2011
05300611繳稅
＜繳稅＞
合 唱：一放雞、二放鴨、三分開、四相疊、五貼胸、六拍手、七紡紗、八摸鼻、
九咬耳、十拾起（做動作）
甲、乙：各位父老兄弟姊妹視大、大家好！（行禮）
甲 ：今天，有福氣站佇遮，不是要來紅目有也逗鬧熱，阮是…
乙 ：喂！喂！喂！阿×也！汝佇遮是咧作啥貨？
甲 ：阮是要來佮各位講一寡仔繳稅的工課。
乙 ：也~是真也抑是假也？（懷疑狀）
甲 ：當然嘛是真也！
乙 ：哎喲！烏矸仔貯醬油，無地看喔！佇當時仔變赫敖？
甲 ：歹勢啦！佇這我是足緊張ㄝ！想要佇各位的面頭前賣文章。
乙 ：我看汝是【七月半鴨仔-不知死活】！敢佇咧關老爺面前弄大刀。
甲 ：阿ㄉ~老師有講起，上好是派一、兩个人來這比勇氣，講一寡仔繳稅的
代誌；阮雖然是一个囝仔疕，不二過，嘛是無細二，要共大家講落去。
乙 ：我看汝是可愛又古錐，學問一定是歸大堆，借問咧！繳稅繳稅，是卜
繳啥乜稅？
甲 ：耶~！好問題！阮聊聊仔來共大家講詳細！房屋稅、地價稅、土地增
值稅；汽車機車牌照稅、佚陶娛樂有娛樂稅；營業稅、進口、出口海
關稅；買賣股票交易稅、拖拉庫載貨嘛愛貨物仔稅。
乙 ：哇ㄚ！驚死人！擱有無？
甲 ：有喔！最後一項遺產稅，半冬沒納就勿會通過。
乙 ：俺娘喂！那也赫呢仔濟！千稅萬稅是要繳去做啥貨？
甲 ：免驚免驚，我講乎汝聽，紲落來好康的攏佇遮，講到賺錢就歡喜，ㄚ
若講著繳稅就是福氣啦！
乙 ：哩哩咕咕也一大堆，遐是啥道理？稅金繳了是提去佗位？咱有權利了
解其中的道理啊！e道理。
甲 ：即碼，我就講予汝知影
乙 ：安爾，阮就耳空挖予利~利~利，聽汝講看覓？
甲 ：聽來~！
甲 ：駛車方便高速公路，用行的嘛有打馬膠路；
乙 ：暗時仔路燈光映映，大溪大圳有橋通好行，
甲 ：火車捷運足利便，公園、體育館予咱康健，
乙 ：飛龍機、大船真方便，來去夏威夷共人展，
甲 ：有學校讀冊足幸福，福利保險逐項有，攏是繳稅來庇佑，
乙 ：對啊！對啊！（停頓一下）親像卜吃呣討賺，自私犯法著顧人怨。
甲 ：全國百姓做伙來，檢舉漏稅則實在 。
乙 ：國家有錢就會勇，建設社會大家分享，
甲 ：淡薄仔淺見佇遮講，不是要選舉做總統。
乙 ：愛咱台灣愛咱國，繳稅光榮擱快樂！
甲 ：阿×也！我愈講愈紲嘴，敢會當擱講落去？
乙 ：呣通啦！超過時間是會予人罵呢！咱卡緊來行一個禮，共大家講再會！
甲、乙：祝大家萬事亨通，行路有風！
合 ：多謝！魯力！（落臺 行禮）
(轉去主目錄)
沒有留言:
張貼留言