2012
05162005秘密
秘密
甲：阿文
乙：阿華
合：上台行禮
甲：欸！（拍乙肩膀）阿華，我共你講一个秘密。（大聲）
乙：噓！（左右環視一圈）欲講秘密毋就較細聲咧！
甲：喔！（跟著環顧四周）阿華，我共你講一个秘密。（小聲）
乙：（耳朵靠近甲）我的喙較密咧米篩！你甲我講！我保證今仔日袂去共別人講！
甲：（推開乙的耳朵）著啦！今仔日袂講，明仔載就四界講！阿華，「飯會使濫散(sam2)食，話是袂使濫散講」，我才毋是欲講人的是非。你是想對(ui3/tui3)佗位去！
乙：唬！毋是欲講是非，按呢哪閣有啥物秘密通好講---？（失望狀）
甲：（拿出書配音）這个人你捌(bat)無？
乙：（大聲讀出來）拿破崙──喔！我知！我知！這个提破輪我捌甲有賰！（乙忽然想到很興奮，甲皺眉）
甲：栽！栽！栽就愛沃水！啥物提破輪？閣講捌甲有賰！若按呢我問你，
拿破崙（乙複誦：提破輪）是啥物人？
乙：啥物人？當然嘛是外國人，鼻仔啄啄啄，閣戴一頂帽仔，緣投的大豬哥，喔！歹勢！是『大帥哥！』
甲：嗯！我閣問你，拿破崙啥物代誌上 ？
乙：唬！這……你問著人矣！伊喔！啉酒上 ！
我佇阮阿爸的酒櫥內底看著名號作提破輪的酒喔！你共想啦！名hong9(予人)刻佇酒矸頂頭，像(siong7)嘛印咧遐，予大家咧數(siau3)念，一定是啉酒第一名。
甲：敢按呢？我毋信(sian3)！人(lang0)冊內底無按呢寫！（低頭翻書）
乙：我共你講啦！冊袂按呢寫啦！這愛巧的人才臆(ioh)會出來。
甲：你講你真－巧？若按呢我閣再問你，提破輪若佮人相戰，你想，伊會輸抑是會贏？
乙：當然嘛贏！人伊是喝水會堅凍的蓋世英雄呢！（得意狀）
甲：彼--就火燒竹林，無的確喔！有一遍，「提破輪」 六十萬阿兵哥去拍俄羅斯，照理講！伊一定會成功倒轉來，想袂到…
乙：敢講「日本仔凊飯－壽司（輸死）」？
甲：就是講毋！輸甲mi mi mauh mauh！落褲扯(tshe2)倒轉來！
乙：thah會按呢，是按怎？
甲：唉(haih)！秘密若無講出來有誰人會知！（唱，心事誰人知曲調）輸佇「鈕仔」啦！無，哪會落褲扯(tshe2)！
乙：啊－！你凊彩講講咧！（拿書來翻）我才毋信(sian3)！你看！人這冊講彼擺的戰爭是輸佇咧天氣傷－冷，路途遙－遠！阿兵哥接載(tsih-tsai3)袂牢！毋才會輸！（指著書）
甲：我才毋是凊彩講講咧！你愛知喔，彼當時阿兵哥穿的長衫、長褲抑是鞋仔頂頭的鈕仔，攏是用錫(siah)－做的。
乙：鈕仔用錫－做的，又閣是按－怎？
甲：科－學－家咧懷疑，俄羅斯冷吱吱的天氣，錫做的鈕釦，會麩(hu)－去，阿鈕仔若…
乙：阿鈕仔若麩去，衫褲就鈕袂牢，鞋仔就穿袂絚(an5)，這聲，阿兵哥就落褲扯，賣番麥！
合：免講嘛輸甲塗－塗－塗！
乙： e9！這个秘密火燒厝－有趣味哦！是講乎(honnh)科－學－家猶閣有發現別項秘密否？
甲：有有有！我閣問你咧，你愛食胡椒否？
乙：胡椒薟薟芳芳真好食！e9！敢講胡椒也有秘密？
甲：著！五百外冬前，哥倫布原本是欲駛船去印度揣胡椒，哪知七駛八駛，煞共船駛位 美洲去，毋才會……
乙：喔！毋才會發現美洲這个新大陸。
合：e9！（竹板）
甲：拿破崙，相戰輸共落(lau3)褲扯(tshe2)！乙：秘密覕佇鈕仔底。
乙：哥倫布，駛船欲去揣胡椒。甲：唉哟！煞來揣到亞美利加洲。
合：喔－！知識誠深無khuainn3(看見)底，秘密全部攏藏內底啊藏內底！
(轉去主目錄)
沒有留言:
張貼留言