夢生(Yuh-ru/Dyertung)的母錄(blog/部落: 通知佮公告

2011

03142142通知佮公告

爭忠

注意:若是超連結失敗(尤其是對知識+入來的)
請點上面頂隨時轉來主目錄
抑是點遮(直接去主目錄分類)攏會使.

Welcome to Dyer's blog. If you can't write Chinese,
you can respond in English and I will try as hard
as possible to answer your questions.

下載字型:因為本blog用著教育部的字型,
若看袂著字形的網友
就需要下載字型落來安裝才會當正常顯示.
一、臺羅音標建議字型
二、臺灣閩南語漢字輸入法
三、新細明體擴充字集套件
四、去網站下載捷用的Taiwanese Serif字型(2011.07.09)

公告: 1. 答喙鼓網頁連結已經新增100年度的腳本佮連結.(2012.05.16)
所有的作品維持原作品的用字,
並無依教育部的用字做調整.(2011.06.26)
2. 答喙鼓網頁連結內面的影音檔,佮腳本的下載攏恢復正常矣.(2012.05.16)
3.今仔日發現中華民國99年全國語文競賽-﹝臺灣閩南語朗讀﹞文章57篇的造字圖形猶未更新連結, 致使無看著字形, 這馬已經重新連結好勢矣.(2011.09.27)
4. 嘉義市母語文化教育協會暫借遮做交流園地

通知: 1.嘉義市母語文化教育學會拜四的讀冊會
自8月25日起暫停, 等有人欲出來扞盤才閣開始.(2011.08.06)
2. 臺灣歌仔冊學會嘉義市分會
自五月份起的每個月的第一佮第三禮拜
暗時7:00到9:00
佇嘉義市民族國小的三年五班教室
聚會讀歌仔冊，敬請逐家會記得時間來讀冊。

(轉去主目錄)

回應

2011-09-09 21:44:39n/a email給n/a 前往n/a的日誌

彼無noo3！....我猶毋是蹛平溪，八里遐的所在矣。...本底就蹛佇台北的人敢若台語就講著誠淺，阮媽媽有一寡運動伴，攏講這怹毋捌聽過，彼毋捌聽過;哈哈，情形佮這馬仝款，蹛台北的攏嘛知影欲學台語愛去南部學，佮北部人學台語，連外省仔嘛看會出來矣，啊都共怹華語改幾字矣，文法攏仝款。唉，悽慘！....毋過，台北這馬嘛會當看著對南部發聲的電視台矣呢，是雲林遐的;逐家攏會鬥相報，有人閣會call in，哪有可能會是台北人來"糾正"我的台語，簡單一句，台北人的台語是弱勢，對中南部徙來的的台語才是強勢。無看欲生出一e5詞，攏嘛咧等咱南部生出來，一工到暗咧講台語的語感，有影有差，無台北早就共華語台語攏攬佇手頭矣，so.... 拄才欲留話，哪會走出來叫我去填資料，害我掣一趒，哈哈。....按呢知影，tueh一工就直接衝來國語會看覓咧，哈哈。看咱的縣誌寫的，阮爸怹應該是講海口腔？毋過，我嘛是愛轉去嘉義，才小可感覺阮遐的叔伯仔佮親堂，敢若有的音，聽起來可無啥仝吧？！我嘛無啥確定，因為....話攏聽有的講。

2011-09-09 18:38:15n/a email給n/a 前往n/a的日誌

按呢我知矣。多謝謝老師的牽教，我才照老師的吩咐，來去yahoo開一e5blog。.....進前對台語華語字典有點仔"討厭"(=排斥)，想講頂懸誠濟詞聽攏毋捌聽過，問阮兜的序大人嘛講毋捌聽過;一寡奇奇怪怪的詞，毋知攏對tueh4來的，猶無註明矣;閣彼站仔佇426網站看著咱遮的教會人士定定去in遐行踏，無這馬是咧按na2？台灣人毋是袂曉講台語，一戰二戰猶毋是老一輩的攏予人彈彈死矣，欲比阿六仔講的話，哈哈，ka in的人攏活甲百偌歲，咱遮上老的ka三四十歲爾諾，哪會走去in遐取經，真真毋知影in咧想啥，頭殼有點仔歹去！....又閣聽講in白話字是對廈門唐山過台灣來的，無這馬是教會人士嘛綴咧拜公媽諾？規台灣的台語愛綴in改做廈門話？！....若準字典內底是遮抄遐抄，嘛應該註明是對tueh4來的吧，無真正無彩台灣人咧感謝in替台語贊聲甲遐厲害，連官版字典攏出來矣的講。阮定定會走轉去嘉義學咱家己的話講，來台北閣會當"糾正人家的台語"，哈哈。祝老師中秋節快樂。 midismilex (這遍我變巧矣，會曉家己留名留姓，毋是n/a。><"....彼e5名翻做台語，應該是無這e5人吧？><") 啊！閣想著，我寫予國語會的第二張email，透早嘛又閣回批矣，so緊！....內底是問怹字典揣無的詞，敢會共當直接去問怹台羅按na寫，結果回批嘛是彼四句-批怹已經收著，怹會處理，若有結果，怹會較緊通知我。(我共伊的話翻做台語矣)....我咧迸矣！問這共我應彼，是國語會內底會曉看台語的人攏無去矣是毋？！哪會我問牛頭，伊煞共我應牛尾椎咧。唉！

於2011-09-09 19:03:25回覆

To n/a

佇網路, 咱是朋友, 無定著, 你猶比我較濟歲嘛無一定咧.
台語華語辭內底揣著的詞有足濟物件確實咱毋捌聽過, 內底上珍貴的資料是台日大辭典的原書影印資料, 看原影印本會當解決咱所想欲解決的問題, 佇內底咱有註明是漳州音的就是較接近咱的腔口.
咱是仝款故鄉的人, 人講人無親地親, 基本上咱兩个人的腔口應該是差不多. 毋過, 你佇台北, 台北的腔是北部腔, 佮咱無啥仝, 是你會去予因 "糾正", 講你的腔口無啥仝款, 愛按怎講才著.
你寄去教育部的回批應該是電子檔自動回批, 所以回答的攏仝款. 當然無法度回答咱個人的問題.
祝你早一日共母錄生出來:)

2011-09-08 23:55:34n/a email給n/a 前往n/a的日誌

歹勢，我是midismilex，下跤彼篇留話是我寫的。....真正愛來研究按na留話，才袂定定無名無姓。^^

於2011-09-09 06:37:33回覆

To n/a

佇網路內底, 你毋免留名留姓, 我看著的作者是你佇yahoo的暱稱 n/a , 對我來講, 按呢就有夠矣.

2011-09-08 23:49:32n/a email給n/a 前往n/a的日誌

阮一般人欲寫blog猶是有問題。今仔日寫email予國語會，問講:像字典揣無的詞，阮家己注的台羅嘛毋知影著抑毋著，調嘛驚變毋著，規氣就攏用講話音注。想講看國語會敢會當共遐的猶未公布的詞佮進前，先公布統一的台羅，較免又閣像進前猶未公布統一的用字佮"注音系統"按呢亂tshau-tshau。....回批閣緊呢，簡單四句，意思就是in會研究，毋閣愛等。.....哈哈哈，我嘛知影愛等，毋過欲等到當時？.....像講look-ko-sook-ko,草仔發甲tshaik-bak-sa5,koo2-loo2-sk-koo2....我曷知影注著抑毋著，調變了著抑毋著，小等下人叫是我像老師遐厲害咧，規篇嘛會曉用台語寫，tsiong7-a綴我注，哈哈，按呢拄好一e5毋著，後壁攏綴咧毋著。><" 想欲問看老師遮敢會當開一篇文章，專門寫一寡官版字典猶未公布的詞，ma-ku民間早就用a用a無愛用的詞無？(用台羅)....阮若欲問，嘛會當佇這e5主題下跤做伙問，毋知按呢好無？

於2011-09-09 06:33:41回覆

To n/a

寫台語, 咱攏是那寫那學的, 看你的用字, 已經是高手中的高手矣, 猶閣是足自謙的.
咱若是毋知影按怎寫的字就直接用台羅字落去寫就好矣, 若是常用詞辭典揣有的, 漢字就儘量按照內底的用字, 內底揣無的會使參考網站的台語華語辭典. 以你的能力, 若欲家己選用字, 就落去廣韻的揣字來用.
文字的使用, 每一个朝代攏有做一寡改變, 你看教育部的異體字字典就知. 而且, 一个毋著, 後壁攏綴咧毋著的現象是正常的. 無需要煩惱, 人會綴你用, 是認為你用的較好, 簡單來講, 像彙字, 這馬攏是讀lui7, 咱廣韻, 咱會發現伊是讀ui7. 明顯的毋著, 逐家攏會知, 有人會共咱通知, 咱才改過來就好矣, 抑是另工家己佇別人遐學著了後, 才閣改轉來就好矣.
寫母錄(blog)嘛是仝款, 代先佇yahoo首頁用你的數號登入, 佇首頁倒手爿內底的分類揣[部落格], 點入去了後, 佇主畫面正手爿, 點[我的部落格], 了後, 佇倒手爿你會看著伊講你猶未開部落格, 你共點開啟, 按照指示, 共資料點點添添咧, 伊會寄一份email去你的信箱, 才去信箱確認開啟就好矣, (若有愛確認開啟的密碼才共伊抄落來, 共密碼輸入好勢就好矣).
看你的用詞, 我就知影你的台語詞彙比我較濟, 有問題來做伙討論, 顛倒有可能是我愛共你請教的成份猶較濟咧.
你講的民間用字, 攏是假借字. 憑你的能力, 用家己的語感來選的字一定比因用的較好.

[註: 教育部的in字愛造字, 我想欲換用因字, 因為造字的字形佮囝和囡仝款. 攏是从囗(ui5), 子是畫猶袂曉行的囡仔; 女是畫一个查某囡仔; 大是畫一个大人. 因字佇歌仔冊自本就有咧使用矣, 另外因字的詞無偌濟, 無啥會造成困擾. 怹字我早期的實驗用字. 有人嘛誠愛用這字.
有問題嘛會使佇留話枋討論. 做母錄就是希望逐个來做伙互相漏氣求進步.

2011-06-18 07:24:50臺灣迷的78轉留聲機音樂部落格 email給臺灣迷的78轉留聲機音樂部落格前往臺灣迷的78轉留聲機音樂部落格的日誌

歡迎參加2011年7月2日老屋欣力文化講堂舉辦~78轉老臺灣曲盤純純之樂

主題~{78轉老臺灣曲盤純純之樂} 課程介紹 1~留聲機歷史以及機械構造與發聲原理 2~猜一猜CD的阿公是誰? 3~了解日治時期的老臺灣歌謠文化 4~聆聽留聲機曲盤體驗30年代老臺灣歌謠的魅力 5~開放民眾接觸留聲機~撥放曲盤 撥放曲目 1~1932年愛玉自嘆(其一) 梁松林作詞王文龍作曲純純唱