堅持--予人感動的影片

 2010

07210912堅持--予人感動的影片

159額外抾拾、網站連結

堅持

自細漢到大漢，時常會聽人共咱講若欲成功就愛堅持到底。毋過，咱有法度做偌大的堅持?

下面這塊影片因為伊講的語言咱聽無，字幕大部分的人看無，愛用心來看才會予人來感動著。

雖然，我完全聽無音樂所欲表達予人的意境。毋過，這个影片實在讚。為著欲予咱較清楚影片的內容，我做一寡仔影片的解說。

下面是這塊影片的內容佮所講的話：

一開始，一个查某囡仔予佇咧街頭表演小提琴的老人深深吸引著。看後面的內容才知這个查某囡仔是一个啞口閣兼臭耳聾。所以，咱知影伊的感動毋是靠耳仔聽來的，是看來的。

(時間經過十年左右)有一天，伊心情足bai2，伊人行佇街仔路欲去揣老人。

「一隻鴨想欲飛？」伊的對手(毋知是伊的姊姊抑是妹妺?)共伊剾洗(khau-se2)。

「臭耳聾也想欲搝(khiu2/giu2)小提琴？你起痟矣是無？你是按怎毋去學別項物件？」

(插入畫面)佮伊做伙練琴的人氣甲無想欲插(tshap)伊。

「你是咧浪費別人的時間。」伊的心予人傷了足重的。

伊和彼个老人閣見面矣。原來老人嘛是臭耳聾。老人伊用手語問講：「你敢猶有咧搝小提琴？」

查某囡仔想著伊的委屈就目屎輾(lian3)落來。

伊佮老人兩个人坐落來用手語開講。查某囡仔比講：「我是按怎佮別人無仝？」

老人比：「是按怎……你著一定愛佮別人仝款？音樂，是一種看會著的物件。」老人捌送過查某囡仔一台小提琴。「共目睭放瞌瞌(kheh)。你就會看著。」彼个查某囡仔就遵照教示足骨力練習。

到甲古典樂比賽彼一工。伊mooh著小提琴，徛佇會場入口。想起伊過去去予人百般蹧踏的情景閣去予人唱(tshiang3)講：「按怎？有啥問題？」想著伊佮老人做伙佇街頭表演練習的時，去予鱸鰻欺負(應該是對手故意叫人來做的報復)。琴甚至去予人摃斷去。

比賽會場的主持人講：「最後一个精彩的表演完矣。這馬咱就來……。」這个時陣，伊的話去予人拍斷去，有人共伊講細聲話。「enn7，這个……，看起來咱猶閣有一位參加比賽的人。伊就佇現場。」伊的對手 心抱懷疑越頭過來看。

查某囡仔攑著伊彼台予人摃害去又閣用電火布黏過的小提琴出現的舞台頂。回想著老人所教伊的一切，開始伊的感動人的表演。閣來，遮毋免我講矣，賰的家己看影片去感受。

最後一句：「You can shine.」(你會當發光)

註:看完閣會使點其他予人感動的影片繼續看。

假使咱的電腦若看袂著影片, 請點這个超連結家己去youtube看這塊片.

(轉去主目錄)

回應

2010-07-22 14:37:12阿妹 email給阿妹 前往阿妹的日誌

非常感人但我沒哭,感動的哭不出來.

於2010-07-22 15:31:49回覆

To 阿妹

因為咱攏會足理想控制家己的感情:)

2010-07-22 05:56:55小姑姑 email給小姑姑 前往小姑姑的日誌

經過您細心解說之後，更能品味她的意境，一早開心的流下感動之淚，

這種感覺似乎又回到帶孩子學小提琴的時候，悠揚琴聲豐富了人生，

震撼人心，更謝謝您細心打字解說。

 

於2010-07-22 06:58:44回覆

To 小姑姑

透早上線, 拍開電腦, 上msn, 看著有批, 知影是你, 你誠有心, 逐日來遮, 共我支持, 共我鼓勵,
共我呵咾, 逐工行善, 你的善行, 予我動力, 非常感謝.

2010-07-21 20:52:49LOVE email給LOVE 前往LOVE的日誌

回到家果然看到了 很感人喔 人生就是要堅持一些美好有意義的價值  勇敢展現生命力 謝謝晚安

 

於2010-07-21 21:14:45回覆

To LOVE

今仔日, 我攏佇你遮做客, 我猶閣佇你遐繼續做你的人客, 已經閣看三十外篇去矣:)嘛感謝你今仔日再度來訪:)

2010-07-21 18:31:12羚蘭 email給羚蘭 前往羚蘭的日誌

學音樂的人 心中要充滿感情 要融入豐富的情感

演奏..演唱出來的音樂 歌曲才會動人心弦..

看完影片 我沒有哭......只是..對著螢幕發呆了很久..感覺..心痛..

為什麼 好腳好手 正常的人要去欺侮...有..缺憾的人...

於2010-07-21 19:58:39回覆

To 羚蘭

這可能愛問33, 佇我的印象內底, 每一个影片, 電視劇等等, 有缺憾的人攏會予人創治. 總感覺in足可憐的.

2010-07-21 10:02:41LOVE email給LOVE 前往LOVE的日誌

沒有影片喔

於2010-07-21 11:08:47回覆

To LOVE

有影片啊. 有可能1. 上班的所在主動切斷影片. 2. 電腦的記憶體無夠. 3. 網路塞咧, 要等一睏仔.
解決方法1.下班用家己厝的電腦看. 2. 換一台記憶體較大的設備來看. 3. 揣另外時間來看. 4. 揤(tshih8)重新整理予網頁重閣走一遍.