2010
11071623馬尼拉日記20100929~20101004----作者Bing5 Kui3
20100929
10.04著[就]欲轉去台灣矣，欲來菲律賓進前旅行社e[的]林先生講，欲轉來台灣進前三五工拍[敲]電話去「菲律賓航空」check看有位無？！但是林先生予阮e[的]「電子機票」是寫09.22著[就]欲轉去台灣，我著[就]有問伊講阮毋是彼咧[个]時陣欲轉來台灣，按呢感[敢]需要先換好機票[毋免先共機票換好]？林先生講：「到時候要回來再作[做]更正就好。」所以時間也差不多tshun[賰]規[幾]工仔，阮著[就]去thsue[揣]秋月小姐，伊知影阮e[的]來意著[就]介紹[紹介]阮去tshue[揣] Irene，伊是校長e[的]秘書，所以伊需要惦惦[定定]來處理校長出國e[的]事志[代誌]，問伊絕對無問題e[的]！
Irene著先了解阮是啥物時陣欲轉去，將一寡仔證件先予伊看，伊著[就]拍[敲]電話去機場check。但是我所煩惱e[的]事志[代誌]來矣，真正因為「電子機票」欲轉去台灣e[的]時間無仝，菲航e[的]服務人員講電子機票e[的]時間著[就]是阮欲坐飛龍機e[的]時間，既然lin[恁]無坐著，即嘛[這馬]欲坐著需要擱[闊]買機票！！！若[哪]會按呢？按呢阮欲按怎轉去台灣？
我馬上拍[敲]電話轉去台灣tshue[揣]林先生問伊即[這]件事志[代誌]，伊仝款堅持講遮[這]是無問題e[的]，所以我請伊馬上幫阮聯絡菲航，覓[莫]到時陣阮已經納錢矣煞無機票通轉來台灣！按呢我真正會ping[反]桌！
林先生講予伊一點仔時間來處理即[這]件事志[代誌]，阮仝款會當照原本e[的]時間轉去台灣。但是擱[閣]卡著一e[个]問題，因為欲坐校車去機場是拜一透早五點e[的]事志[代誌]，所以需要事[代]先先ka[共] Ruben講，伊才會當先安排車頭予阮，所以阮真需要緊咧確定到底是啥物時間轉去台灣，若無後壁e[的]事志[代誌]仝款無法度作[做]。
另外擱[閣]有阿蓮老師進前有推薦買拌手禮e[的]物件，所以嘛有先拍[敲]電話問看覓價數，但是無法度實際看著物件著愛訂規[幾]十包實在真袂放心，阿蓮老師著[就]講：「若無等咧五點下班e[的]時lin[恁]綴黃老師坐校車轉去in[
阮拍[敲]電話予林先生ka[共]伊講希望伊會當佇五點進前予阮確定e[的]答案，因為軟[阮]嘛需要通知Ruben。結果佇坐校車e[的]時，差不多下晡六點矣林先生總算拍[敲]電話來矣，伊講完全確定照原本e[的]計畫轉去台灣著[就]ok啊[矣]，但是一e[个]人需要擱[閣]加700箍e[的]台票。煞煞去啦~安全轉去台灣較重要，加700箍著[就]當作買保險好矣啦！按呢嘛會當較緊繼續處理事志[代誌]，所以緊咧拍[敲]電話予Ruben確認彼工e[的]時間，請伊安排車頭來載阮。
佇車裡解決一件事志[代誌]實在真歡喜，校車將[共]每一位先生載轉去in[
總算買完伴手禮矣，嘛無閒規工仔[矣]，阮繼續綴校車欲轉來學校矣。佇咧路裡仝款塞車是正常e[的]，佇咧等青紅燈e[的]時陣，邊仔拄好有一間咧賣「烤雞」，阮考慮三秒暸[了]後馬上請車頭等阮兩分鐘，我連鞭tsong[傱]出去買....但是車頭竟然講，伊欲tshua[
車頭另外踅路到一e[个]三角窗e[的]店停落來，阮看著規隻雞咧烘，彼種烘起來e[的]色，實在予人擋袂牢，阮著[就]買一隻220 peso[piso] e[的]烤雞，請頭家幫阮剁予好，嘛真道[多]謝車頭對阮即呢[遮爾]好，予阮有一頓即呢[遮爾]澎湃[豐沛]e[的]暗頓。
20100930
佇教師節彼工頭一改看著菲華校長，kap[佮]伊約早起九點見面，雖然是校長嘛是台灣人，但是阮嘛無法度確定校長是毋是會插阮？！一入去校長e[的]辦公室，看著校長足無閒e[的]，需要處理真濟事志[代誌]，佇校長咧kap[佮]其他e[的]人講話，伊e[的] Tagalog、英語、福建話攏足好e[的]，更加無需要講是華語矣！咧kap[佮]校長講話e[的]時，感覺校長是一e[个]直話直講e[的]人，做事志[代誌]無需要轉彎踅角按呢才會當緊咧處理真濟事志[代誌]，伊講阮來tshue[揣]伊伊會盡全力來湊[鬥]相共安排去南管社e[的]事志[代誌]，去遐有啥物問題著直接問，因為若是攏會曉著[就]無需要來tshue[揣]伊矣，所以直接表達家己e[的]想法著[就]好。
校長是台南女中畢業e[的]，舊厝佇台南縣學甲，伊e[的]阿嬤[媽]以前著[就]有參加南管社，甘若[敢若]伊自細漢綴咧阿嬤[媽]e[的]身軀邊學南管，校長講：「拼命擦地板，也才五角，但唱一首南管就賺5角了，我當然是學南管輕鬆啊！」對伊來講學南管是一件真趣味擱[閣]會使趁零星錢e[的]事志[代誌]。
另外佇辦公室內底擱[閣]有看著囥規遍e[的]教科書，有漢語拼音e[的]版本嘛有ㄅㄆㄇe[的]版本，校長講即嘛[這馬]中國攏送交教科書予華校，擱[閣]免錢，華校若是省經費通常會選擇漢語拼音e[的]版本來教囡仔，ㄅㄆㄇ較濟攏是較老一輩e[的]人咧學e[的]，即嘛[這馬]e[的]學生大部分攏學漢語拼音矣。其實聽著遮e[的]事志[代誌]，真艱苦嘛真歡喜。艱苦e[的]是，台灣華語e[的]市場早慢會予中國提去，而且聯合國唯一承認漢字e[的]拼音標準著[就]是漢語拼音，著[就]算講即[這]套拼音予人嫌kap[佮]無一塊好，但是伊著[就]是有國家e[的]效力，台灣欲按怎拼[拚]出一條生路，是未來一定會拄著e[的]問題；歡喜e[的]是，全世界甘若[干焦]tshun[賰]台灣擱[閣]咧用ㄅㄆㄇ拼音系統，早著[就]無合用矣，是真正需要改矣！台灣本國e[的]學生著[就]學kah[甲]「2266」矣，擱[閣]較覓[莫]講海外e[的]學生。
差不多開講兩點鐘，校長講伊欲去Makati開明年「百年國慶」e[的]委員會，in[
校長ka[共]阮放佇V.Mapa Station，需要換車才會當到Carriedo station。Carriedo station是China town上近e[的] LRT，而且進前有去Carriedo station 附近踅街拄著落雨，所以想講今仔日擱[閣]去一遍踅較斟酌e[咧]。
   |     |
阮需要先坐到Recto Station才換車，但是發現Carriedo甘若[敢若]著[就]佇咧附近，若是用行e[的]，差不多十分鐘著[就]到矣，而且嘛會當看無仝款e[的]物件。一開始落LRT e[的]時，擱[閣]真歡喜，但是過無半點鐘著[就]開始烏陰天矣，佇馬尼拉足厲害e[的]是，若開始烏陰天千萬毋通認為講等咧才會落雨......作[做]生理e[的]人只要看著烏陰，著開始收物件、搭布蓬，因為連鞭過無規[幾]分鐘，著[就]會親像風颱雨矣！也因為按呢，阮仝款無法度踅街，只好先去KFC食中晝頓歇一咧[下]。
坐佇2樓看外口e[的]風景才感覺真意外，才拄落語[雨]無半點鐘，街仔路已經積水到跤目矣，而且水有夠烏，照理講逐工攏落雨，逐工攏用遮e[的]雨來洗環境，但是為啥物竟然會即呢[遮爾]烏？！
  |  |
一直落雨，馬尼拉逐工攏咧落雨，佇菲律賓甘若[干焦]有兩季：熱天(夏季)、落雨天(雨季)。阮著是[就是落雨天](雨季)e[的]時陣來拜訪馬尼拉e[的]，完全會當體會啥物叫做落雨天。若是因為落雨著[就]無法度出去外口，若按呢阮來馬尼拉著[就]攏毋免出去矣。所以阮決定食飽了後仝款出去行行e[咧]，來看覓上接近菲律賓來[ ]上實際生活e[的]環境。
出來了後有看著當咧作[做]禮拜e[的]教堂，有真濟人想講去逗[鬥]鬧熱。一入去有看著真濟人e[咧]祈禱，有一位神父甘若[敢若]準備欲飼遮e[的]信徒一塊細塊餅，逐家攏真照規矩來排隊，等候神父來飼。我感覺真特別，著將[就共]教堂內底e[的]神像、禮拜e[的]情境翕落來，結果翕無兩張，著[就]有神教人員用Tagalog來講話矣，雖然我聽無伊咧講啥，但是意思著[就]是叫阮袂使翕，將[共]相機收起來。阮感覺真好奇，為啥物袂使翕？亦[抑]是因為遮是神e[的]所在，袂使對神無禮貌。阿災[知]？！
既然無法度翕而且嘛已經結束矣，阮著[就]來較外圍e[的]所在bih[覕]雨，看著擱[閣]較想袂到e[的]物件：竟然有一堆囝[囡]仔佇外口脫光光咧「滑壘」？！因為是教堂，自然外口e[的]磚仔會用較好，較平，竟然變成囝[囡]仔耍e[的]所在！頭拄仔才講雖然遮逐工落雨，但是佇塗跤e[的]積水攏足烏e[的]，遮e[的]囝[囡]仔竟然擱[閣]佇塗跤耍？遮e[的]囝[囡]仔e[的]阿爸阿母佇陀[佗]位？即嘛[這馬]e[的]台灣社會無啥可能有即[這]款情形發生，隨在囝[囡]仔佇外口耍水攏無咧管，來來去去e[的]人看咧嘛真懷疑，但是無人阻擋。
阮看著遮e[的]情境一直攏無法度想像，遮e[的]囝[囡]仔是按怎大漢e[的]？佇路邊有看著人咧賣「燒番麥」，阿桂買一枝20 peso[piso]來試食看覓口味如何[按怎]。因為真大支[枝]，所以差不多先歇一咧[下]等咧繼續食，雄雄有一e[个]查某囝[囡]仔講@#$%&*，無兩秒阿桂手裡e[的番麥]著[就]變成佇咧伊e[的]手矣！！！阮完全亦[猶]袂反應過來，彼咧[个]查某囝[囡]仔已經開始咧食完全屬於阿桂e[的]「燒番麥」。= = 真明顯e[的]，我想遮e[的]囝[囡]仔大部分攏是按呢大漢e[的]。
阮杳杳[沓沓]仔行去文總，也咧討論佇頭一改去菲華中學e[的]彼工，阮後來有去PURE GOLD買物件，我拄好咧啉水，tshun[賰]無兩喙e[的]額，雄雄有一e[个]查甫囡仔走過來比我手裡e[的]即[這]罐水，我想講台灣有咧回收罐仔，按呢我將[共]水啉啉e[咧]才予伊罐仔去回收！結果...彼咧[个]查甫囡仔提過手e[的]時，竟然是用彼種欲哭e[的]眼神看我？！經過阿桂e[的]「燒番麥事件」，我才了解，原來伊欲愛e[的]是水毋是罐仔。台灣食e[會]飽，另外做回收來趁錢，但是遮是基本攏無法度食飽矣，若[哪]有心情去顧回收？！遮[這]著[就]是台灣kap[佮]菲律賓e[的]差別。
時間總算來到暗時六點矣，來到文總著先去tshue[揣]莊榮華理事長開講，後來周台鶯老師看著阮著[就]提一張「入場券」予阮，免納錢欲請阮e[的]。總共辦八桌，非常澎湃[豐沛]擱[閣]真好食，尤其海產上合我e[的]味，蟳仔！！但是進前為[對]Borakay轉來買兩公斤e[的]蟳仔，我已經心滿意足矣！
今仔日上蓋重要e[的]著[就]是阮欲來參加「跋中秋」。佇中國閩南地區、金門、菲律賓攏有「跋中秋」即咧[這个]風俗，為啥物台灣是一e[个]超過70%以上河洛人e[的]社會竟然無「跋中秋」？！連聽攏毋捌聽過，聽過e[的]人著[就]毋是台灣人矣！
「跋中秋」用六粒十八豆[骰]仔，以紅字四點為大，lu[愈]濟粒是紅字四點e[的]著[就]lu[愈]大 。總共分七桌，我kap[佮]阿桂無仝桌按呢才毋免相搶作狀元，一秀20 peso[piso]、二舉 50peso[piso].....全彩 1000peso[piso]。結果阿桂彼桌真緊著[就]有狀元矣，阮即[這]桌跋到最後一桌出現壯[狀]元e[的]，我感覺我手氣真無好，毋是無點若無著[就]是有點但是彼e[个]層次e[的]紅包領完矣！！結果，我耍一暗竟然甘若[干焦]有兩包，而且攏是一秀 20 peso[piso]！阿桂竟然竟然[ ]有660 peso[piso]！！傷ham[譀]啦，若[哪]會差即[遮]濟啦！著[就]按呢，我咧鬱卒，阿桂咧歡喜e[ ]過一e[个]暗眠，嘛予阮完全了解啥物是「跋中秋」矣！
左上：入場券。右上：各階層的骰子示意表。
左下：一桌全部e[的]紅包。右下：阿桂贏的錢和紅包數。
20101001
今仔日睏到欲ua[倚]晝，仝款去「學生餐廳」食中晝，歇睏一咧[下]。因為三點半菲華校長會派校車來載阮，欲作[做]伙去「國風郎君社」，校長講以前伊嘛佇咧遮[遐]唱過，但是後來入來教育界傷無閒矣，所以已經有十規[幾]年無聯絡矣，但是in[
原來「國風郎君社」嘛是佇China town內底，較接近「陳延奎圖書館」，佇細條巷仔裡。一入去，內底e[的]人著[就]攏走出來參校長拍招呼[相借問]，真明顯e[的]交情真好，雖然足久足久無見面矣，但是著[就]是老朋友e[的]親切。
阮感覺真特別，因為遮[這]是阮頭一改入來「南管」e[的]所在，一切攏感覺真趣味。尤其是in[
因為校長有先ka[共]郎君社講軟[阮]會來聽in[
曲譜(tshuinn35 phoo51)e[的]歌詞邊仔擱[閣]有一寡仔符號，是予無仝樂器來看e[的]，但是阮對歌詞e[的]念法真有興趣，所以咧演唱e[的]時陣，後來有真大e[个]一e[个]部分攏咧錄演唱者e[的]喙形，按呢了後我嘛會使看影片來記音。雖然南管e[的]音毋管到陀[佗]位攏仝款，因為遮[這]已經是「標準化」e[的]結果，但是對阮認捌泉州音是有真大e[的]幫助。
另外予阮感覺歡喜e[的]是，校長可能看著in[
陳社長對人真好，嘛留阮落來食暗頓。阮發現連南管社內底嘛有專門煮食e[的]菲人，差不多有三、四e[的]人，到底是in[
佇南管社內底看著真濟牌匾，其中有一e[个]我感覺真好！因為，遮完全會當表達出南管佇泉州e[的]地位：『鄉音凝古韻』。
右下：前排右五為菲華校長李淑慧，右六為陳社長。
差不多九點離開南管社，感覺真毋甘。阮是頭一改入來南管社，內底e[的]人士即呢[遮爾]熱情，阮嘛學著真濟，但是對「國風郎君社」甘若[干焦]有一工e[的]緣分著[就]欲離開矣，後一改擱[閣]來是啥物時陣？另外，阮嘛有ka[共]校長講了後轉去台灣阮會將[共]今仔日錄e[的]檔案、相片攏燒CD片，寄轉去校長台南e[的]厝，請伊轉送予郎君社e[的]人，來表達阮e[的]心意。
校長講先去Manila Hotel接學校e[的]老師，因為今仔日是中國國慶，所以in[
20101002
佇菲律賓e[的]最後規[幾]工攏開始破紀錄，昨昏轉來到厝已經過12點矣！實在有thiam[忝]著！睏到十點寡[外]才起床。進前因為飛龍[行]機票e[的]問題，kap[佮] Irene有較濟接觸，雖然較袂曉講福建話，但是擱[閣]有法度開講，約講今仔日中晝in[
佇「歡送會」內底有副院長(卓麗美先生)[左二]，也著[就]是逐禮拜作[做]福建話翻譯e[的]先生；國中部主任(楊振炎先生)[右一]，國小部主任(施淑美先生)[右二]，國小部副主任(陳美蓮先生)[左一]，kap[佮]楊婷婷先生、其他幼稚園部e[的]先生。一開始先送阮大大袋e[的]禮物，今年拄好是學校60周年校慶，所以有真濟紀念性e[的]物件。
禮貌性e[的]儀式了後，阿蓮老師欲去「校聯」開會，所以無法度作[做]伙食飯，伊講今仔日SM大俗價第二工，等咧作伙佇SM集合！其他e[的]老師著[就]作[做]伙食便當，佇開始食e[的]進前，阮有真濟話想欲對學校所有e[的]人講，我講：「來遮40工，予我袂想厝，因為遮實在太溫暖矣，kap[佮]厝仝款e[的]溫暖。」阿桂講：「來遮上深e[的]感覺著[就]是對基督教e[的]認捌，而且嘛非常感謝逐家對阮親像親人e[的]照顧。」阮兩e[个]講真濟，但是嘛無法度完全表達阮對學校所有一切e[的]感謝。
   左一：校門口一進去的大樓，前面停的都是校車。 左二：上課大樓之間都有綠色草皮。 左三：學生餐廳。 |     右一：行政辦公室。 右二：上課大樓的走道及垃圾桶。 右三：體育場。 |
食飽了後，Irene嘛等一點仔時間仔[矣]，但是因為拄食飽所以Irene著[就]tshua[
來到Razon’s 食halo-halo擱[閣]是頭一改，進前有食過兩遍，一便[遍]佇1936年著[就]營業e[的] The aristocrat restaurant；第二間是Chowking(超群)，Halo-halo較親像台灣e[的]剉冰，有差不多e[的]形式但是料無一定仝款。佇遐嘛kap[佮] Irene開講，順紲問伊一點仔詞彙，但是福建話毋是真好所以甘若[干焦]會當作參考爾。
除了Halo-halo以外擱[閣]有食一種「點心」，外口看起來親像「薯餅」e[的]款，但是內底竟然是包「奶油冰淇淋」，食起來脆脆冰冰連鞭著iunn[溶]佇嘴[喙]裡，配Halo-halo實在真合味。
   |   |
食完了後Irene順紲載阮去SM，佇路e[會]塞車，但是阮其實感覺真輕鬆，因為阮毋免對即咧[這个]所在有啥物責任，將[共]彼種壓[硩]佇咧身軀頂e[的]壓力攏放[囥]佇台灣，佇遮著[就]好好矣[仔]看風景，作[做]家己。嘛因為按呢，雖然「塞車，馬尼拉常有的事」，但是阮並無感覺真煩，真受氣，因為佇即咧[這个]時陣，阮只是一e[个]毋免揹任何負擔e[的]旅行者。
來到SM，其實阮並無想欲踅，因為佇40工內底阮已經毋知踅規[幾]遍類似e[的] Mall矣！攏差不多，大間人擱[閣]濟，但是物件攏差不多，並無真大e[的]興趣，即嘛[這馬]來只是為著欲等阿蓮老師，但是手機仔欲無錢矣，無法度一直拍[敲]電話，而且若是將[共]阿蓮老師囥佇Mall內底，你一定tshue[揣]無伊，因為伊著[就]會開始踅了袂記哩[得]伊kap[佮]阮有約，著[就]按呢bu[舞]規晡，電話嘛無錢矣，阮只好請服務中心廣播，但是仝款無下落，用公用電話拍[敲]予老師，老師e[的]手機仔嘛拍[敲]袂通，最後阮放棄矣！轉去學校好矣，一直等無感覺真煩，而且人擱[閣]足濟e[的]，等計程車e[的]人排超過30人，阮若是憨憨[戇戇]佇遐等車等到頭毛喙鬚白擱[閣]亦[猶]袂轉去到厝。所以阮決定先坐side car出去中華崇仁病院，才為[對]大條路等計程車坐轉去學校，雖然較麻煩但是毋免佇SM內底看即[遮]濟人，按怎算攏較輕鬆。
坐轉來學校e[的]時，心內仝款掛念阿蓮老師毋知有咧tshue[揣]阮無！？想講轉來先煮飯食食e[咧]較晚[暗]才行去in[
總算佇11點寡[外]阿蓮老師拍[敲]電話來矣，伊講即嘛[這馬]才到厝，佇SM拄著in[
20101003
最後一e[个]禮拜日矣，也是最後一e[个]完整惦[踮]佇菲律賓e[的] 24點鐘矣！早起，仝款七點半起床，八點去「查經班」上到九點，九點半進前愛入去禮堂準備禮拜，所有e[的]事志[代誌]攏kap[佮]阮猶袂來菲律賓，亦[抑]是來菲律賓五禮拜矣，甚至已經欲離開矣，遮所有e[的]事志[代誌]攏仝款，所有e[的]程序嘛無改變，只有阮e[的]心情咧毋甘！佇禮堂內底，逐拜[擺]欲結束e[的]時，攏有穿白衫e[的]人會為[對]頭前杳杳[沓沓]仔行，手裡提一e[个]物件會當予人「信心捐獻」e[的]袋仔，今仔日阮捐200 peso[piso]！錢無濟，但是代表阮深深e[的]心意。佇遮住[蹛]40工，無[毋]免住[蹛]e錢擱[閣]有中晝頓當[通]食，出門有校車擱[閣]有學校資源會當運用，學校e[的]人毋管是警衛仔、工程師、職員甚至是阿蓮老師、楊主任、校長、校長娘，全部攏對阮足好足好e[的]！好kah[甲]阮毋知影欲按怎來回報in[
最後一工仔[矣]，逐家通常攏會想欲出去僅[緊]去看看e[咧]，緊去想欲去e[的]所在，但是我煞無仝款，我甘若[干焦]想欲惦[踮]佇房間，惦惦[恬恬]仔惦[踮]佇房間著[就]好。我無想欲去陀[佗]，甘若[干焦]想欲佇房間歇睏，最後e[的]中晝頓、暗頓攏家己煮，安靜e[的]度過最後一眠。
佇房間會當作[做]真濟事志[代誌]，譬如講「拼[摒]掃！」阮按呢住[蹛]40工矣，桌仔椅仔進前攏有suah[徙]過，擱[閣]有眠床嘛是。重點是便所、客廳、灶跤攏愛整理，若無in[
囥擱[閣]較濟張相片嘛無法度全部表達出阮佇彼咧[个]房間所有e[的]記憶。我甘若[干焦]會當用一點一點e[的]片段將[共]阮心內美麗e[的]記憶，湊合[鬥鬥]起來希望會當較完整咧。佇九月底e[的]時陣，房間擱[閣]親像戰爭e[的]時，我著[就]將[共]房間一角一角翕起來，阿桂問講：「即呢[遮爾]亂，翕起來無好看啦！」我講：「遮[這]才有親像『人』住[蹛]過e[的]矣，有亂才敢大聲！」今仔日阮將[共]房間所有e[的]一切攏恢復到當初拄入來房間e[的]款，擱[閣]再翕相......雖然整齊但是心內真毋甘，因為整齊著[就]代表阮欲離開矣！
另外，進前請莊先生幫阮印《彙音妙悟》、《暢所欲言》擱[閣]有其他e[的]冊，原本去參加「跋中秋」e[的]時會拄著伊，但是後來莊先生有事志[代誌]所以嘛無法度佇彼工提著冊，便[變]做佇最後一工莊先生才請人送來學校予阮。上奇怪e[的]是，阮tshun[賰]最後規[幾]工仔手機仔無錢無法度拍[敲]電話矣，阮ka[共]莊先生講即[這]件事志[代誌]，莊先生竟然會當為[對]伊e[的]手機仔囥100 peso[piso]佇阮e[的]手機仔裡，阮e[的]手機仔竟然著[就]按呢會始拍[敲]電話矣！！若[哪]即[遮]奇怪？！著[就]算講佇台灣用「易付卡」，嘛無法度為別人e[的]手機仔囥100箍佇我e[的]手機仔矣[啊]！無論如何，因為熟識文總會e[的]莊榮華理事長才會當熟識莊先生，嘛才會當熟識菲華學校e[的]校長，而且擱[閣]非常熱心e[的]湊[鬥]相共，遮[這]應該是除了靈惠學院以外，阮上蓋感謝e[的]人矣！
行李款款e[咧]，tsinn tsinn e[櫼櫼咧]，物件攏整理好矣，準備欲睏矣..只是睏袂去，因為擱[閣]精神著欲[就愛]離開矣...毋甘睏。
20101004
欲睏e[的]時攏一直毋敢睏，驚會睏過頭，但是lu[愈]按呢想著[就]lu[愈]有可能會睏過頭，因為擋kah[甲]擋袂牢e[的]時陣已經tshun[賰]無若[偌]濟時間通睏矣！
飛龍[行]機e[的]時的[ ]間是七點四十分，為[對]學校駛車去機場差不多愛一點鐘，所以車頭是四點半至五點e[的]時會來學校載阮。阮心內想講四點半著愛準備予好，行李即呢[遮爾]濟一件一件拖落去樓跤嘛愛一段時間，所以決定四點起床.......但是，天不從人願，lu[愈]驚睏過頭著[就]真正會睏過頭，阮四點五十分e[的]時陣雄雄剉[掣]起來！！即嘛[這馬]是規[幾]點？？？連洗喙洗面攏無，阿桂換衫了後連鞭tsong[傱]落去樓跤看車頭來矣無？我緊咧拖遮e[的]行李離開房間，雄雄狂狂連來菲律賓頭一工著[就]歹e[歹去的]吹風機kap[佮]音響攏袂記哩[得]提出來，著[就]緊咧走若飛e[咧]行出來。
但是行李實在傷濟，我一e[个]人根本無法度提，雄雄聽著有人咧peh[
坐起立[去]車頂e[的]時，天擱[閣]是烏e[的]，學校e[的]警衛仔kap[佮]平常仝款攏會拍招呼[共阮相借問]：「Good morning. Mom~」但是，阮已經欲離開矣。42工e[的]「菲律賓之行」，即呢[遮爾]緊著[就]行到最後一工矣。佇車頂，我kap[佮]阿桂攏無講話，嘛無愛睏，攏咧想即[這]42工e[的]一切，阮今仔日離開，啥物時陣擱[閣]會轉來？轉來e[的]時陣，擱[閣]是啥物身分[份]？所有一切敢擱[閣]會仝款？學校予阮e[的]幫忙，是比阮想像[ ]e[的]濟規仔[幾若]倍，阮是欲按怎報答in[
到機場了後，頭一項事志[代誌]著[就]是行李愛check in，阮按呢大包細包，服務人員看著連鞭「專工」來服務量阮e[的]行李有若[偌]重。大箱e[的]，兩箱攏28公斤；細箱e[的]，兩箱攏10公斤；揹e[的]加起來差不多15公斤，後來我叫阿桂揹上重e[的]彼包走[行]較遠e[咧]，我來處理check in著[就]好，結果已經按呢矣喔，擱[閣]超重36公斤！一公斤愛罰270 peso[piso]，阮總共愛予人罰9786 peso[piso]！！啥物~遮[這]根本是天大地大e[的]數字，已經有夠擱[閣]予阮去一擺Borakay矣！！若[哪]有可能有即呢[遮爾]濟錢予伊罰啦！阮進前咧想可能會罰錢，所以阮留4000 peso[piso]準備來罰，但是9786 peso[piso]傷離譜啦，阮無可能負擔e[會]起！
服務人員講若無著[就]tan[擲]掉一寡仔物件，亦[抑]是有其他e[的]朋友會當湊[鬥]相共，但是著[就]算講tan[擲]物件，嘛是擱[閣]有30規[幾]公斤矣！時間一分一秒過，時間lu[愈]來lu[愈]逼，後來出現一位會曉講華語e[的]服務小姐，我著[就]將阮e[的]困難講予伊聽，伊講：「我讓你們每人上限從20公斤調至25公斤，豋[登]機箱7公斤調至8公斤，這樣好嗎？」按呢無形中阮擱[閣]會使有12公斤，擱[閣]加上原本欲tan[擲]掉e[的]物件，內底有一寡仔是餅、糖仔，我著[就]緊咧包包款款e[的]提予服務人員，ka[共] in[
總算通過check in即[這]關，時間已經是欲七點矣，趕緊將[共]其他e[的]行程走走e[咧]，擱[閣]有機場稅750 peso[piso]，足貴e[的]！一直到提著機票到準備登機e[的]所在，坐佇外口無三分鐘著[就]開放登機矣，阮嘛雄雄狂狂緊咧入去，遮[這]一切攏來了太逼矣！時間完全拄仔好，嘛總算是安全坐起立[去]飛龍[行]機矣。
佇咧飛龍[行]機頂懸，仝款e[的]攏是「空姐」佇hia[遐]咧無閒，但是阮e[的]心情煞是真沉重，會記哩[得]欲來菲律賓e[的]彼工入來飛龍[行]機內底all English no Chinese，到即嘛[這馬]軟[阮]攏已經真慣習All English e[的]環境矣，擱[閣]有一開始食in[
兩點鐘，佇即tsua[這逝] e[的]路程若[哪]會即[遮]緊著[就]到台灣e[的]機場矣？看著e[的]攏是熟識e[的]環境、田園、路燈，有一種轉來到厝e[的]感覺，只是阮e[的]心擱[閣]猶原佇菲律賓，可能需要一點仔時間才會當適應。提著大大細細e[的]行李，阿桂將[共]時間翕落來，「09：52」亦[也]著[就]是即[這]段旅行結束e[的]時間。即嘛[這馬]看起來是一e[个]結束，但是其實在[佇]阮e[的]心內是另外一e[个]人生e[的]開始~「Bye bye~馬尼拉！」
(轉去記遊轉載目錄)(轉去主目錄)
2010-11-08 06:53:32VTL 前往VTL的日誌
