2010
03092100小卒仔ｅ願望
我是一名小卒仔，讀研究所ｅ[的]時陣，真認真探討台語語言本身ｅ[的]問題，畢業了後，di[佇(tī)北部住[蹛]過一年，彼時陣，台語文運動才開始無外[偌]久，di[佇]心內想欲做挽救台語ｅ[的]一支[枝]柱仔。
因為我落葉歸根ｅ[的]觀念真重，所以di[佇]三年前轉來故鄉嘉義，真無簡單才di[佇]一間私立學校教英文，心內總是咧想，等候母語教育開始ｅ[的]時陣才來專心投入母語教學ｅ[的]路，因為三年前，di[佇]嘉義地區無親像台中地區遐呢打拼[拍拚]，想欲行母語教育這條路途總是感覺時機未到。
現在，母語教育得[咧]欲全面實施，但是di[佇]我了解ｅ[的]情形下，di[佇]目前師資非常欠缺ｅ[的]情形下，因為我m[毋]是師範系統本身畢業，所以我根本就無任何資格通a[仔] chap(插[tshap])一腳[跤]。di[佇]六月六日 和七日以及 六月三十日 和 七月一日 參加di[佇]新竹師院ｅ[的]台灣母語教育發展會議和台灣母語教育研討會了後，原本叫是這是我上好ｅ[的]機會，等遐濟冬，應該有機會發展專長才對[著]，但是我非常ｅ[的]失望。
di[佇]會中，每遍聽著教授級ｅ[的]人，講著伊ｅ[的]台語課開荒史ｅ[的]時，in[𪜶]攏會強調in[𪜶]對台語是外行，只是為著挽救台語ｅ[的]情懷開課。ho[予(hōo)我聽dor[著]真鬱卒，in[𪜶]只是對台語有熱情，有一個[个]博士學位就會凍[當]「集天下英才而教之」，a[抑]我對台語ｅ[的]研究嘛有十四年ｅ[的]歷史，有一個[个]碩士學位suat[煞]未凍[袂當]做半項。
di[佇]會中，若聽著師資欠缺，極需要培養ｅ[的]時，我猶原嘛真鬱卒，因為師資培養是師範系統ｅ[的]代誌，培養出來ｅ[的]人嘛是愛師範系統ｅ[的]人，所以，我並無一項代誌做會著。
若閣想著目前師資欠缺ｅ[的]情形，我嘛真鬱卒，母語教育全面實施了後，教師若抵[拄]著問題ｅ[的]時，師範系統ｅ[的]教授根本就無可能隨時準備來基層解決教師di[佇]台語方面所抵[拄]著ｅ[的]專業問題，我嘛相信，國中和國小ｅ[的]教師，一但開始教學，雖然攏會曉講母語，若一下開始教落去ｅ[的]時，才會發現，台語本身ｅ[的]複雜性，聲母、韻母和基本聲調勉強攏應付會過，但是抵[拄]著連音變調、三連音變調、強調變調、仔前變調、聲調ｅ[的]確認，尤其是入聲字ｅ[的]聲調確認就會抵[拄]著問題。雖然我ｅ[的]台語專業知識due[綴]未[袂]著台語界ｅ[的]前輩者，但是我相信欲解決真濟專業問題應該是猶無[猶閣有]賰，可惜，現主[此]時ｅ[的]情形，我嘛是仝款變無步，叫我欲佗位去發揮我ｅ[的]專長咧？
有人提議我去寫冊、做作家，對我來講，我並m[毋]是寫作ｅ[的]人才，寫作m[毋]是我ｅ[的]專長，而且寫作需要創作，時常愛有靈感，m[毋]是講欲寫就會曉寫，欲做作家就做作家，寫作本身嘛有伊ｅ[的]技術和藝術，對生活ｅ[的]現實性來講，我有某有囝有厝ｅ[的]貸款有車ｅ[的]貸款，家己本身嘛愛顧三頓，轉來故鄉以來，寫台語文章、主持電台台語節目、主持台語文讀冊及[佮]寫作會攏總是義務ｅ[的]空課。甘[敢]講欲叫我規氣放棄挽救台語ｅ[的]空課？
或[抑]是我嘛來考教育學分，閣來修教育學分，這嘛是愛一年ｅ[的]準備，修二年ｅ[的]暑假，愛浪費未[袂]少ｅ[的]時間，我想di[佇]準備考試和修學分ｅ[的]時期內面，雙腳[跤]踏雙船，甘[敢]做會好？甘[敢]有法度解決目前教師di[佇]台語方面所抵[拄]著ｅ[的]問題？就m[毋]是講現在師資親像英文教師按呢濟gah[甲]有賰講。
我只是一個小卒仔，只是一個半桶師，只是想欲做一個[个]半桶師ｅ[的]代誌，三年來轉來故鄉一直等待這個[个]機會，但是我所感覺著ｅ[的]是我根本無法度發揮著我ｅ[的]專長。欲到啥麼[物]時陣，我這個[个]小卒仔才會凍[當]di[佇]故鄉完成願望咧？
1997.07.04(台音式)
2010.08.18改網頁的字體佮格式
兼共教育部的用字囥佇[ ]內底
[後記]
今仔日(2010.03.31)閣轉來看我這篇文章, 才發現著我無共這篇改做TLPA系統. 這篇的系統就是台音式的系統. 台音式的系統因為原創造者的骨力走tsông[傱]後來變做通用拼音. 佇四, 五冬前捌看著抑是聽著人批評通用拼音是親中國派的. 其實, 真正是足大的冤枉, 因為台音式是原創造者實際寫台語文的過程中自然產生的產物. 原創造者佇1994年的時當咧足認真拍拚寫台語文, 伊拄開始是用教會羅馬字系統寫作, 毋閣因為欲支持in[𪜶]翁有去參加著TLPA製定的會議, 才改用TLPA. in[𪜶]翁嘛為著支持in[𪜶]某的拍拚, 抱著家己欲食就愛家己種稻仔的觀念, 就替in[𪜶]某寫電腦程式做一个台音式輸入法出來. 因為, in[𪜶]某寫作對標台語的聲調足困擾, 佇我替伊校對台文稿的時, 定定愛因為伊標了毋著的拼音臆規晡, 伊才共我講, 伊為著欲標調定定去拍斷寫作的靈感, 結果, 佇我共伊看稿的時, 嘛是看著伊的調攏標毋著去.
佇我的建議之下, 伊共調提掉, 經過按呢, 伊寫作開始用無標調的TLPA, 寫作嘛足順利的, 我看伊的稿嘛袂閣再受著伊標毋著調的影響誤解文章. 了後, in[𪜶]翁仔某, 只要有機會, 攏會提寫的文章予親情朋友讀看覓咧, 連新交的朋友攏無放過. 上捷拄著的問題就是逐个人攏會問類似是按怎p讀ㄅ毋是讀ㄆ?是按怎t讀ㄉ毋是讀ㄊ?是按怎k讀ㄍ毋是讀ㄎ?等等的問題. 為著按呢, in[𪜶]就共拼音換一下, 予p讀ㄆ;t讀ㄊ;k讀ㄎ?因為按呢的調整連帶關係的音攏愛調整拼音, 甚至八聲調的順序嘛調整過. 就是按呢產生in[𪜶]家己咧使用的拼音法, 就共輸入法叫做台音式的拼音法.
因為, 轉來故鄉了後, 我一直咧做孤鳥, 閣加上我拍字是用倉頡輸入法, 所以無用台音式的輸入法做寫台語文的輸入. 想袂到通用拼音嘛推行十外冬去矣. 煞去聽著人講通用拼音是親大陸派的講法, 實在是足冤枉的. 因為按呢, 我嘛特別提通用拼音和普閩詞典的拼音做比較, 真正是兩个系統的相似度懸甲無話通講, 會予毋知頭毋知尾誤會是正常的.
假使, 當年, 我有去做拼音系統的比較, 我想照台音輸入法的創造者的觀念來看, 伊若是知影通用拼音和普閩詞典差不多攏仝款的時, 以伊的個性, 伊是絕對會反對使用通用拼音到底的人. 因為, 我會記得, 阮某的名內底有一字國字, 當伊咧紹介家己的國字的時, 講伊的國是中國的國的時, 因為按呢阮某去予伊 "說教" 講一睏仔. 伊真正會當是反中的偏激份子, 伊甚至講伊絕對無欲踏入嘉義民雄的中正大學一步, 因為伊的校名號做中正的關係.
沒有留言:
張貼留言