2011
03091952依賴----極短篇小說: 原作 帥安; 夢生 譯
有一暝，阿德去買一台新的電話機仔，彼工因為毋是歇睏日，店裡無啥人來交關，賣物件的小姐一看著伊行入來，就隨足親切咧共問：「先生，你好，有啥物需要我共你服務的無？」
「嗯，若按呢我建議你買咱台灣製的產品，這馬台灣的電子產品品質攏誠穩定。」小姐那講那ui3玻璃櫥仔裡提一台見本機仔出來，問講：「這台好否？台灣有名的大廠做的。」
彼个小姐一定臆著伊的心肝頭想的代誌，就指機仔頂的『按鈕』解說講：「這是上新的記憶型機種，會用得設定四十个電話號碼，你共捷敲的號碼輸入，後改只要揤一个key就自動敲出去矣，足利便的喔。」
「喔？」
「來，我操作一遍予你看，我這馬共第一號的key設定做邊仔這台電話的號碼。」
伊共電話線接好勢，操作完了後，共話筒提起來佇一號key輕輕仔揤一下，過兩秒鐘了後桌頂的電話就喨(liang)矣。
「你欲操作一下無？真簡單，揤一下號碼key，閣揤設定，了後輸入你的號碼，揤確定就好矣。男士朋友對機械(hai5)較有概念，通常一摸就會矣。」
經過伊按呢鼓舞落去，阿德的心肝頭開始綴咧擽(ngiau)擽，嘛想欲動手操作一下，共話筒提起來按順序共厝裡的號碼輸入，了後敲出去……
一下轉來到地(te9)，就等袂牢，隨共捷用的親情朋友的電話一个仔一个輸入，無到半點鐘就用好勢矣，紲落去，開始敲予幾个仔好朋友，講是咧試機仔，其實是有淡薄仔展寶的意思。
事實上，阿德本身記電話號碼的能力嘛蓋厲害，捷敲的號碼會自動記佇心肝頭。
就佇機仔猶未換進前無偌久，有一擺好朋友文華敲電話來問伊講：「喂(ue9)，阿德，你敢知影老西電話幾番？」
「哇，你真厲害！」
「這也無啥，捷敲的號碼當然會記得啊！」
「彼號……永祥的咧？」
「xxxxxxx」若像咧上搶答節目仝款，阿德uanna隨對喙共標準答案唸出來。
「我毋信(sian3)，啊彼阿仁咧？」文華是存心欲考伊的。
「xxxxxxx」透過電話機仔，伊袂輸得會當看著文華無法度相信的表情。
「你敢袂拄好手提通訊錄的款？」
「……」
新機仔用四個外月，感覺誠好，便若用一遍，阿德就佇心肝頭感謝一遍：「現代的科技真正是予咱足利便，會當講是有好無bai2」。
有一工文華閣來揣伊，三講四講閣問起阿仁的電話，伊提紙筆咧看阿德，彼款眼神敢若是欲逼伊講出啥物秘密仝款。
「阿仁喔，259…enn7—毋著毋著，258…嘛毋著，敢若是……」
文華看伊，面腔煞激出想無的表情。
「我……enn7……」
阿德急矣，規氣電話捎起來，揤7號key，一陣『撥號音』了後電話通矣，是阿仁in某接的電話：「你好，請問欲揣啥人？」
「我是阿德啦，enn7……恁……恁兜的電話幾號？……」欣賞原作品
2011-03-26 07:41:52少年 email給少年 前往少年的日誌
「密密密的『按鈕』」改做「密喌喌的開關」，----------（開關）切仔
「展示機」阮翁咧做電器攏叫做「demo機仔」「建本機仔」「陳列機仔」；----------見本機仔
感謝分享
