2010
10091821馬尼拉日記20100830~0904-----作者Bing5 Kui3
20100830 [第八工]
今仔日是菲律賓一個[个]誠重要的日子，是全國攏攏[攏總]放假的國家英雄節。學校、生理場所、甚至是上網所愛用著的ADSL的電話嘛綴咧放假！遮[這]佮台灣是誠無仝的所在，佇台灣就算是禮拜抑是其他放假的日子，嘛無一定就會使歇睏，有當時仔擱[閣]愛加班。新聞講明年可能會使放115工的假，真濟人攏感覺誠好，因為台灣人傷悿[忝]囉！需要濟[擠(tsik)]一寡仔歇睏的時間，毋擱[過]對頭家來講，可能就愛頭殼mooh4[
中晝煮飯煞，就共校長送阮的番薯提出來煮，準備試看用沕[(bit8)]糖的方式來煮，糖水煮滾了後，共番煮[薯]丟[擲]落去用小[細]葩火落滾，杳杳[沓沓]仔沕。差不多一點鐘後，番薯外口幔一層金滑的糖衫，配上番薯的金色，看起來金爍仔金爍，誠好食款。用叉[攕(tshiam2)]仔試食一塊，有影是甜甜擱[閣]QQ[
下晡時仔，阮去學校附近行行咧，想欲看有啥覓[物]物件--無，結果：規的[个]街仔袂輸是放空城，除了幾的警衛以外，攏無人開店，嘛無人佇外口行踏、賴賴趖，按呢連續兩工落來，予阮體會著「禮拜」佮「放假」的日子佇遮是誠重要的，學校邊的一般店面攏無開，嘛可能是因為放假無學生囡仔，等於是無生意[理]好做，不如關電[店]綴咧歇睏囉！轉來學校的時，校長佮校長夫人嘛拄好轉來，阮佇校門入去就看著的魚池仔相拄，校長夫人準備欲飼魚仔，嘛予阮一寡仔飼料，鬥陣飼魚仔，看魚仔佇水底泅來泅去，敢若攏無煩惱的款，真正是使[予]人欣羨，毋擱[閣]，無定著魚仔嘛有魚仔的煩惱，只是佮咱的煩惱無仝款。
欲煮暗頓前，共冰佇冰箱的「番薯糖」提出來食，一食落喙是冰冰涼涼的好滋味，規的[个]透心涼，毋管是冰的抑是燒的，攏有無仝的滋味，決定擱[閣]共另外一條番薯嘛共沕沕咧，冰予涼涼明仔載會使佮其他的老師分享。
20100831 [第九工]
今仔日早起阮提昨昏作[做]好e[的]蕃[番]薯糖予辦公室內底e[的]老師食，雖然干若一盤無蓋大e[的]四秀仔，予這規[幾]工有湊相共e[的]人食，嘛有提予校長kap[佮]校長夫人來表達阮e[的]心意。佇即咧[這个]時陣阿桂將伊e[的]電腦提予工程師看，因為電腦無法度出聲著[就]無法度聽音樂，所以想欲請工程師修理一咧[下]，結果予伊摸一咧[下]嘛毋知為啥物電腦著[就]為[對]啞狗[口]變作[做]有聲e[的]機器矣，所以阿桂真歡喜會當佇房間聽歌囉！
下晡阮去「計順菲華中學」，因為莊先生伊講伊會將[共]冊囥佇學校e[的]商會內底，有一位Grenda小姐會提予阮看，但是一開始阮到e[的]時陣拄好伊無佇咧，所以著[就]看一咧[下]仔學校e[的]環境，空間較細，學生應該嘛較少，學費應該嘛較俗，因為阮知影「靈惠」是貴族學校，一年e[的]學費愛七、八萬piso[約台票五,六萬箍]，對遮e[的]來講是一筆真大e[的]數目，環境嘛較好，真正是有比較才知影學校e[的]好。但是遮[這]毋是重點，畢竟毋是全部e[的]人攏即呢[遮爾]有錢會當來讀靈惠，所以總是攏愛有才好。
08.30菲律賓國家英雄節全國放假一天，紀念的就是這位英雄。
後來Grenda小姐轉來矣，著[就]提莊先生寄囥e[的]冊予阮看，其中尚[上]予阮驚喜e[的]是，阮看著「線裝書」e[的]《彙音妙悟》，而且是光緒乙己年間e[的]版本，阮佇台灣有e[的]是道光年間e[的]，所以無仝版本，實在足歡喜e[的]，而且莊先生擱[閣]講伊會當印予阮。擱[閣]有另外一本是予人料想袂到e[的]收穫，即[這]本《暢所欲言》是泉州e[的]冊，較類似俗語方面e[的]，用字較親像歌仔冊e[的]用法，以會當講出彼咧[个]音為主，嘛是一本真久e[的]冊矣，我想即[這]本冊應該無規e[幾个]人有。但是伊無「封面」，所以無法度翕伊e[的]模樣，了後[ ]提著冊了後才來翕。
後來欲五點矣，Grenda小姐欲下班嘛欲關門矣，所以阮著[就]緊咧離開毋通妨礙著別人歇睏e[的]時間，所以阮著[就]問莊先生遮附近敢有菜市仔亦是市場？因為阮e[的]冰箱欲無菜矣，前兩工放假攏家己煮，所以攏清了矣，需要補貨。莊先生著[就]抱[報]阮行去一間PURE GOLD超市，差不多行15分鐘著[就]到矣，去到超市e[的]時根本著[就]歡喜kah[甲]用走e[的]，因為比SAVE MORE大太濟囉[咧]，尚[上]無三四倍以上，較親像台灣e[的]家樂福彼款，但是因為阮六點著[就]愛轉去菲華中學門口等校車來載阮，所以無傷濟時間通予阮杳杳[沓沓]仔行，阮著[就]緊咧買一寡仔青菜、魚、水果等等，總共475.29 piso[約台票317箍]，著[就]緊咧用tsong[傱] e[的]轉去學校，到e[的]時陣拄好六點，阮兩e[个]光[規]身軀汗，差不多六點半校車著[就]來囉，會當安心轉來學校囉！今仔日無時間會當好好仔踅，別日仔若是擱[閣]有來菲華中學，一定愛留時間去PURE GOLD遐，共物件買予齊。
原本昨昏欲kap[佮]厝內e[的]人講電話，但是因為英雄節全國放假一工，連電信局攏放假，學校e[的]網路擱[閣]是為[對]電信局連出來e[的]，所以電信局放假、學校放假e[的]結果著[就]是無網路通用，所以延到今仔[今仔日]暗時。一禮拜kap[佮]厝裡e[的]人講一擺電話，心肝頭嘛較安心，著[就]簡單報告一咧[下]最近e[的]狀況、出入有安全無，而且最近台灣e[的]附近真鬧熱有三e[个]風颱，只是風颱無即[誠]強，所以無放假！阿母仝款講若是調查順利按呢著[就]較緊轉來台灣好矣，但是擱[閣]有教師節e[的]關係，所以我嘛ka[共]阿母講愛等到10.4才會轉去台灣喔！^^
20100901 [第十工]
今仔日車頭提早來所以阮嘛提早出門，一開始阮著先去「柯蔡圖書館」(濟陽大廈)，著[就]是即[這]兩姓作[做]伙變作[做]宗親會e[的]總會，阮一去圖書館內底並無啥物對阮較有幫助e[的]冊，但是因為是「柯蔡圖書館」擱[閣]以姓蔡e[的]為大宗，所以有足濟姓蔡e[的]族譜，我感覺來到別e[的]國家拄著仝款講閩南話e[的]人真自然著[就]會感覺「咱是仝派e[的]」，自然著[就]會變作親像外鄉來到遮e[的]人，真注重家己e[的]宗親會，因為住[蹛]佇菲律賓e[的]華人干若[焦]佔1.5%左右，真少，所以in[
離開影印店阮著[就]去食麥當勞，想講麥當勞才是較熟識[似]e[的]味，進前去食e[的] Jollibee 較親像在地e[的]氣味。但是[毋過]，我點雞塊餐，伊e[的]搵料竟然是BBQ e[的]，搵了氣味變了足奇怪e[的]，但是阿姨煞大喙大喙e[的]食落去，遮予我感覺著：「著[就]算講是7-11亦[抑]是麥當勞，世界連鎖店來到在地仝款愛融合在地e[的]口味才會當生存！」
頭拄仔去印冊，圖書館e[的]人擱[閣]叫阮金[今]仔日著愛還，所以阮著[阮就佇]附近等伊兩點半擱[閣]開館e[的]時著連鞭提去還。食了真奇怪e[的]麥當勞了後，阮著[就]佇附近踅街，伊遮真類似台灣e[的]五分埔，衫仔褲佇遮攏真俗，嘛有五金百貨，所以阮著[就]一間一間看，一間一間買，其中上蓋特殊e[的]是「抱抱」，佇台灣阮看著e[的]「抱抱」攏是「熱狗型e[的]」，但是遮e[的]「抱抱」煞是有跤有手擱[閣]有面形仔e[的]「抱抱」，真特別，而且一e[个] 90 piso[約台票60箍]算是真俗e[的]，所以我著[就]揀「加菲貓」，阿桂揀「Tweety」，另外一隻是欲予我e[的]小妹，伊真愛「維尼」所以專工買一隻予伊。阿若是小弟e[的]禮物，才看了後有啥物較適合伊e[的]囉！佇即[這]間店我發現，每一e[个]國家所流行e[的]「卡通人物」攏無仝，佇菲律賓因為受著美國e[的]影響較深，所以所流行e[的]較濟是加菲貓、迪士尼e[的]卡通，但是佇台灣受著日本e[的]影響尚[上]深，所以流行e[的]攏是三麗鷗家族、kitty貓、柯南等等e[的]卡通，所以受著歡迎e[的]娃娃自然無仝，佇遮e[的]加菲貓e[的]型較親像卡通e[的]款，無親像佇台灣，擱[閣較]按怎買嘛是買日本e[的]卡通。
阮著[就]買即[這]三e[个]「抱抱」，一路上著[就]按呢摜[捾]咧，真悿[忝]嘛真鎮地(tin te[tin3-te3])！但是抱轉來到房間e[的]時真歡喜，連鞭著[就]ka[共]伊翕相，有夠古錐e[的]啦！有跤有手真特別。
後來著[就]按呢行去舊冊店擱[閣]去掀看覓敢有其他e[的]好物，但是今仔日較有時間煞無看著啥物趣味e[的]冊，所以買了規[幾]本著[就]離開矣。但是彼咧[个]時陣才五點左右，六點校車才會來而且腹肚嘛飫[枵]矣，可能是頭拄仔踅街傷認真矣，所以著[就]去食真出名e[的]「馬麵」。是華人馬文祿佇菲律賓所創作e[的]麵，已經有80年e[的]歷史矣。伊真特別e[的]所在是伊e[的]醬料是另外囥e[的]，擱[閣]有蔥仔，然後來e[的]時陣是一碗清麵，才將醬料倒落麵內底，變作[做]是欲食e[的]口味。伊e[的]麵是家己作e[做的]，所以口感無啥仝款，食起來親像煮無熟e[的]麵有一點仔硬硬[
20100902 [第十一工]
中晝阮去學校的餐廳食飯，來到遮已經是第11工，一開始無講蓋適應遮的米，米的口感烌烌(hu1)，無赫[遐]爾khiu7[
食飽了後拄好看著替代役男kap[佮]游同學，所以著[就]過去開講一咧[下]，嘛有講著阮希望了後揣一咧[个]in[
下晡放學了後，替代役男in[
欲行轉去宿舍的時，經過餐廳拄好看著一大陣人咧練習樂器，有中式的琵琶、二胡、古箏等等，嘛有西洋的小提琴、大提琴、低音大提琴、鋼琴等等。即[遮]的樂團是共東方佮西方的樂器融合來演奏，是全菲律賓唯一「中西合併」e[的]樂團，差不多有100 e[的]團員，按呢共綜合起來，演奏的結果誠和諧，毋知是按怎，聽著in1[
20100903 [第十二工]
即[這]兩工攏咧想欲去Borakay e事志[的代誌]，所以中晝先留字條予陳老師問看伊確定有欲kap[佮]阮去無。佇辦公室e[的]時陣拄好看著校長嘛咧處理事志[代誌]，著[就]過去kap[佮]校長拍招呼[相借問]嘛ka[共]伊講昨昏送予阮e[的]弓蕉kap[佮]在地水果，阮攏有收著嘛真感謝校長。
咧講話e[的]過程中，阮有kap[佮]校長提起了後想欲去中正學院e[的]圖書館看覓，但是可能需要先敲電話，因為佇遮每一e[个]學校對家己e[的]圖書館攏真保護，所以可能無歡迎阮一般e[的]外人烏白入去，需要先確認一咧[下]才會使。擱[閣]來嘛有問校長阮了後若是欲印規[幾]張仔資料，因為昨昏暗時kap[佮]李仲民老師講著阮來遮e[的]一寡宰[仔]感想kap[佮]論文相關e[的]問題，所以著[就]提進前佇台灣西部地理語言學e[的]問卷傳予我，嘛會當順紲問一咧[下]仔遮e[的]晉江腔。結果印完了後，阮著[就]直接問校長矣，伊是阮頭一e[个]發音人，校長了解真濟嘛有一寡仔伊毋知e[的]，但是遮[這]攏無要緊，因為即[這]份問卷並毋事[是]專工為著遮e[的]閩南話所設計e[的]，自然會有問題。但是校長即呢[遮爾]配合，明仔載欲出國矣，真無閒嘛是予阮問，足感動e[的]。
因為今仔日是拜五，會較早下課，所以想講四點去揣老師應該會佇咧辦公室矣！結果一出門跤口，著[就]聽著陳老師咧叫阮，伊講伊欲來請阮去kap[佮]仝款是台灣來e[的]新竹教育大學中文系副教授李麗霞老師見面。遮[這]對阮來講是真意外e[的]，因為阮若是緊一跤步，範勢阮著[就]到辦公室結果嘛是等無人，阮嘛順紲ka[共]陳老師講Borakay e事志[的代誌]，但是等接待完李老師尪仔某才講著[就]好。
一看著李老師in[
招待完李老師尪仔某，阮著[就]綴陳老師轉去辦公室矣，因為9.7欲到矣，明仔載擱[閣]是拜六擱[閣]無上班矣，阮進前予國軍英雄節全國放假一工e事志[的代誌]驚著，所以一定愛緊咧處理。但是陳老師一直看日子，按怎看著[就]是無一e[个]禮拜會當安穩出去耍，所以伊著[就]講先安排阮兩e[个]著[就]好。但是家己英文爛到[甲]欲死是欲按怎kap[佮]旅行社講啦！所以敲予旅行社無一分鐘阮著[就]放棄矣，請陳老師來講，Zest air、South east airline、太平洋旅社，一間一間問，因為遮有一點阮感覺真奇怪e[的]著[就]是，我即嘛[這馬]問好機票若[偌]濟、旅社若[偌]濟，但是隔一點鐘我擱[閣]敲電話去問，價數連鞭著[就]無仝矣，所以變成講你若是感覺即咧[這个]價數合理，著[就]愛馬上定矣，若是每一e[个]時間價數攏無仝款，真麻煩。遮[這]可能嘛是菲律賓其中e[的]一項特色。為[對]下晡五點半陳老師幫阮問，最後確定e[的]時已經欲七點矣，實在予阮真感動，陳老師最後無欲參阮去，但是仝款即[遮]熱心幫阮kap[佮]旅行社接接(tsih tsiap)，阮一定會記咧[得]即[這]份溫[恩]情，佇來到靈惠欲兩禮拜矣，陳老師、校長尪仔某一直攏真照顧阮，遮[這]才是基督教e[的]無私，予我想著以前佇大學e[的]基督長老教會，足切[慼]心e[的]，但是靈惠予阮對基督教另外一e[个]溫情e[的]感覺，嘛予阮會當較平心靜氣e[的]去看基督教，了解基督教。
所以最後確定9.7~10欲去Borakay，機票兩e[个]人5906 piso[約台票3938箍]，7號中晝12點半去；10號暗時7點45轉來，校車攏會載阮去機場嘛會來載阮轉來學校，但是住[蹛]e[的]問題猶袂[未]解決，住[蹛]三眠[暝]可能需要3000以上e[的] piso[約台票2000箍]，所以嘛真傷重，了後確定才講好矣。
佇下晡陳老師有提起進前有講過e[的]欲開閩南話e[的]研習班，看起來伊干[敢]若真認真咧講即[這]件事志[代誌]，講會使開佇進修班也就是有招生壓力e[的]社區大學。伊叫阮先準備閩南話e[的]基礎拼音等等e[的]資料，希望會當分予學校e[的]老師參考，希望會當推廣出去。即[這]件事志[代誌]對阮來講真重要，因為遮[這]是目前阮唯一會當貢獻予學校e[的]付出，所以一定會認真來負責即[這]件事志[代誌]。而且因為遮是基督教學校，所以我希望會當教in[
20100904 [第十三工]
今仔日是阮目前來到菲律賓以來頭一改…捶心肝捶kah[甲]想欲挵壁嘛感覺袂疼e[的]，因為昨昏咧處理欲去Borakay e事志[的代誌]，擱[閣]有住[蹛]e[的]部分抑袂[猶未]確定，但是機票確定矣所以今仔日需要揣Zest Air e[的]店面付機票錢。早起九點半遮[才]到辦公室等陳老師欲請老師幫我問住[蹛]e[的]部分，嘛提電腦落去直接看網路e[的]資料，最後確定欲住[蹛]La carmela 後壁e[的] Courtyard旅社，一e[个]雙人房一工是1,450 piso[約台票967箍]，住[蹛]三工著[就]是4,350[約台票2900箍]；擱[閣]有加為[對]機場落來擱[閣]需要坐船坐巴士850 piso[約台票567箍]，所以兩e[个]人總共需要予伊6,050 piso[約台票4033箍]，拜一才去學校附近e[的]銀行付錢著[就]好。
但是咧確定即e事志[這个代誌]進前，有足濟細節出問題，所以等阮中晝欲kap[佮]校車、陳老師作[做]伙出門e[的]時，心內攏干若[焦]想著緊咧將[共]機票錢繳[納]完、緊咧確定到底欲住陀[蹛佗]，有若[偌]貴？阮愛準備若[偌]濟錢才有夠通lap[納]完？根本著[就]無心思去想著欲紮相機……結果，一步錯步步錯！阮今仔日竟然去Mall of Aisa，亞洲上大e[的] Mall，遮以前是海，是用塗填海足濟年，建設真久差不多才開幕10年左右e[的] Mall，總共有三大棟，每一棟攏比高雄e[的]夢時代擱[閣]較大，著[就]干若[焦]看伊e[的]停車場e[的]土地著[就]已經比啥物擱[閣]較大矣，既然去到即呢[遮爾]重要e[的]所在，阮竟然無紮相機去，阮真正自到Mall開始想欲挵壁攏[挵]到欲轉來學校擱[閣]想欲攏[挵]壁。
到Mall一開始先烏白行，想去揣美金換piso e[的]所在，但是伊e[的]匯率有較懸，100 USD干若[焦]會當換4,420 PISO[約台票2946箍]，所以後來著[就]無換矣，結果看著有T-shirt咧特價，一領149.75 piso[約台票100箍]，買三領擱[閣]俗100 piso，所以算算e[咧]三領才349.25[約台票233箍] piso，真俗！
即[這]三領攏是有代表菲律賓e[的]特色，真正外國俗[倯(song5)]啦！
買好e[的]時陣已經欲兩點矣，為[對]早起無閒到即嘛[這馬]腹肚飫[枵]矣。陳老師tshua[
食完了後著先去付機票錢，為[對]A棟行去B棟才揣著Zest Air，後來確定付兩e[个]人總共5,906 piso[約台票3937箍]，機票提到手才放心！
即咧[這个]時陣差不多已經三點半矣，老師著[就]講遮有一間同[仝]款是SM，比學校附近Save more大間濟e[濟咧的] Super market，所以著[就]去遐踅踅e[咧]。即[這]間大間e[的]較親像Cosco即呢[遮爾]大e[的]規模，啥物攏有，需要踅真久才踅e[會]完，所以基本e[的]飲料、餅攏有買，宇[予]我較歡喜，應該是今仔日上歡喜e[的]著[就]是佇海產區內底竟然有買[賣]「海瓜子」，而且一公斤才112 piso[約台票75箍]，比台灣e[的]擱[閣]較俗，所以我著[就]買一點仔轉來食；阿桂買鸚哥魚、墨賊仔、豬肉、豬大骨，擱[閣]加上佇冰箱內底e[的]菜，阮無咧煩惱即[這]禮拜放假e[的]恐怖情境矣，阮已經有充足e[的]準備會當應付矣！
遮無「鮮奶」，只有紙包e[的]牛奶；細罐e[的]水，特殊e[的]是罐仔是塑膠e[的]。
後來買好嘛差不多五點矣，但是佇食中晝e[的]時是陳老師請阮e[的]，阮一直受著老師e[的]照顧擱[閣]予老師請，實在真袂值[得]過，所以阮後來請老師去食「超群」(Chow king) e[的] Halo-halo，老師講即[這]間e[的] Halo-halo真好食，而且擱[閣]有佇外口買菲律賓在地e[的]小食，但是我無法[無法度]用相片來表示出遮e[的]物件有若[偌]好食，實在足捶心肝e[的]。阮嘛有ka[共]陳老師講軟[阮]無紮相機來，實在是kap[佮]頂禮拜我ka[共]電池硬tsinn[櫼]入去相機內底仝款憨[戇]！所以陳老師著[就]講，9.17~19是年中慶，70% off，所以等阮轉來才擱[閣]來一遍。到時陣我一定愛掠狂起來翕相，來彌補我今仔日e[的]遺憾。
倒爿e[的]中晝頓；正爿e[的]是食Halo-halo。
(轉去記遊轉載目錄)(轉去主目錄)
2010-10-19 05:35:51VTL 前往VTL的日誌
