，我看是你這個ló腳e卡贏面。
阿環：你走路哪像龜咧sô，擱想要佮我去tshit-thô！
阿保：說到tshit-thô是小誇代，哪是出門ē穿插—
阿環：按怎？
阿保：就要照起工來。
阿環：對喔！你哪會穿佮一仙哪阿--不倒？
阿保：啥米阿不倒？來！借你摸看麥？
阿環：嗯！擱全全毛，有影是袂bâi---。
阿保：算你住得巷仔內，知道我身軀這領是名牌。
阿環：麥膨風啊！啊無你是買luâ-tsē ？
阿保：通台灣甘哪有這領，哪有luâ-tsē通好買？
阿環：嘸啦！我是說你開幾圓--？
阿保：講錢就昧suí-khuì！這領衫，是不是真合我的身分佮地位？
阿環：hânn？
阿保：我是一個標準ē緣投仔「phi」--。
阿環：是緣投仔「phí（屁）」！
阿保：你這個人有影是雞仔腸、鳥仔肚。
阿環：總嘛愛報一個老鼠阿冤--。
阿保：阮嘛是一個「好già人」呢！
阿環：嗯！「卡撐」有倒柄。
阿保：有一天，我「駛車」尬過百貨公司。
阿環：喔？
阿保：外口khià著「價落（低路）大日本」！
阿環：你是嫌世界不夠亂啊？
阿保：不是啦！眼睛花花，瓠仔當菜瓜。
阿環：啊嘸是按怎？
阿保：「倒駛」了後，才知是「本日大落價」啦！
阿環：你「屎車」擱兼「倒屎」，莫怪人咧大落價。
阿保：公司內底黑坎坎，一看就知道足濟人。
阿環：所以，你就佮他衝進去！
阿保：不過sē來啊sè去，攏是不合我的意！
阿環：你目珠生在頭殼頂！
阿保：按呢講嘛不過份，三百、五百佮我攏不合。
阿環：喔，你的級數是--？
阿保：相當嘛愛三五萬，m才有親像我的扮。
阿環：「三五萬（慢）」！我看是揀衫慢、試穿慢、擱「tiú」錢慢。
阿保：擱講落è你就顧我怨！
阿環：好啦！好啦！
阿保：這領衫在台灣是獨一擱無二，甘nānn要賣「二萬圓」。
阿環：實在是無彩人的錢！
阿保：看精足！這是抓十隻才做一領ē天山狐狸毛。
阿環：hânn？我看你是「冷氣機無插頭兼矮人要爬壁」
阿保：啥米？
阿環：「欠電擱欠梯」。
阿保：奇擱怪？人咧吃米粉，你suá在邊仔地喊燒。
阿環：照你按呢開，卡濟祖公仔「屎」嘛不夠殺！
阿保：安啦！阮祖公仔ē「屎」，「tshuá」--太tsē咧！
阿環：你真正是「衣冠禽獸」喔。
阿保：喂！你才是「啞巴羊仔」咧！
阿環：啥米？
阿保：「欠咩（罵）--」
阿環：見笑轉生氣喔！
阿保：佮我比做「衣冠禽獸」哪會不生氣？
阿環：唉！「牛牽去北京嘛是牛」。
阿保：錯！「牛牽去北京不是牛」！
阿環：啊？不是牛？無是啥？
阿保：牛牽去北京叫做「牛」。（牛-華語音）
阿環：到tānn你還咧練哮話！畜牲仔穿在身軀頂，甘不是「衣、冠、禽、獸」？
阿保：話哪會凍按呢說？
阿環：hóo！你「殘害生靈」擱不知悔改？
阿保：阿彌陀佛！我初一十五攏吃菜，哪會去做這款代？。
阿環：你佮畜牲仔做衫穿，就算逐天吃菜嘛無路用！
阿保：聽你按呢講，我甘哪真酷刑。
阿環：到tann你才知！有一些外國人，赤身裸體脫空空。
阿保：唉喲！不死鬼！脫空空是要按怎見眾人？
阿環：哼！說給你識！嘴鬚好打結！他們是在「抗議」！
阿保：「02」？上期才開過，甘會擱連莊？
阿環：你賭性不改，開口合口攏是財。
阿保：喔--？錢財你不愛，會凍拿來我替你開。
阿環：裝空裝憨你相gâu，他們是要佮大家講—
阿保：我知！「天然ē相好」！（誇張）
阿環：按呢嘛才差不多。
阿保：所以，愛牠就不通去佮抓！
阿環：讓這些珍貴耶畜牲仔萬年湠下去！
阿保：哪按呢—我們的地球-就不哪有—
阿環：青山綠水通好看！
阿保：iáu有很多畜牲仔通作伴！
阿環：大家做伙來出聲---
阿保：「畜牲仔佮咱們kàng性命」！
阿環：「畜牲仔佮咱們kàng性命」！
合聲：阿環、阿保相招要擦淘，來去喔—
合聲：大家勞力！（鞠躬下台）
(轉去主目錄)
沒有留言:
張貼留言