2011
05300620家己的厝上蓋好
家己兮厝尚介好
甲：阿婷
乙：阿心
合：上台行禮。
甲：阿心，今年歇熱你有去佗位佚陶玩否？
乙：有阿！今年歇熱阮阿爸，帶阮歸家伙四界去佚陶。
甲：什麼！四界去佚陶？恁阿爸那會遮呢好！（手勢）
來！來！來！阿心，汝遮坐，豆豆阿講！（動作）
乙：遮濟？我一兮人爾爾，無尬外濟！
甲：唉哟！阿心！人阮是足想欲聽去佚陶兮代誌。汝擱佇遮乞丐夯蠓摔仔 －－假仙，阮欲來走啊！（作勢離開）
乙：唉哟！汝莫走啦！（把他拉回來）我是好酒沉甕底喔！
我共汝講！阮阿爸帶阮坐飛凌機去澳洲看無尾熊。
甲：亨啊！坐飛凌機去澳洲看無尾熊？唬！汝阿爸是咧無采錢喔！撥工擱帶汝坐飛凌機燕燕(ing4 ing4)阿飛去澳洲看無尾熊，阿心！汝敢不知台北木柵動物園就有兩隻過鹽水兮無尾熊？
乙：唉哟！遐才是無共咧！
甲：無共？欲哪會無共？共款毋是攏有鼻、有喙、有目周兮無尾熊。
乙：人，澳洲是無尾熊兮故鄉，澳洲兮無尾熊是塞倒街，濟尬若什麼咧！你欲共伊摸，欲共伊抱，攏由在你，哪有親像台北動物園假若兩隻爾爾！擱佇玻璃櫥阿內底！看會到，摸不到。啊！遐不好玩啦！（手勢）
甲：不好玩？有影喔！會記得佇我彼冬去動物園兮時，無尾熊適阿來，嗆尬掠甭牢！欲看兮人是滿四山，我排隊排尬大粒汗小粒汗！擱干旦看到他兮跤脊骿爾！人他佇玻璃櫥內底吹冷氣擱兼哈戲，和頭都毋越一下！予我足失望兮！
乙：汝看！汝看！有影沒？歹耍否？
我塊臆彼兩隻無尾熊盤山過嶺來到台灣，一定心肝結歸丸，莫怪他和頭都毋踅一下！人他是鬱卒！咧想他兮故鄉啦！
甲：啊！（大聲）我想到了！
乙：雞咧？鴨！麥驚我！（手拍胸脯）汝嘛卡細聲咧！阿汝是想著到什麼？
甲：阮是想到頂遍，阮阿母欲去病院生阮小妹，阮就愛去蹛阮阿媽兜，逐工日頭若欲落山，阮就咧想阮阿爸尬阮阿母，目屎強強欲流落來，飯也食甭落，電視嘛不愛看。阮阿媽知影阮咧心悶，就叫阮阿妗，趕緊尬阮載轉來啊！
乙：就是講呣！較講嘛是家己兮厝較舒適，吃好、睏好擱做輕可。
甲：按咧講，彼兩隻無尾熊若像苦瓜滾鰱魚－－可憐吶！
乙：可憐兮不但安呢！汝敢知無尾熊日時睡，暝時耍，咱大家當頭白日欲共伊看，害他睏甭去，擱怪他毋插咱！唉噢！這假若啞狗兮硩死囝子－－『有口khio2難言』哦。
甲：哎喲！阿心，甭擱講阿啦，阮足不甘兮呢！阮看，無尾熊抑是轉去住咧澳洲卡舒適啦。
乙：對！對！對！
唉兮！（扑竹板）
講到遮，阮擱來 講 一寡予 大家聽。
甲：動物 佮人 攏共 款，有情 有愛 愛 溫暖。
乙：鳥仔天頂飛，四跤仔田裡哮，
甲：魚仔水裡泅，動物野外走。
合：予他們蹛佇家己厝， 快樂逍遙尚介好 阿 尚 介好！
(轉去主目錄)
不管如何的舒適豪華還是自己的家住的最習慣