0.01公分的快樂

 2010

060220550.01公分的快樂

181心路篇

這是另外一个世界，無入來過這个世界的人絕對無法度體會其中的快樂。

對一般的人來講，0.01公分是一个用目睭來看看袂出來的差別。根本就無啥物通好講的。

若是換用這馬的電腦技術來看，根本就是真正常的代誌。

彼是我研究所畢業彼冬的代誌。我人蹛佇汐止。彼時陣，因為做工課的需要，講一定愛用莎士比亞的文書處理來做排版的工課。

對我來講，彼是第一遍用莎士比亞。進前用過的有PE2, PE3, WP(Wordperfect), WS(Wordstar), 書中仙, 漢書, 慧星一號, 天蠍星。彼時陣的我，佇Dos的環境下面，無論啥物款的文書處理程式，只要予我耍過一暝的時間，我就會使操作自如，袂輸得是熟手仝款。

佇彼時陣，Dos環境下面，用慧星一號抑是漢書等等攏愛家己會曉寫列印的指令。列印控制是算ling5的，所以無法度控制0.01公分的單位。

用莎士比亞，比較起來就進步足濟的，毋免家己寫控制碼。更加神奇的是竟然有法度控制0.01公分的長度。會當自由自在想欲按怎印就按怎印。

佇我第一遍有法度控制0.01公分的時，彼種歡喜的心情實在是無法度形容會出來的。會當講對印出來的物件是達到足滿意的地步。想袂出來閣會使做啥物款的要求矣。

這馬，電腦的文書處理攏會使做到0.01公分的控制，所以，對這馬的人會認為這款控制0.01公分的代誌本來就無啥物了不起的代誌。就像這馬的視窗會使開足濟的視窗同齊予in去走是足正常的代誌。毋過，這款代誌，佇我寫論文的時陣，根本就是辦袂到的代誌，彼時陣的視窗干焦會當開一个爾爾。

所以講，用這馬的設備佮眼光來看彼時陣的功能，若是無親身經歷過，根本無法度去體會著彼時陣的無方便。彼真正是一个完完全全無仝款的世界。

(2010.06.02)

(轉去心路篇目錄) (轉去主目錄)

回應

2010-06-12 20:26:55發現台灣A水A老大 email給發現台灣A水A老大 前往發現台灣A水A老大的日誌

現在科技越來越發達，電腦系統也從原本的DOS環境下到目前的win7，操作方便，可說是天壤之別。

於2010-06-12 20:47:40回覆

To 發現台灣A水A老大

是啊, 我想二十年後的學生囡仔可能攏毋免課本矣, 因為凡勢彼時陣干焦紥一塊像筆記簿的物件就會使矣, 所有的教材攏佇內底矣.

2010-06-11 18:58:49小姑姑 email給小姑姑 前往小姑姑的日誌

這裡好多台語達人和詩人，只是有些難懂

真要細細的品嘗和閱讀，才能了解意境

想必要常來此進修囉!謝謝分享。

於2010-06-11 19:56:39回覆

To 小姑姑

台語是咱的母語, 捷看自然就會曉矣. 干焦一開始較困難淡薄仔, 毋過, 咱的語感會當足緊就克服這款困難矣:)

2010-06-05 08:31:26劉志祥老師 email給劉志祥老師 前往劉志祥老師的日誌

莎士比亞好控制

家己親身經驗過

零點零一無外濟

對家己講是足濟

於2010-06-05 11:03:52回覆

To 劉志祥老師

工課欲做好
工具著愛好
人人看結果
看無阮的寶

2010-06-04 16:13:39台語聞香 email給台語聞香 前往台語聞香的日誌

較早褪赤脚出門真似常，因為物資貴, 但大家攏真健康。

今嘛褪赤脚為健康，真是趣味，物質和健康成對比。

於2010-06-04 16:54:24回覆

To 台語聞香

這馬的人褪赤跤咧做散步運動的人, 我看著的可能攏是細漢時陣有經驗過褪赤跤的生活:)

2010-06-04 15:21:47台語聞香 email給台語聞香 前往台語聞香的日誌

電腦愈來愈進步 確實無法度体會過去的無方便。

於2010-06-04 15:44:38回覆

To 台語聞香

就像作穡人, 有馬達了後, 無法度體會古早人踏水車的艱苦.

2010-06-03 13:38:03阿吉仔 email給阿吉仔 前往阿吉仔的日誌

有趣

阿哇訂你耶羅

希望常交流

於2010-06-03 18:56:24回覆

To 阿吉仔

多謝捀場, 我嘛有訂你的矣.

2010-06-03 13:19:14阿吉仔 email給阿吉仔 前往阿吉仔的日誌

阿你真厲害啊

哇工30年啊

嘛無李阿耶厲害（我硬拼起來的.你看得懂嗎）

 

 

於2010-06-03 13:34:54回覆

To 阿吉仔

除了一字臆無以外, 賰的應該無問題:

啊你真厲害矣 (a li2 tsin li7-hai7--ah)
我講30年矣 (gua2 kong2 sann-tsap8 ni5--ah)
嘛無你遐厲害. (ma7 bo5 li2 hiah li7-hai7)

2010-06-03 11:15:2933 email給33 前往33的日誌

你文章量產有夠緊....

是啦、無經過DOS生命過程的人，無法度了解彼時用電腦的無方便

是講..會記得當初欲唯DOS轉換用視窗的時，嘛是霧煞煞

我足會記得，彼工早起主管交一份計畫書予我，共我講：「即馬開始用word做～」然後伊人就出差.....

我參考書提咧一直掀、一直看，一工才共一份文件完成。

後來知影視窗足好用.連沙士比亞嘛免矣....著否?

 

於2010-06-03 12:58:14回覆

To 33

視窗起頭嘛足ke7路的, 我耍小作家耍過了後, 嫌伊歹用, 照常用漢書.  後來word有改進, 我敢若是對5.0開始用起. 感覺比莎士比亞較好用就用牢咧. 無定著是因為word會當做0.01公分的控制的關係, 我才會足固執一路上攏用word, 上懷念的是word97, 有一寡功能足方便的, 結果佇後來的版本欲做仝款的動作就愛加開將近10倍的時間, 像樣式的統一就是這款情形.

2010-06-03 05:32:43阿吉仔 email給阿吉仔 前往阿吉仔的日誌

阿你台語一定很強吧

我也習慣說台語

但能說還不一定寫的出來.

你真的是很強..愛台灣啦

於2010-06-03 13:03:40回覆

To 阿吉仔

咱攏是台灣囡仔
台語是咱的母語
台灣囡仔著愛講台語

多謝你的行踏佮回應
講我台語真gau5不敢當
我只不過是半桶師爾爾