2010
03272218歡喜講台語(6)
210聲韻篇
2 母音介紹
介紹完韻母的結構了後，咱來開始看閣卡詳細的部分。咱的台語韻母就是用母音以及子音韻尾的結合來形成的，就親像頂面二個圖所介紹仝款。按呢的組合就變成下面圖五所顯示仝款，傳統上總共合成四十五個韻母 (入聲並無獨立計算) ，若咱閣考慮著「海口腔」以及「內山腔」的差別，按呢可能會有五十個韻母左右。
咱若對這個韻母圖有興趣，會凍按照發音自然分配情形來發現著真濟真趣味的現象以及問題，佇本文無卜做探討。若有興趣會凍佇課外招同學、老師以及親情 (chin1-ciann5) 五十來討論。
圖五：傳統的四十五個韻母註[1]
韻母和聲母組合了後就產生一個音節，每一個語言攏有伊特殊的音節結構形式 (sound patterns) ，並毋是每一個可能的音節結構攏有意義的存在，無意義的存在的音節結構就形成意外縫 (gap) 的情形。
註[1] 本四十五個韻母是根據梅山沈富進1954年所編的「彙音寶鑑」字典而來的。
沒有留言:
張貼留言