原來Youtube會使按呢用

 2010

06132236原來Youtube會使按呢用

222上網心得篇

今仔日閣去阿吉仔的網頁欣賞音樂, 其中有一个是小鋼琴所自動演奏大黃蜂.

(↓影片放完了後, 搜揣的功能會自動出現佇遮)
 (←點遮算過第二个圖示的三角形[有出現三角形的影片才有]選功能就會看搜揣的功能)

演奏了後, 我閣繼續聽下一个音樂演奏. 聽完了後, 想欲離開, 就是佇這个時陣, 我的目尾去sut著一个物件.
奇怪, 進前攏無注意著. 畫面出現著搜揣的功能.

因為讀冊會的理事長特別愛江蕙的歌, 看著袂少人的blog內底攏有江蕙的歌. 所以我就佇搜揣的功能內底拍入江蕙兩字. 伊揣著15个(後來才發現是5589个). 而且15个攏列出來. 所以我就做這个檔案來試驗, 雖然khok過來了後, 毋是我想欲愛的畫面(麻煩佇搜揣的所在家己拍江蕙兩字, 就知影我想欲愛的畫面是按怎), 至少15个歌佇第一條歌播完了後會出現佇下面.
 

其實, 我罕得家己去youtube揣資料看影片, 攏是看人咧用爾爾. 去人的blog嘛攏是人用的物件就共伊點點聽聽看看咧. 完全袂去看其他下面顯示的相關影片.

因為今仔日去看著搜揣的功能就共伊耍看覓咧:)原來Youtube嘛會使按呢用, 進前我完全毋知.
khok轉來了後, 我就開始共功能耍予較清楚一下.
原來, 搜揣的功能是影片放完才會自動出來. 閣來就是正手爿的角仔有一个三角形的物件, 猶未放影片的時, 共點落會有一个圖示跳出來, 共點落去, 就會出現和影片放完仝款的畫面. 閣點一下就是普通時仔看著的畫面. 

所以若欲聽台語老歌, 會使佇搜揣功能拍台語老歌四字予伊去揣, 會揣著937个相關影片.

原來Youtube會使按呢用, 後遍就毋免閣去youtube的網站, 直接佇遮就會使換想欲看的影片矣:)

下面是第二工我閣繼續耍搜揣功能, 無小心去揣著的物件, 就共邊仔的嵌入的指令khok入來. 相關的影片內面有幾若个賴和的作品佮影片.

下面是第三工我閣用搜揣功能揣台語老歌丟丟銅仔, 去看著卓依婷, 想著佇別人的blog捌看過, 就共伊順紲囥佇遮, 咱若揣卓依婷會使揣著3221項. 第六个片是外國人唱的, 會使欣賞一下. 若是點為著十萬箍就會使閣聽幾若首卓依婷唱的台語老歌.

 (影片放完了後, 出現重播, ↑點遮就會當直接重唱, 免經過閣一遍的下載)
 

(轉去上網的心得目錄)(轉去主目錄)

AA email給AA 前往AA的日誌

歹勢~我沒注意到，西卿，方瑞娥，ABBA，席琳狄翁，還有黃鶯鶯。聲乾淨，丹田夠。西卿，方瑞娥就可以了，謝謝。

於2010-08-19 23:48:35回覆

To AA

西卿的布袋人物的歌我攏足愛聽的, 方瑞娥的補破網嘛足有名的, 黃鶯鶯的歌我嘛足懷念的, 你無講著伊的名, 我完全袂記得我較早嘛足愛聽伊的歌:)
華語的歌, 你會使模仿我做的方式, 你家己做一寡連結, 因為基本上, 我遮無想欲囥華語的歌, 畢竟我這个網站是欲做母語為主的網頁.

2010-08-19 23:16:29AA email給AA 前往AA的日誌

那 些歌以前可紅，都可以朗朗上口，我也是江蕙迷

於2010-08-19 23:25:15回覆

To AA

按呢你應該有看著我連結江蕙的歌一百首的網頁:)足歡喜你嘛有佮意台語歌, 有啥物人特別愛聽的, 你會使吩咐一聲, 我有閒就會做連結:)

2010-08-19 21:29:05AA email給AA 前往AA的日誌

你家有好東西，有空可以來聽歌

於2010-08-19 23:11:42回覆

To AA

歡迎捷來聽歌, 猶佫有十幾个人的台語老歌thing2好聽咧:)足歡喜你有佮意.

2010-06-14 20:47:57發現台灣A水A老大 email給發現台灣A水A老大 前往發現台灣A水A老大的日誌

我會曉用啊！！真簡單，後擺欲聽歌，看影片，足輕鬆。

於2010-06-14 21:05:37回覆

To 發現台灣A水A老大

<font size=5>哈哈哈, 一字之差, 害我險險仔起誤會, 叫是我雞婆. 我會曉用啊 佮 我會曉用矣, 意思差誠濟:)

2010-06-14 18:56:08發現台灣A水A老大 email給發現台灣A水A老大 前往發現台灣A水A老大的日誌

Youtube這咧物件我袂曉用，我甚至袂曉貼佇blog頂頭。

於2010-06-14 19:05:11回覆

To 發現台灣A水A老大

<font size=5>足簡單的, 首先先共我遮的物件規个khok過去, 你嘛會使干焦mark幾ling5(愛包括youtube的畫面), 才閣複製起來, 轉去貼佇你家己的blog. 賰的就照我這篇寫的去做就好矣:)

用搜揣的功能搜著你欲愛的物件了後, 共嵌入內底的指令khok起來, 佇文章內底換用html觀看原始碼, 共指令貼起去就好矣. 你會當試看覓咧, 有問題我才閣共你教.

2010-06-14 18:14:07＊精靈舞翩翩＊ email給＊精靈舞翩翩＊ 前往＊精靈舞翩翩＊的日誌

汝真正有夠厲害

佇部落格寫兮全是河洛話

 

於2010-06-14 18:55:12回覆

To ＊精靈舞翩翩＊

我干焦共母語用文字寫出來, 也無啥物厲害的所在, 有咧寫台語文的人攏嘛會曉, 這是上基本的能力, 若是論寫較文學性的文章我就無法度矣, 我用的干焦是生活上的語言爾爾.
多謝你來遮行踏佮留話.

2010-06-14 13:37:12周 email給周 前往周的日誌

youtube真的挺有趣的,之前主管叫我們這組辦活動,我絞盡腦汁後來從youtube上找了些影片來串場,呵呵...也算是挺偷懶的

於2010-06-14 15:27:33回覆

To 周

其實, 揣影片嘛是足辛苦的, 愛一个仔一个仔揣, 愛揣符合咱佮意的, 影片閣愛精彩, 一个接一个愛有夠精彩, 無, 嘛會傷濟冷場出現:)

2010-06-13 22:50:35羚蘭 email給羚蘭 前往羚蘭的日誌

這首歌羚蘭會唱

於2010-06-14 00:30:13回覆

To 羚蘭

你的跤手實在有夠猛(meh), 我隨做好爾爾你就來看矣.  看你回應的時間, 我檔案其實猶未做好, 我做好是時間是拄才五分鐘前爾爾, 我拄試揣我上愛的一首歌萍聚:)