2011
02111227雷公佮賊仔、雷公鳥佮賊仔
聽講賊仔罕得會予雷公摃死，這(c.f.這)是因為賊仔捌救過雷公，所以毋才會無摃，故事是按呢講的。
較早，有一个婦人人當咧做月內，啊彼(c.f.彼)个婦人人共伊的衫仔褲崁佇雞籠仔頂。
偏偏這个時陣，蹛佇塗底的雷公欲peh(c.f.爬)起來塗跤面頂，拄好起來到te5(地)，煞去予雞籠仔崁牢(tiau5)咧。毋但按呢，雞籠仔頂閣去予月內褲貼牢咧。今，這聲害矣(c.f.啊)，因為一般人講月內褲是足癩ko爛癆的物件，無定是因為按呢，雷公的神通煞去無去(c.f.無去)，害伊無法度上(c.f.上)天，干焦會當佇雞籠仔底硞硞踅輾轉(c.f.輪)，真正是英雄無用武之地。
好佳哉，就佇這个時陣，拄好來一个賊仔。本成，根據民間的傳說，雷公的形就足親像雞仔仝款，彼个賊仔嘛叫是伊是真正的雞母，就共月內褲提起來，想欲偷掠內底的雞仔。
雷公一看著月內褲去予人提走，伊就隨恢復神通，一下手就飛上天頂去矣。
彼个賊仔，雖然偷掠雞仔掠無過手，煞無張持去共雷公鬥相共著。(字數365)
另外一个傳說是講，雷公鳥是一隻形若(c.f.若)雞母的鳥仔。平常時是歇佇懸山的大樹跤，天氣足bai2的時陣，就飛上天頂吼雷叫聲，紲落來就佮落雷做伙飛落來塗跤兜；等到烏雲咧欲散開的時陣，才閣飛倒轉去懸山。
毋過，若是烏雲散了傷過緊，雷公鳥就飛袂轉去，干焦會當佇天頂四界烏白飛，一直飛到上尾仔，攏總無氣力矣，就會輾落來。
有一改，雷公鳥佇落雷的時陣，煞走入去人當咧做月內的房間。聽講，月內房是無清氣的。雷公鳥就佇遐(c.f.遐)去沐著無清氣，致使伊失去伊的神通，陷佇房間內底，無法度飛出去。
拄拄仔好佇這个時陣，一个賊仔走入來房間，叫是一隻肥雞仔，就共伊偷掠出去。
當當(tng tong)賊仔一走出去房間外口，雷公沐著的無清氣嘛雄雄無去矣，就隨會當展現伊的神通，翼股一下擛落就閣再飛上天頂去矣。
自按呢了後，民間就傳說講，雷公鳥為著報答賊仔的恩情，就攏毋捌落雷佇賊仔的身軀頂。(字數355)
參考資料來源：吳瀛濤《臺灣民俗》臺北市：眾文圖書，1992。
2011-02-14 08:53:06LOVE email給LOVE 前往LOVE的日誌
