2010
08091856拚生命活的仙人掌
彼(hit)抱仙人掌，自第一遍看著就想欲共伊翕(hip)相起來，因為我感覺彼是生命的奇蹟，竟然有法度佇彼款的環境生存落去，嘛毋知in有法度生存偌久。可惜，阮兜的相機早就去予賊仔偷提去矣。一直攏無機會翕(hip)彼抱仙人掌。
這禮拜因為父親節，佮阮妹妹約好佇禮拜六轉去故鄉看阮老爸。
我想阮妹妹應該有看著我寫的文章〈相機〉，所以才會特別送我一台數位相機。雖然伊講是買四五冬矣已經舊矣的陽春型的。對我來講已經是足複雜的。
今仔日，想著提相機試看覓咧，對翕(hip)相攏無概念的我，干焦會曉揤(tshih8)上基本的翕相鈕。
提轉來彼工的暗時，我其實有試看伊的開關佮翕相鈕，結果翕起來的相片是失敗的，物件看起來攏霧sah-sah，看攏無。
今仔日，想著的就是欲共彼抱仙人掌翕起來。所以就閣提相機來試用一下。
第一遍看著彼抱仙人掌，是佇舊年的過年彼跤兜的時間看著的。in就發佇阮的巷仔底唯一的一欉龍眼樹頂，彼欉龍眼是阮隔壁的老阿伯in兜種的。
拄看著in的時，干焦細細欉仔，上蓋長的差不多五公分長爾。逐遍若有行對遐過，我就會特別去共in看覓咧。因為in是自然發佇遐的，看彼个形毋是有人刁工去共in種佇遐的。
in的生長環境特殊是因為in發佇龍眼樹的樹頂，而且彼欉龍眼欉是活的。逐遍行過遐，攏會去共in看一下，是佩服著in的生命力。一般仙人掌是生長佇沙漠地區，本來就是有足強的生命力，毋過，生佇活的龍眼樹欉頂我是第一遍看著的。
逐遍若看著in，猶閣好好活咧，攏會足感動，看in佇遐爾惡質的環境生活，袂輸咧共咱講，欲生存就是愛拍拚，毋管環境好抑bai2，盡咱的力量去活出精彩的生命出來才是咱愛做的工課。是啊！只要活咧，無論偌惡質的環境，著愛認真去過咱的生活。
時間過了足緊，in嘛按呢佇惡質的環境，無人去共in照顧，已經平安活冬半較加去矣。
你看，佇in的欉頭嘛閣有發(puh)出來一欉細欉的出來矣。可惜，我的翕相的技術bai2，想欲單獨翕彼欉細欉的翕了無成功，看起來足霧的。想欲閣翕一張，結果相機煞無電矣，另工，我翕相的技術有法度共伊翕甲足清楚的時陣才閣補起來。
翕過相片了後，想講毋知台語仙人掌按怎講，查一下，名稱無仝款可能代表無仝款的品種。照翻譯佮體型來看，我想其中有一个名叫搭[貼]壁蓮應該就是這款仙人掌。
今仔日(0811)閣去翕彼欉新發出來的細欉仔仙人掌,技術仝款無夠好, 仝款看起來霧霧, 愛閣加練習幾遍仔.
附:查著的台語資料.
台語羅馬字 台語漢羅 中文 英文1 chhì-kiû TJ 刺球仙人掌 WN / 刺球 WN / 金合歡 WN 2 hóe-hāng TJ / hé-hāng TJ 火莧仙人掌 WN 3 hóe-hāng-chhì TJ / hé-hāng-chhì TJ 火莧刺仙人掌 WN 4 kài-hóe-chháu TJ / kài-hé-chháu TJ 戒火草仙人掌 WN 5 sian-jîn-chháu TJ 仙人草仙人掌 WN 6 sian-jîn-chiáng TJ / sian-jîn-chióng TJ 仙人掌仙人掌 WN 7 sian-pa-chiáng TJ / sian-pa-chióng TJ 仙巴掌仙人掌 WN 8 tah-piah-liân TJ 搭壁蓮三角仙人掌 WN |
p.s. 拄才欲送這篇的時, 雄雄驚一趒, 因為附的台語有超連結, 驚去中著888, 佳哉, 平安送起來, 唉, 中過888佮999了後, 這款的驚惶實在驚袂完, 干焦會當會記得後遍文章先平安送起來才閣來插資料佮修改格式, 按呢較免驚888佮999來咧作怪.
看它的刺滿像火龍果的~火龍果.撒種子的好像要4..5年才會結果實..剪枝種比較快
(現在阮兜有種三撮.已結果仔有三年了.今年還沒得吃)
記得小時候~阮的舅公佮姑婆家的石牆上一整片的仙人掌
現在石牆已倒 仙人掌早也不見蹤影了
(很努力的拼湊小時候的記憶..)好像有兩種叫法
1.豬公仔 2.火夯 ...(火夯 或許就是上述的火莧吧)
lau7 su1 li2 ho2!
tsit4 tsiong2 e5 sian1 jin5 tsiag2 gun2 kio3 i1 "huan1 hue1"gua7 kuann1 kah4 "hue2 liong5 ko2"kang5 khuan2,ti7 guan5 ge7 kai3 te5 lai5 tso3 ka3 tsiap4 iong7,kio3 tso3"sann1 kak3 thiau7"
看名就知影刺球是咧講圓形的仙人掌. 囡仔無聽過當然就臆袂著刺球是啥物物件矣.