2011
05041601騎跤踏車
騎腳踏車
甲︰「坐飛機，看天頂；坐大船，看海湧；坐火車，看風景；坐公車，錢較省；坐牛車，順紲挽龍眼」（加拍板或小木魚敲出節奏）
乙︰敖喔，唸了有逗句，我擱會曉加你一句。
甲︰我呣信！佗一句，無～你唸來聽看覓咧。
乙︰聽了～︰「坐飛機，看天頂；坐大船，看海湧；坐火車，看風景；坐公車，錢較省；坐牛車，順紲挽龍眼；騎腳踏車，四界車跋反」（同拍板或小木魚敲出節奏）
甲︰我是○○啊（某某甲）。
乙︰我是○○啊（某某乙）。
合︰上台行禮（低頭彎腰鞠躬）。
甲︰成敖，○○啊（某某乙）你擱會曉加這句，是甲啥人學的。
乙︰噢～若這喔！是阮阿公教我的～（一副得意得樣子）
甲︰恁阿公，佇佟時仔教你的？伊人佇陀位，會使擱請伊教我否。
（很期待的表情）
乙︰伊！伊！伊人，即碼去「蘇州賣鴨卵」啊。
甲︰ㄏㄚˊ～去蘇州賣鴨卵，呣道是去做台商。賺真濟錢厚（ㄏㄡˋ）。
乙︰賺一箍芋仔啦！我的意思是講，伊人已經過身啊啦。
甲︰失禮啦，我呣知啦。原來恁阿公已經過身啊。（表現抱歉的表情）
乙︰好啦！無要緊。橫直這是我讀一年仔的代誌，咱彼個時陣猶擱呣知半項咧。
甲︰○○啊（某某乙），歇睏時仔，你攏有佇做啥麼活動？
乙︰這喔！看是欲室裡的，還是室外的啊。
甲︰先講室外的。
乙︰有啊，運動、爬山、散步、騎腳踏車……。
甲︰你也愛騎腳踏車做運動喔，甲我同款。（惺惺相惜的感覺）
乙︰講著騎腳踏車，道乎我想起一個足趣味的代誌。
甲︰啥麼趣味的代誌，講來分我鼻香一下。
乙︰講著阮阿公少年彼咧時陣，伊有一個朋友才拄好學騎車爾，佇車的後架橫橫縛著一枝扁擔。
甲︰愛騎擱驚跋倒，安呢敢有效～
乙︰若是拄著有人對伊的車仔邊經過，著緊張甲一直喝講︰「閃！閃！閃！」親像即碼的的囡仔車，兩邊仔逗細粒輦仔同款。（撥手做動作）
甲︰勿會曉駛船嫌溪隘，猶有否？
乙︰當然嘛有，有一解彼個朋友騎車來阮兜招阿公出去玩（ㄕㄥˋ），兩個人騎到大路的一條水溝仔邊。
甲︰安呢道著啊，騎車倚路邊。有安全觀念喔，敢講有代誌。
乙︰呣知是安怎，阿公彼個朋友煞甲衝對溝仔底落去，一台車吊佇溝仔頂叮噹現。規個人膏甲淡糊糊，全身軀攏是土～
甲︰真是苦瓜燉鰱魚─苦連（可憐）喔。阿敢擱有別項的？
乙︰有！擱有一解，伊講欲去體育場學騎車。
甲︰真好啊，體育場所在足闊的。猶擱有代誌喔？
乙︰伊家己一個人，對大路遠遠的彼秉騎來。雄雄一台吉普仔車駛過來，害伊一時緊張，規台車煞甲騎對路邊的土堆起哩。輦框挵歪去兼落鏈仔。（做開吉普車的動作，）
甲︰唉～真正是厝頂破擱拄著大風颱。安呢伊以後伊敢擱敢騎？
乙︰汰呣敢！「拍斷手骨顛倒勇」啊，聽講經過一禮拜了後。騎車放雙手，煞落來擱會拖孤輦，表演特技。（做騎單輪越野車的動作）
甲︰有影無～酷喔！實在是「烏矸仔貯豆油─無塊看！」
乙︰無剉─規叢好好。（臉上肯定自信的表情）
甲︰腳踏車～腳踏車～逐家勇敢向前行～（唸唱，做騎腳踏車的動作）
乙︰腳踏車來囉！（做騎腳踏車的動作）
甲︰○○啊（某某甲）。
乙︰○○啊（某某乙）。
合︰落台一鞠躬（行禮）
(轉去主目錄)
2011-05-06 14:40:15AA email給AA 前往AA的日誌
