2011
05222006href這个指令內底袂使用漢字做超連結
256上網心得篇
今仔日我咧做字音字形逐工練習題目的時陣，因為久無用超連結的指令，結果就定定做甲出箠。就只好看以前的網頁內底的指令來研究。
我做幾號(lo7)遍，拼字嘛無去拍毋著去，是佗位咧出問題？
敢會欠引號去引起的問題？揣做過的臆謎猜的網頁內底的指令來看。奇怪！？印象內底，我無做過引號，是系統會自動補起去的啊。
今(tann1)，這聲害矣。一个一个拍是足了時間的。決定來去用我上厲(lai7)的word搜揣取代上蓋緊。
唉呀！取代了後word會自動共指令的引號 " "換做這型的引號“ ”。
按呢欲按怎？
有矣！用excell的搜揣取代來做就會使矣。伊袂共指令的引號換掉去。
做好矣。應該無問題矣。
閣共發表文章揤(tshih8)落去。結果出來矣。仝款共href的部分食掉去。
抑無----共伊分做兩个指令href還href，name還name好矣。＜a href="#_b第xx回"＞＜a name=_t第xx回＞第xx回＜/a＞＜/a＞。閣做一遍。
送好矣！哪會閣無去矣。指令變成＜a＞＜a name=_t第xx回＞第xx回＜/a＞＜/a＞。
這也袂使，彼也袂使！到底是欲按怎做咧？！
想著較早咧耍word巨集的時，號名袂當用著漢字。無，就共漢字提掉試看覓咧。
無法度矣。賰最後這步通好用爾爾。＜a href="#_bxx">
做好矣……繼續送起去……看結果按怎？
解決矣！！哪會按呢？超連結指令href的位置袂使有漢字佇內底！號名指令name的位置會使用漢字佇內底！理論上，應該兩个是一擔(tann3)的。結果，實際上一个會使用，另外一个煞袂使用。
最後，共絲仔藝做做咧。就是今仔日的成果矣。
沒有留言:
張貼留言