作曲家楊三郎部分作品連結

 2010

07221656作曲家楊三郎部分作品連結

623網站連結

引用來源:維基百科//楊三郎(作曲家)

下面的連結, 若欲聽歌直接點超連結(紅字的是無資料).

楊三郎（1919年10月18日－1989年5月25日），本名楊我成，台北縣永和市人，台灣作曲家。

六歲搬去蹛台北市。十八歲綴鄭玉東學習小提琴，後來改學小喇叭，十九歲就予人邀請佇同聲俱樂部獻藝。1937年赴日本，拜音樂家清水茂雄為師，學習音樂，1940年赴滿洲國各地，擔任樂師，1945年因中日戰爭變甲激烈才來倒轉來台灣，1946年組樂隊加入台灣廣播電台（中國廣播公司前身），1947年佇呂泉生的鼓勵下，完成處女作 -- 《望你早歸》，才來揚名歌壇。1948年，伊佮周添旺相捌，兩人頭尾合作了《孤戀花》、《思念故鄉》、《秋風夜雨》等名作；楊三郎的創作嘛隨著伊的「樂師生涯」定定攏有好好的作品出現，親像《港都夜雨》、《秋怨》等等。1952年組「黑貓歌舞團」，去全台灣逐所在巡迴演出，1965年解散「黑貓歌舞團」。1976年，楊三郎佇桃園投資經營尚大農牧場，做較大規模的精牲仔的養飼，原來想欲自按呢對流行歌壇退休，毋閣伊猶是無放棄唱片業者的「邀約」，嘛是定定為歌壇效力。晚年，台語歌曲沓沓閣再予人來重視時，伊原本有想欲閣轉來作曲的頭路，誠不幸這个時陣食老身體厚毛病，1989年5月，到尾後煞因為糖尿病引起的併發症過身，享壽七十一歲。

1992年，台北縣立文化中心捌為伊舉辦作品音樂會佮出版紀念專輯。嘛有佇伊的故鄉共伊立一座銅像。

代表作有《望你早歸》、《秋風夜雨》、《港都夜雨》、《孤戀花》。

其他的作品:(1) 行船曲 (2)苦戀歌  (3) 嘆薄命 (4) 噫!人生 (5) 落花淚影 (6) 寶島姑娘  (7)台北賣花姑娘

(轉去主目錄)

感謝劉志祥老師賜佳詩回應(內含六首歌名):

港都夜雨落袂停

寶島姑娘孤戀花

落花淚影嘆薄命

望你早歸通做伙

(轉去主目錄)

回應

2010-07-23 22:53:53劉志祥老師 email給劉志祥老師 前往劉志祥老師的日誌

港都夜雨落袂停

寶島姑娘孤戀花

落花淚影嘆薄命

望你早歸通做伙

於2010-07-23 23:57:55回覆

To 劉志祥老師

多謝賜詩含歌名
今日無閒來唱和
含糊七字來答謝
台語做詩真正寶

2010-07-23 16:40:5133 email給33 前往33的日誌

咱台灣這方面好像較無人咧做

於2010-07-23 19:07:08回覆

To 33

歹勢, 日本歌的方面, 我遮無欲收集, 因為我完全袂曉日語, 雖然我嘛足想欲會曉日語, 因為袂曉日語, 我的台語能力永遠就愛定佇半桶師的位置, 咱台語方面的珍貴資料, 有足濟攏是日本時代用日語寫的, 台語文學若欲講完整, 嘛愛講著日本時期.

我知影你會曉日語, 嘛會曉拍日文, 其實, 你會使模仿我, 共恁爸爸愛聽的日語歌做目錄連結起來, 我知影有幾偌个人的網頁有收台語歌就攏有收日語歌, 你會使去看覓咧:)

2010-07-23 05:51:37小姑姑 email給小姑姑 前往小姑姑的日誌

不一樣的心境聆聽不一樣的歌曲有不同的感覺，祝你平安健康。

於2010-07-23 07:07:53回覆

To 小姑姑

就佮看山是山, 看山毋是山, 看山是山的體誤有階段性仝款, 祝你逐工喜事連連.

2010-07-22 23:52:25羚蘭 email給羚蘭 前往羚蘭的日誌

羚蘭喜歡這首 秋怨

晚安 天天愉快

於2010-07-23 07:04:39回覆

To 羚蘭

感謝支持, 有你佮意, 予我歡喜, 祝你時時快樂無比.