2010
06082208一秒鐘
208心路篇
彼是大學一年的的代誌。
我大學一年的的時陣，便若有演講場，一定會去聽的。因為我會想「聽君一席話，勝讀十年書。」
有一遍，就是去聽顏元叔的演講。伊講著守時的觀念，伊講學生囡仔攏足gau5遲到的，其實彼是有原因的。
伊講逐个人攏會有貧惰(pin5-tuann7)性，佇咱的生活上，咱攏會認為一秒鐘無算啥，所以袂重視。假使咱今仔日遲到一秒鐘，明仔載就會自然遲到兩秒鐘，按呢，一工一秒鐘，一年累積落來就會變成六分鐘，四年落來就變成將近半點鐘。恁看，大部分的人遲到攏會超過半點鐘就是按呢來的，莫怪外國人會講咱上無時間觀念。
自從聽過彼个演講了後，我的心內就毋敢放鬆，所以，老朋友對我的印象攏是足準時的。只要我約的時間，我一定會到位。我嘛會共朋友講，若是超過一分鐘無看著我的人，按呢就毋免等我矣。一定是我有代誌無法度來，恁若無閒做恁。
做兵的時陣，嘛講一秒鐘足重要的，佇戰場上，一秒鐘就可能會決定你的生存問題，所以愛注意一分一秒攏愛把握。
讀研究所的時，一秒鐘的時間有啥貨？我會講「士別三日當刮目相看」其實是傷過頭久矣。其實，一秒鐘的時間，有可能是一个人頓悟的時陣，佇伊頓悟的時陣，你拄好離開，轉來的時，伊就毋是你捌的彼个人。咱講一念之間就是按呢。所以，我的認知內面，攏是想「士別瞬間著愛刮目相看」矣。
所以，我時常嘛會共人講，你看我今仔日袂曉，無代表我明仔載嘛袂曉。就和我做網頁的超連結仝款，四月三十日進前，我猶袂曉會超連結，四月三十日我耍耍咧就會曉耍網頁的超連結。
所以講，一秒鐘的時間，佇日常生活中無重要，毋閣，有可能是一个人轉變做另外一个人的時陣。
人看會開佮看袂開嘛往往(ing2-ing2)是一秒鐘的時間爾爾，你講，一秒鐘敢無重要？
回應
對啊,但有些人就很沒時間觀念,
下午我去銀行,前面有個女子跟櫃台聊起房地產,
一聊就超過5分鐘以上,也不管後面還有人抽了號碼牌在等呢.
她耽誤大家不只5分鐘,後面的人延遲的時間可更多呢!
講一下較ham3的, 伊已經影響著伊後壁所有的人的未來. 因為伊的耽誤著人的時間, 所有的人的原定計劃可能攏愛改變, 可能順路欲去佗位拜訪一下朋友, 因為這个耽誤, 時間無啥夠, 只好取消這个行程:)