2010
03272139歡喜講台語(4)
13. c-; ts-註[1] /ts/ [ts; t˛] ㄗ
伊所代表的音是齒齦無送氣塞擦音 (khi2-gin5 bo5-sang3-khi3 that4-chat4-im1; alveolar unaspirated affricate)，發的音和注音符號的「ㄗ」類似，是一個清音 (voiceless) 聲母，發音的時，舌尖 (tip of tongue) 囥佇齒齦的位置，聲帶無振動著。佇實際發音中，聲母c-若後面接母音-i 的時，會受著母音的影響顎化 (palatalized) 變成一個齦顎塞擦音 (alveolo-palatal affricate) [t˛] ，發的音和注音符號的「ㄐ」類似，所以有部分的台語拼音系統 (包括注音系統) 為著這個原因，特別另外加做一個聲母出來，in猶有 (iau2-u7) 另外一個理由是「ㄗ」和「ㄐ」的歷史來源是無相仝的。
例字：志、坐、早、助、做、注；者、蕉、酒、在、走、水、罪、紙；鳥；錢、井；正、癢、泉；裝；浸、真、鐘、煎、站、層、粽、總、船；針、從、全
例詞：製作、才子、站節、進前、種子、準節、一欉、一種
14. ch-; tsh- /tsH/ [tsH; t˛H] ㄘ
伊所代表的音是齒齦有送氣塞擦音 (alveolar aspirated affricate)，發的音和注音符號的「ㄘ」類似，是一個清音 (voiceless) 聲母，發音的時，聲帶無振動著。佇實際發音中，聲母ch-若後面接母音-i 的時，會受著母音的影響變成一個齦顎有送氣塞擦音 (alveolo-palatal aspirated affricate) [t˛H] ，發的音和注音符號的「ㄑ」類似，所以有少部分 (比聲母c- 卡少) 的台語拼音系統 (包括注音系統) 為著這個特別另外加做一個聲母出來，in閣有另外一個理由仝款是「ㄘ」和「ㄑ」的歷史來源是無相仝的。
例字：試、脆、柴、醋、錯、厝；車、笑、手、菜、草、嘴、吹、蔡；超；鮮、青、請、象；床；深、親、清、淺、慘、田、蔥、創、春、簽；倡、衝、喘
例詞：炒菜、車手、臭臊、嘴鬚、青菜、青草、凊采、青春
15. s- /s/ [s; ˛] ㄙ
伊所代表的音是齒齦摩擦音 (khi2-gin5 mo5-chat4-im1; alveolar fricative)，發的音和注音符號的「ㄙ」類似，是一個清音 (voiceless) 聲母，發音的時，聲帶無振動著。佇實際發音中，聲母s- 後面若接母音-i 的時，會受著母音的影響變成一個齦顎摩擦音 (alveolo-palatal fricative) [˛] ，發的音和注音符號的「ㄒ」類似，所以有真少部分 (比聲母ch- 閣卡少) 的台語拼音系統 (包括注音系統) 為著這個原因，特別另外加做一個聲母出來。
例字：是、洗、沙、所、鎖、士；寫、燒、收、獅、掃、隨、稅、沙；消；扇、姓、三；聲、箱、荽、山；檨；酸；心、新、誠、仙、杉、山、送、蔘、爽、筍；閃、雙、詳、選
例詞：時辰、事實、小心、受傷、sau1聲、消失、相思、產生、心事、信心、生產、成仙、相信、傷心、失神
16. j- /dz; z; R; g/ [dz; d¸; z; ¸; R; g] 
對國際音標的語音描寫標記，咱馬上就知影聲母j- 是一個發音變化多端又閣複雜的聲母，伊原本所代表的音是齒齦有聲塞擦音 (alveolar voiced affricate)，發的音和注音符號的「ㄗ」類似，注音符號是「」，是一個濁音 (voiced) 聲母，發音的時，聲帶有振動著。佇實際發音中，聲母j- 若後面接母音-i 的時，會受著母音的影響變成一個齦顎有聲塞擦音 (alveolo-palatal voiced affricate) [d¸] ，發的音和注音符號的「ㄐ」類似，所以非常少 (比聲母s- 閣卡少) 的台語拼音系統 (包括注音系統) 為著這個原因，特別另外加做一個聲母出來。
因為受著語言變遷的影響 (自然、人為攏有)，/dz/ 的音已經是得卜消失去a，只有賰祖籍是漳州人的老人才聽會著，泉州籍的人完全變成聲母l-，漳州籍的人大部分變成齒齦有聲摩擦音 (alveolar voiced fricative) /z/，有部分的人變成聲母l-，若是後面接母音 /i/ 的時，就變成聲母g-，這個聲母g-就是「嘉義腔」的一部分。也就是講，現在大部分新一代的少年人，已經無 /z/ 的存在，伊的消失是因為聲母j- 佇實際生活語言中的出現頻率足低註[2]，囡仔無夠充分的語料輸入 (input) 所以就無法度正確學習著聲母j- 來做為語料的輸出 (output)。若是有針對這個聲母j- 的語音做詳細田野調查，一定會發現真濟趣味的情形，有可能仝一口灶的人，祖孫三代，查甫和查某同時有以上所講的變化存在。
例字：字、儒；惹、尿、柔、銳、偌；爪；忍、認、然、肕；染、嚷、絨、軟
例詞：廿二、皺皺皺、仁人
17. h- /h/ [h] ㄏ
伊所代表的音是嚨喉摩擦音 (na5-au5 mo5-chat4-im1; glottal fricative)，發的音和注音符號的「ㄏ」[x]類似，完全和英文字 he /hi/ 的聲母仝款，是一個清音 (voiceless) 聲母，發音的時，聲帶攏無振動著。若是寫成「-h」就代表h是佇韻尾的所在，咱會佇討論入聲的時才閣說明。
例字：戲、蝦、夏、雨、好、富；遐、後、休、海、孝、慧、火、化；曉、懷；耳、嚇、好；兄、香、歡；橫；茅、園；欣、眩、形、現、陷、漢、項、豐、雲；險、鄉、雄、范
例詞：恢復、好玄、香火、歡喜、興奮、獻花、享福、復興
18. 零聲母 /// [/] ○
佇傳統的十五音註[3]有一個「英」字母，一般稱呼零聲母，意思就是伊並無存在，只是將所有母音(vowels)開頭的字攏囥佇「英」字母下面。佇大部分的拼音系統並無特別的符號來代表零聲母，有少部分的拼音系統為著符合傳統講法，有特別用符號來代表零聲母，嘛有拼音系統佇母音 i 和 u 做介音的時改用 y 和 w，i 和 u 若無做介音就加 y 和 w 囥佇母音頭前。咱來試念這句：「伊的鞋仔有畫蚵仔、芋仔或烏鴉？」 (i1-e5-e5-a2 u7-ue7-o5-a2 oo7-a2 ah8-oo1-a1) 因為這句話攏是零聲母開頭的字，為著卜予每一個字念清楚，就會佇每二字中央插入一個喉塞音 (glottal stop)，就是國際音標所表示的///音位。
例字：意、鞋、阿、湖、蚵、有；夜、腰、油、愛、喉、威、話、倚；要、歪；圓、嬰、餡；影、羊、襁 ( ainn7 )；暗、安、紅、王、運；鹽、陽、勇、灣、嚾
例詞：椅仔、鞋仔、阿姨、鴨仔、烏暗、芋仔、蚵仔、有影、活用、羊仔、鴛鴦
註[1] 這個聲母的拼法ts-是TLPA系統，而教育部則接受TLPA系統並且小可仔修改這個聲母的拼法，為著拼音系統性的一致，教育部公告ts-拼成c-；tsh-拼成ch-。
註[2] 若有興趣來計算，只要用本文的所有原來口語會凍發做聲母j- 的字來做簡單的計算就會凍明白頻率大約是外(包括這字，伊原來嘛是聲母j-的字)濟。這個註解應該是聲母j-出現頻率上濟的所在。攏總有六字是聲母j- 的字 (拼音無計算)。
註[3] 十五音是十五個聲母的意思，就是「柳 邊 求 去 地；頗 他 曾 入 時；英 門 語 出 喜」等十五個字的聲母。分別代表l-/n-, p-, k-, kh-, t-； ph-, th-, c-, j-, s-； -, b-/m-, g-/ng, ch-, h-。
沒有留言:
張貼留言