《彙集雅俗通十五音》網路版凡例

 2010

09212130《彙集雅俗通十五音》網路版凡例

379整理篇

1. 為配合電腦操作方便佮網頁的呈現以及減少HTML指令的使用，特別改用符號來代表原稿的意義。

2. 原稿的版面佮排版方式請參考每一頁所附的圖樣以便對照。

3. 符號採用的意義如下：

(1) 大括號 { } 表示白話音的字條兼做白話音左右合體的組字符號。
(2) 中括號 [ ] 表示文讀音的字條(原稿是紅色的字體)兼做文讀音和一般左右合體的組字。

(3) 小括號 ( ) 表示細字的解說、註解等等
以上三个表示的規則佮數學觀念運算仝款。

(4) 尖括號 < > 表示頂下合體的組字。

(5) 井括號 # # 表示內外相包抑是尾筆有包著另外一个合體的字素的組字。有時陣井括號袂記得囥起去，請照一般可能的組合來書寫，像「广、疒、戊」等。

(6) 斜線號 / / 表示截取，就是佇無法度揣著適當的字素，只好用現成的字來截取部分字素，內面數字1表示截取倒爿的字素抑是頂面的字素，數字2表示截取部首以外的字素、正爿的字素抑是下面的字素。

(7) 等號 = 表示今日認知的用字。

(8) 四角框 □ 表示電腦無字，目前猶未組字抑是完全無法度組字的字。

(9) 圓圈 ○ 這是原稿缺字的表示方式。另外，十五音字頭攏寫佇○內底，請參見圖樣就會了解矣。

4. 組字範例： (用現成的字做例來說明)

(1) <竹土寸>：等於「等」字。有一寡部首的字素電腦無變形通用，所以只好取原形代替，像「竹、足、玉、一」，請書寫的時自動變回一般部首的寫法。<#厂<白小>#>：等於「原」字。
(2) [<口丂><#虍儿#>]：等於「號」字。[亻歹刂]：等於「例」字。[王見]：等於「現」字。[足包]：等於「跑」字。

(3) [#走巳#]：等於「起」字。

(4) [#囗或#]：等於「國」字。[#門开#]：等於「開」字。[#戊<一口>#]：等於「咸」字。

(5) [<[夫夫]曰>]：等於「替」字。上外口的[ ] 是文讀音，內面的[ ]是左右合體。

(6) [/形1/]：等於「开」字。[/形2/]：等於「彡」字。[<竹[車/氾2/]>]：等於「範」字。

5. 換行：為配合原稿的方式呈現，所以每一个換行就是原稿的一行，除了會誤解的情形有做更動以外，基本上是忠於原稿的排版方式來處理。

6. 頁緣：見圖樣，佇左右緣原稿攏有「彙集雅俗通十五音 卷x xx xxx」等字樣，佇網頁賰「字母」佮「字韻」兩行。因為原稿奇數頁緣佇正爿，雙數頁緣佇倒爿。拄好佇網頁變成兩行頁緣相連的情形。所以便若看著有四字做伙像「經景」「經景」按呢的情形就是原稿換頁。

7. 版面：原稿版面，固定是八行一頁，用字條的字體來算，一行寫甲滇(tinn7)固定佇十四字左右。模仿排版加出來的空白原本是準備做註解用的空間。

8. 拼音：原稿無拼音，是為著予使用者方便解讀所加起去的。

9. 超連結：佇網頁的呈現，為著欲使用方便，特別增加超連結。參考圖樣就知影絕大部分的超連結是增加起去的，原稿是無字的。

(1) 字母超連結：字母就是韻母。目錄內的五十个字母攏有超連結連過字典的所在，嘛隨時會當轉來五十个字母的目錄。

(2) 字韻超連結：字韻就是聲調。按傳統的八調落去連結，攏囥佇字典內字母上平聲的後面。入去每一調了後，隨時攏會使轉來字母的所在。

(3) 字頭超連結：字頭就是聲母。顧慮著一般的人對傳統的十五音「柳邊求去地、頗他曾入時、英門語出喜」的順序無熟，特別佇每一个字韻的所在囥配合注音順序「p-, ph-, m-/b-, t-, th-, n-/l-, k-, kh-, h-, ng-/g-, ts-, tsh-, s-, j-, -」的超連結。隨時會當入去看字頭管下的仝音字。佇十五音的「地、時、喜」的後面攏有超連結轉來字韻的所在。「喜」的後面閣有會當轉來字母的所在。所以愛捷用「h-」這个超連結，就會加較順手。

(4) 卷首超連結：配合原稿的編排，特別增加卷首超連結，隨時會使轉來每一卷本身卷首的所在。

(5) 卷八的超連結：因為卷八的字數較少，所以無做字頭(聲母)的超連結。

10. 請善用「Page Up」的齒：因為超連結是按人的思考模式去用的。毋過，使用的時陣，咱想欲愛的超連結有當時仔拄好攏佇畫面的頂一頁，尤其是佇欲轉去頂沿連結的時陣，所以建議逐个來善用「Page Up」的齒。

11. 有意義的編號：超連結的編號是按聲韻調的順序落去編號的，除了卷號，字母號以外，只要四位數抑是五位數的編號最後一碼是調號，尾二佮尾三這兩碼是韻號, 尾四和尾五是聲母號。所以「語」字頭的編號開頭一定是13，「經」字母的編號一定是24，下平調(第五調)最後編號一定是5。所以「迎(ging5)」的編號就是13245。若是有超連結失敗，位置毋著，抑是做無著的，只要共編號予我，我就知影佗位出問題。按呢我就知影欲去佗位修改失敗的超連結。

12. 假使咱若使用起來歹用，請包涵因為我家己袂曉寫程式的缺失。若是感覺好用，表示我的超連結做了有夠額。

(轉去字母目錄)

(轉去主目錄)