2011
05211840賣快樂
賣快樂
甲：來！來！來！（敲鑼）看！看！看！緊來緊看﹐慢來減看一半。
乙：（對著甲看）
甲︰今仔日來到貴寶地 ﹐凊彩算、凊彩賣 。
乙︰凊彩賣？（懷疑狀）喂！頭家娘﹐恁是咧賣啥物貨？
甲：我咧賣快樂。（大聲）來！來！來！買兮到是恁兮福氣﹐抑哪買不到請恁麥生氣！。
乙︰ 哈啊！（懷疑狀）快樂阿會當賣喔？啊是按怎賣？一斤是賣外濟？
甲：當然嘛會使賣！小等兮！咱們先來甲大家行一下禮﹐才來尬恁講麥賣外濟？。
甲：阿華 乙︰阿盈 合：上台行禮
乙：耶！頭家娘﹐恁賣兮覓件真罕看！恁毋就緊拿出來﹐予我看麥咧！恁甘知我兮心情當鬱卒！我足想麥尬快樂買轉去。
甲：無問題﹗今仔日突才開市﹐先送恁一個見面禮﹐大家來結一個緣咧。（拿出道具）
乙：多謝﹗多謝﹗（打開卷軸）認真過日子。（大聲唸出來）
甲：無毋對！逐工攏認真過日子﹐就會快樂！女囝仔啊！恁有認真過日子否？
乙：我？ 我？我突才位學校辿出來佚陶吶。
甲：耶！做雞就凊﹐做人就反﹐抑哪做學生囝子就不行四界辣辣趖、車-跋-反。？快！快！快！轉去學校認真過日子﹐快樂就對著恁。
乙：真多謝恁送我兮見面禮﹐我真甲意！稍等我就來轉。嘛擱恁籃仔底擱有吶？
甲：哟！賸這些兮恁嘛有意思喔？來！恁先看麥咧﹐甲意才買。有買感謝﹐毋買我甲恁說多謝。（拿出道具）
乙：好！好！好！（打開卷軸）
有夢尚界水。（大聲唸出來）
甲：對﹐有夢尚界水﹐快樂無地比。有夢兮人生是彩色兮﹐抑哪無夢兮人生是烏白喔！女囝仔恁大漢有想麥創啥物否？
乙：有啊！我想欲賺足濟錢兮﹐蹛阮阿爸阿母去美國迪士尼樂園佚陶。
甲： 唬！黑矸儲豆油—無地看﹐恁有影是十二月芥菜—真有心﹐這麼細漢就會曉想到序大人﹐實在是可取！好！我今仔日就不算本錢﹐全部兮貨攏免錢送予恁這兮有孝囝仔。
乙：哇！讚！讚！讚！頭家娘多謝恁。我欲卡緊擱來看麥咧。
身體勇健快樂行（打開卷軸）
甲：嗯！賺錢有數﹐性命要顧。女囝仔﹐恁毋是欲賺蓋濟錢！愛會記得喔！錢四腳﹐人兩腳﹐永遠就追勿會到。
乙：所以講﹐身體就愛練予勇健﹐快樂才會對恁行。
啊！（看一下手錶）我欲快轉回去啊。頭家娘﹐恁實在真慷慨﹐送我這麼濟｀快樂＇﹐我兮心情勿會擱鬱卒啊！多謝恁喔！再會！
甲：再會！轉回去鬥鬥阿看那些﹐擱有真濟快樂兮秘方喔！只要恁老老實實落兮做！我相信恁一定會真成功﹐擱真快樂。
（扑竹板）
乙：認真過日子 甲：快樂會找恁
乙：有夢尚界水 甲：快樂無地比
乙：身體哪勇健
合：快樂對恁行
乙：快樂成功 甲：成功快樂
乙：阿盈 甲：阿華
合：賣快樂
(轉去主目錄)
沒有留言:
張貼留言